Uumama 23 - KITAABA WAAQA

¹ Saraani ganna d'ibba tokotifi diddami torba teete jennaani

² Hebroni ta lafa Kanaani keesati doote; duuba Abrahamuuni guddo boheefi.

³ Abrahamuuni fulla reefi isii ch'iisuu kae, worra gosa Hiti d'aqe waan jed'eeni,

⁴ Anini keessuma lafa teesani teetu; fulla niiti tiyya iti awaalu nati gurgura.

⁵ Waan worri jed'eeni,

⁶ Ch'aqasi, Aabbo, nu si nama gudda nama dura deemuti si herenna; niiti tante lafa tana keesa goda goda ch'ufa ira dansa, ka atini agarteti, awaalad'u.

⁷ Abrahamuuni worra dura gajed'e waan jed'eeni,

⁸ Hojja isani d'uguma fulla anini niiti tiyya iti awaalu naa kennu feetani, waan Efroni gurba Soharitiini jettani,

⁹ Goda qota oobru tante keesa jiru Abrahamu gurguri jed'aani. Armumati gati isaa narati gaafad'a, aka godi suni fulla anini worra kiyya iti awaalu naa tahu.

¹⁰ Efroniini hojja suni fullo dira suni keesa, fulla kora, worra Hiti d'ibi woliini tau jira.

¹¹ Waan inni jed'e, Na ch'aqasi, Aabbo kiyya, anini oobru tiyya ch'ufafi goda keesa jirule sii kenna. Amma tana gosa tiyya durati anini oobru suni ya sii kenne, aka atini niiti tante keesati awaaltu.

¹² Abrahamuuni worra gosa Hiti durati gajed'e,

¹³ worra durati waan Efroniini jed'e, Na ch'aqasi, Efroni, anini oobru tante siraa bita, aka niiti tiyya iti awaalad'u, waan anini sii baasu fud'ad'u.

¹⁴ Efroniini waan jed'e,

¹⁵ Aabbo, lafti sunini qarsi d'ibba afuri ch'alla, wonti suni jiddu tiyyafi tante maal ke jirti? Niiti tante keesati awaalad'u.

¹⁶ Abrahamuuni, Hayye, jed'e, waan Efroniini, Naa baasi jed'e biyya durati kenneefi — qarsi d'ibba afuri, aka beese gaafasi bunat'uuni woini biimatu gula.

¹⁷ Akasiini oobruuni Efroni, ta Makpela, ta Mamreeni ilaboru, ta Abrahamu taate — oobru, mukha ke jiru, goda wonti ke jira ch'ufti.

¹⁸ Oobruuni suni ta Abrahamu taate fuula worra Hiti ka kora d'ufe ch'ufa durati.

¹⁹ Jennaani Abrahamuuni niiti isaa Sara goda suni ka lafa Kanaani keesa jiruti awaale.

²⁰ Akanaani oobruuni suni ch'ufti, godaani wolti, ta qara hori gosa Hiti, amma hori Abrahamu taate; inni niiti isaa keesati awaale.