Uumama 20 - KITAABA WAAQA

¹ Abrahamuuni Mamree kae lafa Kanaani keesa bita godaane, jiddu Kadeshifi Shuri qubate. Eege lafa Gerari qubate achiti inni

² niiti isaatini, Isiini oboleeti tiyya jed'e. Waan kanafi hayyuuni Gerari, ka Abimeleki jed'ani, Sara naa kootaani jed'e.

³ Halkani toko Waaqi oobju keesa iti mullate waan jed'eeni, Atini indoota, waan niiti tana, ta qara fuud'ani, fud'atteefi.

⁴ Ammo Abimelekiini taka isi bira irafne, tanaafi inni waan jed'e, AABBO Waaqa, anini ch'ubbu inqabu; atini anaafi worra kiyya inhobaafta?

⁵ Qara Abrahamuti, Isiini oboleeti tiyya naani jed'e, isiileeni anini gaafannaani akasuma naani jette. Anini waan kana woma d'uga ka jira sehe tahe.

⁶ Jennaani Waaqi oobju keesa waan jed'eeni, D'uguma anini imbeekha, aka atini waan d'uga seete taate, tanaafi anini ch'ubbu si d'owe isi bira gahu si d'owe.

⁷ Amma tana niiti tana abbaa deebisi. D'iirsi isii raaga, aka atini indoone Waaqa si kad'ata. Ammo hojja atini niiti tana d'iirsati indeebisiini siifi worra keetileeni ch'ufti inhobaatani, beekhi.

⁸ Boriyya diirama Abimelekiini hojattu isaa ch'ufa wolti yaame waan tahe iti hime, jennaani ch'ufti naasuuni hobaate.

⁹ Duuba Abimelekiini Abrahamu yaame waan jed'eeni, Atini maal nu tolchite? Wonti hamtuuni anini si tolche ka atini sila naafi lafa tiyyale balleesitufi maani? Nami waan atini na tolchite kana taka nama tolchu injiru.

¹⁰ Atini maafi akasi taate?

¹¹ Abrahamuuni waan jed'eeni, Anini waan nami Waaqa sodaatu lafa tana keesa jiruyu inseene; waan na ijeesani niiti tiyya naraa fud'atani sehe.

¹² Isiini d'ugumati oboleeti tiyya. Abbuma taka nu d'ale, ammo haati teenna garagara, tanaafi anini isi fuud'e.

¹³ Gaafa Waaqi lafa abba kiyya keesaa lafa d'ibiti na erge, anini waan Saraani jed'e, Aka fed'i te na garsiiftu, nama ch'ufaani, Anini oboleeti isaa jed'i jed'eeni.

¹⁴ Duuba Abimelekiini Sara Abrahamuu deebise; ammalle ree, looni, tissele ch'ufa kenneefi.

¹⁵ Ammalle waan inni Abrahamuuni jed'e, Lafti tuni ch'ufti tiyya, fulluma feetu qubad'i.

¹⁶ Ammalle inni waan Saraani jed'e, Anini qarsi kuma toko oboleesa keetii kenna, aka milikeeti d'uga teeti taatu; nami ch'ufti aka atini waan daba intolchini tanaani beekha.

^17-18 Waan Abimelekiini Sara niiti Abrahamuu fud'atteefi, AABBO Waaqi worra isaa ch'ufa ka uwa d'alu d'owe. Ammo Abrahamuuni guddo Waaqa Abimeleki kad'ate, tanaafi Waaqi isaa araarame, niiti isaatiifi tissele isaa ta uwale ch'ufa fayyise, aka worri ijoolle d'alu tolche.