Uumama 16 - KITAABA WAAQA

¹ Saraiini, niiti Abramu, ijoolle tokole isaa ind'alle, ammo isiini intala tisse toko ta gosa Misiri qabdi, ta maqaani Hajiri.

² Saraiini waan Abramuuni jette, AABBO Waaqi ijoolle tokole naa inkennine. Tissiti tiyya tana barad'i, aka isiini ilmaani naa d'altu. Abramuuni waan isiini jetteeni tahe.

³ Saraiini Hajiri Abramu kennite, aka isiini niiti isaa taatu. (Wonti kunini eegi Abramuuni ganna kud'ani lafa Kanaani keesa tae taate.)

⁴ Abramuuni Hajiri garaacheese; isiini aka garaachoofte ufi agarraani Sarai ch'eera d'abde.

⁵ Jennaani Saraiini waan Abramuuni jette, Wollaala keetifi Hajiriini ch'eera na d'abde. Anumati isi sii kenne, ammo isiini haga garaacha ufirati garte ya ch'eera na d'abde. AABBO Waaqi anaafi si nama fulla injirre ha laalu.

⁶ Abramuuni waan jed'eeni, Hayye, d'uguma isiini tisse teeti, harka kanke keesa jirti, waan feetu tolchi. Jennaani Saraiini aka hamtu Hajiri gaargalchinaani, isiini biraa baqatte.

⁷ Malaikaani AABBO Waaqaa Hajiri, ta maddo lafa aloo d'aatu kara Shuri teetu, iti d'ufte

⁸ waan jetteeni, Hajiri tissiti Sarai, atini eesaa d'ufte, eesa deemta?

⁹ Isiini waan jetteeni, Uwiti hojad'uufi biraa baqachuu jira. Malaikaani waan jetteeni, Isiiti deebii, hojad'iifi.

¹⁰ Ammalle waan jetteeni, Anini si horsiise ilmaani heddu sii kenna, ta nami tokoleeni hedu indandeenne.

¹¹ Atini ilma d'alte maqa isaa Ishmaeli baafta, wonti akanatiifi AABBO Waaqi ya d'iba kanke arge boha tante d'agaye.

¹² Ammo jireenni ilma kanketi kauma harre diidaa taha; inni nama imfed'u, nami tokoleeni isa imfed'u. Fiit'a isaaleeni wolind'agayani.

¹³ Hajiriini mamte waan ufiini jette, Ani d'ugumati Waaqa arge iraa hafe waan kana inodeesa? Tanaafi isiini AABBO Waaqa ka isiini dubbate, Waaqa waan ch'ufa argu jetteeni.

¹⁴ Waan kanafi eela jiddu Kadeshifi Beredi, Eela Waaqa jiru, ka na argu, jed'ani yaamani.

¹⁵ Hajiriini Abramuu ilma d'alte, inni maqa Ishmaeli baaseefi.

¹⁶ Gaafasi ganni Abramuu saddeetami jaa.