Uumama 11 - KITAABA WAAQA

¹ Gaafa qara nami ch'ufti afaani toko dubbata, dubbileeni toko.

² Ato nami gara ilaboru gogodaanu, lafa diida diriirtu Shinari keesati qubatani.

³ Duuba waan woliini jed'ani, Koota me, biyye faara suumne aka dansaa gumne matofaara mid'aasina. Duuba matofaara suniini woi jaarani, matofaara suni laamiini wolti qabani.

⁴ Jennaani waan jed'ani, Koota me, dira jaaranne, mana d'eera ka fiit'eeni isaa Waaqati ejitule jaarra, aka gurra baafanne lafa ch'ufa keesa gargari imbaane.

⁵ Jennaani AABBO Waaqi gadi bue, dirafi mana d'eera nami jaare argu d'ufe

⁶ waan jed'e, Me ilaala, worri kunini ch'ufti gosa toko, ammalle afaani toko dubbatani; iti keeyachaani waan worri armaa achi tahu tana. Armaa achi worri woma yaadu taha!

⁷ Koota me, gadi buune, afaani worraa wolmilisine, aka worri wolind'ageenne.

⁸ Duuba AABBO Waaqi lafa ch'ufa keesa worra gargari baase wolhanqise; jennaani worri ijaarsa dira suni lakise.

⁹ Tanaafi dira suni maqa Babeli baasani; wonti akanatiifi achiti AABBO Waaqi afaani nama ch'ufa wolmillise, achumaani nama ch'ufa gargari baase wolhanqise.

Ilmaani Shemu

¹⁰ Tunini ilmaani Shemu. Eegi bisaani fach'aani lafa balleesani kaani, ganni lama dabre jennaani Shemuuni, ka ganni isaa d'ibba toko, Arfaksadi d'ale.

¹¹ Eegi suni inni ganna d'ibba shani tae ilmaani d'ibile d'ale.

¹² Arfaksadiini ganna sodomi shani tae ilma isaa Sela d'ale.

¹³ Eegi suni inni ganna d'ibba afuritiifi sadi tae ilmaani d'ibile d'ale.

¹⁴ Selaani ganna sodoma tae ilma isaa Eberi d'ale.

¹⁵ Eegi suni ganna d'ibba afuritiifi sadi tae ilmaani d'ibile d'ale.

¹⁶ Eberiini ganna sodomi afuri tae ilma isaa Pelegi d'ale.

¹⁷ Eegi suni ganna d'ibba afuritiifi sodoma tae ammalle ilmaani d'ibile d'ale.

¹⁸ Pelegiini ganna sodoma tae ilma isaa Reu d'ale.

¹⁹ Eegi suni ganna d'ibba lamatiifi sagali tae ilmaani d'ibile d'ale.

²⁰ Reuni ganna sodomi lama tae ilma isaa Serugi d'ale.

²¹ Eegi suni ganna d'ibba lamatiifi torba tae ilmaani d'ibile d'ale.

²² Serugiini ganna sodoma tae ilma isaa Nahori d'ale.

²³ Eegi suni ganna d'ibba lama tae ilmaani d'ibile d'ale.

²⁴ Nahoriini ganna diddami sagali tae ilma isaa Tera d'ale.

²⁵ Eegi suni ganna d'ibba tokofi kud'ani sagali tae ilmaani d'ibile d'ale.

²⁶ Teraani ganna torbatama tae jennaani Abramufi Nahorifi Harani d'ale.

Ilmaani Tera

²⁷ Ilmaani Tera tana; inni abba Abramufi Nahorifi Harani. Haraniini abba Lutu.

²⁸ Duuba Haraniini dira iti d'alate, ka Uru jed'ani keesa, lafa Kaldayo keesati, ato abbaani jiru, due.

²⁹ Abramuuni Sarai fuud'e, Nahoriini Milka, ta dubra Harani, ta oboleeti Iska, fuud'e.

³⁰ Saraiini maseena, taka woma ind'alle.

³¹ Teraani ilma isaa Abramufi akhaakhu isaa Lutu, ka Haraniini d'ale, ammalle Sarai niiti Abramu fuud'e, dira Uru, ka lafa Kaldayo keesaa kae, lafa Kanaaniti godaane, lafa Harani geennaani achumati qubate.

³² Lafa Harani keesati Teraani ganna d'ibba lamatiifi shani geennaani due.