Uumama 10 - KITAABA WAAQA

¹ Tunini ilmaani ilmaani Nuhu ta Shemu, Hamu, Yafethi jed'ani. Isiini sadeenu eegi fach'aani bisaani lafa balleese ilmaani tana d'alte.

² Ilmaani Yafethi tana: Gomeri, Magogu, Madai, Yavani, Tubali, Mesheki, Tirasi.

³ Ilmaani Gomeri: Ashkenazi, Rifathi, Togama.

⁴ Ilmaani Yavani: Elisha, Tarshishi, Kitimu, Warodani.

⁵ Tana ira worri afaani baariini tau hore. Tunini ilmaani Yafethi, ta isiini ch'ufti gosafi lafafi afaani ufile kobaa qabdu.

⁶ Ilmaani Hamu tana: Kushi, Misiri, Putu, Kanaani.

⁷ Ilmaani Kushi tana: Seba, Havila, Sabta, Raama, Sabteka. Ilmaani Raama: Shebafi Dedani.

⁸ Kushiini Nimrodi d'ale; inni nama qara lafa ch'ufa keesa janna jaba tahe.

⁹ Inni AABBO Waaqa durati nama adamo jaba tahe, tanaafi biyyiti waan jettu, Ebelluuni AABBO Waaqa durati nama aka Nimrodi adamooti jaba jetti.

¹⁰ Gaafa qara lafti inni fide Babiloni, Ereku, Akadi, Kalne, lafa Shinari keesa.

¹¹ Inni lafa suni keesaa godaane lafa Ashuru d'aqe, achiti dira Ninawifi Rehoboth-Iri, Kala,

¹² Reseni, ka jiddu Ninawifi Kala jiru jaare; Kalaani dira suni ch'ufa ira gudda.

¹³ Misiriini gosa Ludifi Anamifi Lehabifi Naftuhifi

¹⁴ Pathrusifi Kasluhifi Kaftori d'ale; gochiti Filisti gosa Kaftori iraa horte.

¹⁵ Kanaaniini ilma isaa ka angafa ka Sidoni jed'anifi Hethi d'ale,

¹⁶ ammalle gosa Yebusifi Amorifi Girgashifi

¹⁷ Hivifi Arkifi Sinifi

¹⁸ Arfadifi Semarifi Hamathi d'ale. Eegi suni gochiti Kanaani miilo miilooni gargari baate,

¹⁹ duuba lafti worraa haga Sidoni ejite qajeela Gerari haga Gaza, qajeela Sodomafi Gomora, Admafi Seboimu haga Lashaleti ejite.

²⁰ Tunini ilmaani Hamu, ta isiini ch'ufti gosafi lafafi afaani ufile kobaa qabdu.

²¹ Shemuleeni, ka oboleesa gudda Yafethi, ka ammalle abba ijoolle Eberi, ijoolle d'ale.

²² Ilmaani Shemu tana: Elamu, Ashuru, Arfaksadi, Ludi, Aramu.

²³ Ilmaani Aramu tana: Usi, Huli, Githeri, Mashi.

²⁴ Arfaksadiini Sela d'ale, Selaleeni Eberi d'ale.

²⁵ Eberileeni ijoolle lama ta d'iira d'ale: ka qara maqa Pelegi baasanifi, wonti akanatiifi ato inni jiru lafti gargari qoodamte; ka lameeso maqaani Yoktani.

²⁶ Yoktaniini ilmaani tana d'ale Almodadi, Shelefu, Hasarmawethi, Yera,

²⁷ Hadoramu, Uzali, Dikla,

²⁸ Obali, Abimaeli, Siba,

²⁹ Ofiri, Havila ammalle Yobabi. Tuni ch'ufti ilmaani Yoktaniiti.

³⁰ Lafti worri keesa tae haguma Mesha ejite qajeela Sefari, haga lafa gaareeni ta ilaboruti ejite.

³¹ Tunini ilmaani Shemuti, ta isiini ch'ufti gosafi lafafi afaani ufile kobaa qabdu.

³² Worri kunini ch'ufti worra ilmaani Nuhu iraa hore, d'alootafi gosa isaani gula. Worra kana iraa gochiti lafaa ch'ufti baate, eegi fach'ai bisaani lafa balleese.