Uumama 1 - KITAABA WAAQA

Odu uumama

¹ Gaafa qaraa fiit'e, Waaqi lafafi gubba uume.

² Gaafasi lafti duwa, fuula inqabdu, aka injirtu, ammalle dukanti d'immu bisaani gubbaa jirti. Irreeni Waaqa guddooni bisaani gubbaa dedeemti.

³ Jennaani Waaqi waan jed'e, Ifsaani ha tahu; duuba ifsaani tahe.

⁴ Waaqi aka ifsaani suni dansa arge, ifsafi dukana gargari baase.

⁵ Jennaani Waaqi ifsaani guyya jed'e, dukanaani halkani jed'e. Akanaani galgali tahe diiramileeni tahe; kunini guyya qara.

^6-7 Jennaani Waaqi waan jed'e, Wonti bisaani fulla lamati gargari baasa ha taatu. Duuba Waaqi waan suni mid'aase, akanaani bisaani waan suni gubbaa jirafi ka jala jirale gargari baase; duuba akuma suni taate.

⁸ Waaqi waan bisaani gargari baasa suniini Gubba jed'e. Akanaani galgali tahe diiramileeni tahe; kunini guyya lameeso.

⁹ Jennaani Waaqi waan jed'e, Bisaani lafa gubbaa jirani ha fulla tokoti wolti deebiani, aka biyyeeni godduuni mullattu; duuba akuma suni taate.

¹⁰ Waaqi biyye goddu suniini Lafa jed'e, ammalle bisaani wolti deebiani suniini Baariini jed'e; Waaqi wonti kunini dansa arge.

¹¹ Waaqi waan jed'e, Lafti latte ha mukhaafi marra gosa ch'ufa baaftu, mukha mid'aani killetiifi mich'iraani qabuufi ka inqamnele, duuba akuma suni taate.

¹² Duuba lafti latte mukhaafi marra gosa ch'ufa, ka mid'aani killetiifi ka mich'iraani qabuufi ka inqamnele baafte. Waaqi wonti kunini dansa arge.

¹³ Akanaani galgali tahe diiramileeni tahe; kunini guyya sadeeso.

¹⁴ Jennaani Waaqi waan jed'e, Ifsaani ha gubbaa mullattu, aka halkanifi guyya gargari beekhani.

¹⁵ Ammalle ifsaani kuni ha gubbaa ifsu, aka lafti ifsa argattu jed'e. Duuba akuma suni taate.

¹⁶ Akanaani Waaqi ifsa gugurda lama tolche, adu ta guyya mohatu, jia ka halkani mohatu; ammalle urjile mid'aase.

¹⁷ Inni ifsa suni gubbaa kaye, aka lafati ifse

¹⁸ halkanifi guyya mohate ifsafi dukana gargari baasu. Waaqi wonti kunini dansa arge.

¹⁹ Akanaani galgali tahe diiramileeni tahe; kunini guyya afreeso.

²⁰ Jennaani Waaqi waan jed'e, Bisaani waan lubbu qaba heddu ha d'alani; simpirreleeni ha gubba qilleensa keesa bariftu.

²¹ Akanaani Waaqi bineensa gugurdafi didiqa ka bisaani keesa galu, simpirre gosa ch'ufale woliini uume. Waaqi wonti kunini dansa arge.

²² Waaqi waan kana ch'ufa eebise waan jed'e, Hora bula, baariini guuta; simpirreleeni, Hora, lafa ira dabra jed'e.

²³ Akanaani galgali tahe diiramileeni tahe; kunini guyya shaneeso.

²⁴ Jennaani Waaqi waan jed'e, Horifi bineensi gosa ch'ufa, guddafi diqaleeni, lafa gubbati ha d'alatu. Loonifi bineensa lafa ira lohufi bineensa gosa ch'ufa hedduleeni ha d'alatu; duuba akuma suni taate.

²⁵ Akanaani Waaqi bineensa gosa ch'ufa, ka lafa ira lohufi ka illoonnefi ammalle horile ch'ufa, woliini uume. Waaqi wonti kunini dansa arge.

²⁶ Jennaani Waaqi waan jed'e, Koota, nama mid'aasina fakeennafi akheekha keenna gula, aka inni qurt'umi baariinitifi waan gubbaa barisa ch'ufafi horifi bineensa allaatiifi waan garaani lafa ira lohu ch'ufale mohatu.

²⁷ Akanaani Waaqi fakeenna ufii gula nama uume. Inni nama uwafi nama d'iira uume

²⁸ eebiseefi waan jed'eeni, Ilmaani hora, lafa guuta fida, ammalle qurt'umi baariinitifi waan gubbaa barisatiifi waan lubbu qaba ka deemu ch'ufa mohad'a.

²⁹ Jennaani Waaqi waan jed'e, Anini mukha mid'aani killetiifi ka mich'iraani qabuufi ka inqamnele ch'ufa ya isanii kenne, nyaad'a quufa.

³⁰ Ammo bineensa miilaani lafa ira yaufi ka gubbaa barisufi ka lafa ira lohuleeni, ka lubbu qabu ch'ufti ha marraani fidamu; duuba akuma suni taate.

³¹ Waaqi wonti inni mid'aase ch'ufti guddo dansa arge. Galgali tahe diiramileeni tahe; kunini guyya jaeeso.