Roomaa 7 - KITAABA WAAQA

¹ Isani waan anini jechu fed'u inuma beetani, oboleyaani tiyya, isaniini ch'ufti seerale imbeetani: Seeri haga nami jiru ch'alla jira.

² Fakeennaa jenne, Seera gula, niitiini fuud'ani haga d'iirsi jiru ch'alla ta isaati; ammo yo inni due, isiini abba ufiiti.

³ Yo isiini haga d'iirsi isii jiru nama d'ibi woliini deemte, isiini waan hamtu taate jed'ani; ammo yo d'iirsi due, isiini waan feetu taati, yo nami d'ibiini fuud'ele isiini woma iyakine.

⁴ Isanileeni akasuma, oboleyaani tiyya. Isanileeni gama Seeratiini ya dootani, waan isani mita nafa Kristo taataniifi; amma isani ka isaati, isa ka aka nu Waaqa durati wo baanu duisa keesaa kaasani.

⁵ Gaafa nu d'araa nafa keenna gula yaane, d'araani dabaa ta Seeri tutuqe kaase nu keesa hojate duisaani d'ufte.

⁶ Ammo amma nu Seera jala injirru, maro nu gara waan duri nu hid'eeni dooneefi. Ituma deebine seera t'aafani ka duri jala inteennu, ammo kara haraa ka Lubbutiini teenna.

Waan Seerafi daba

⁷ Maani jenna re? Seeri dabdicha jenna? Hiyyo, akasiiniti. Ammo Seerati aka dabi jiru na barsiise jenna. Wonti akanatiifi ato sila seeri, Woma ind'araiini naani injed'iini, anini d'arayu waan imbeekhu.

⁸ Dabi aka d'araa gosa ch'ufa na keesati hojatu seera keesa qoomni argate. Fulla seeri injirre dabi waan due.

⁹ Anini duri seera male jiraad'e; ammo seeri d'umnaani dabi kae,

¹⁰ jennaani anini due. Seeri anini waan inni jireennaani naa d'ufu sehe, duaani naa d'ufe.

¹¹ Wonti akanatiifi dabi qoomni argate, seera keesa seene na sobe; kara seeratiini dabi na ijeese.

¹² Seeri ch'ufti qulqullofi qajeelafi dansa.

¹³ Yoosi waan dansati na ijeese? Hiyyo, akasiiniti. Dabati na ijeese; dabi waan dansa fuud'e duisaani nati d'ufe, aka wonti isii ch'ufti mullattu. Tanaafi dabi maro seeratiifi haga durile ira hamaate.

Qalbi duritiifi qalbi haraa

¹⁴ Nu aka Seeri waan lubbu heregu imbeenna; ammo anini namuma, aka tisse dabati na gurguratani.

¹⁵ Anini waan tolchu imbeekhu; wonti akanatiifi anini waan tolchu fed'u intolchu, ammo waan tolchu imfeene tolcha.

¹⁶ Anini yo waan tolchu imfeene tolchu aka seeri qajeela agarsiisa.

¹⁷ Tanaafi nama waan kana tolchu anaaniti, ammo daba na keesa jiruti waan kana na tolchisiisa.

¹⁸ Anini aka wonti dansaani na keesa injirre imbeekha, nafa kiyya keesa. Ato waan dansa tolchu fed'ele dandae intolchu.

¹⁹ Waan dansa ka tolchu fed'u intolchu, ammo hameenna tolchu imfeene tolcha.

²⁰ Yo anini waan tolchu imfeene tolche, yoosi nami woi tolchu anaaniti; ammo daba na keesa jiruti tolcha.

²¹ Tanaafi anini aka seeri kuni huji hojatu inarga: yo anini waan dansa tolchu fed'u waan hamtu ch'allati nati gadi baha.

²² Garaa kiyya keesati Seeri Waaqa na gammachiisa.

²³ Ammo aka seeri d'ibiini mita tiyya keesa hojatu arga, seera ka seera qalbiini tiyya feetu jibbu. Inni tisse seera nafa kiyya keesa jiru na tolcha.

²⁴ Anini guddo gaargala qaba! Eentu nafa duisati na geesu kana keesaa na baasa?

²⁵ Galati Waaqa imbadiini, maro Aabbo Yeso Kristotiifi! Wonti anini keesa jiru tana: ufi tiyya seera Waaqa qalbi tiyya ch'alla keesati guuta, ammo nafi kiyya seera daba guuta.