Roomaa 16 - KITAABA WAAQA

¹ Anini oboleeti teenna Fobi, ta gumi Kenkreeti hojattu, isani beesisu fed'a.

² Maqa Waaqaatiini, aka gumiini Waaqa tolchu malte, isi fud'ad'a, ammalle d'ipu isiini qabdu ch'ufa baasa, waan isiini anaafi nama d'ibile guddo qarqaarteefi.

³ Anini Priskafi Akila, ka huji Kristo Yeso na woliini hojatani,

⁴ ka naa jed'ani duale sodaachu didani nagaya d'aama. Anini guddo galata worraa deebisa — na ch'allaaniti, ammo gumiini gosa d'ibi ch'ufti.

⁵ Gumi mana worra keesati wolwoldeetule anini nagaya d'aama. Jaala kiyya Epaineto, nama qara ka Asia keesati Kristo d'ugefatele, nagaya d'aama.

⁶ Mariamu, ta guddo isani hojatte, nagaya d'aama.

⁷ Andronikofi Yunia, worra gosa tiyya, ka na woliini hid'ani, nagaya naa fuud'a; ergattu keesa worri gurra qaba, ato anini Kristiana intahiini worri tahe.

⁸ Ampliato, jaala kiyya, maro Aabbootiifi, nagaya naa fuud'a.

⁹ Urbano, ka huji Kristo na woliini hojateefi jaala kiyya Stakisile nagaya naa fuud'a.

¹⁰ Apele ka guddo Kristo jaalatule nagaya naa fuud'a. Worra Aristobulole nagaya naa fuud'a.

¹¹ Herodioni, ka gosa tiyya, nagaya naa fuud'a; oboleyaani Kristiana ta worra Narkiso nagaya naa fuud'a.

¹² Trifainafi Trifosa, ka huji Aabbo hojatani, nagaya naa fuud'a, ammalle jaala kiyya Persisi ka huji Aabbo jabdu hojatele.

¹³ Rufo, ka huji Aabbo hojatufi haad'a isaa ta hojja ch'ufa aka ilma ufi na tolfattele, nagaya naa fuud'a.

¹⁴ Asinkritofi Flegonifi Hermefi Patrobafi Hermefi oboleyaani worra woliini jirtu ch'ufa nagaya naa fuud'a.

¹⁵ Filologofi Yuliafi Nereafi oboleeti isaatiifi Olimpafi gumi Kristiana ta worra woliini jirtu ch'ufa nagaya naa fuud'a.

¹⁶ D'ungo oboleyaanitini nagaya woli fuud'a. Gumiini Kristo ch'ufti nagaya isanii d'aamti.

D'aamsa eege

¹⁷ Anini isani kad'ad'a, oboleyaani tiyya: worra gargari nama qoode d'ugefacha nama yake waan isani duri barattani didu, hubad'a, eegad'a.

¹⁸ Worri waan akana kana tolchu Kristo Aabbo keenna hojachuuti injiru, ammo garaa ufiti hojata. Worri Afaani dansaani qalbi nama woma imbeenne soba.

¹⁹ Nami ch'ufti aka isani dubbi Waaqaa guuttani imbeekha, maro waan kanatifi anini guddo gammada. Anini isani waan dansati qaroomtani ammo waan hamtuti daallooftani fed'a.

²⁰ Duuba Waaqi, ka nagaya nuu kennu, d'iotu Sheet'ana miila keesani jalati ch'arasa. Eebiti Aabbo Yeso isani woliini jiraatinna.

²¹ Timotheoni, ka na woliini hojatu, nagaya isanii d'aama; Lukiofi Yasonifi Sosipatro, gosa tiyya, nagaya d'aamani.

²² Anini Tertioni, nami tatabe tana t'aafe, nagaya isani d'aama.

²³ Gayoni, ka anini mana isaa bululeeni ka gumiini mana isaa keesati wolwoldeete nagaya isanii d'aama. Erasto, ka hori dira kana qorqoratuufi oboleesi keenna Kwartoni, nagaya isanii d'aamani. [

²⁴ Eebiti Aabbo Yeso Kristo isani ch'ufa woliini jiraatinna. Amini.]

Waaqa faarsani

²⁵ Waaqa guddimna! Inni Odu Dansa Yeso Kristo ta anini odeesu gula d'ugefacha teesani jabeesu indandaa, ammalle mullacha waan d'ossa ka ganna heddu d'ossani gula.

²⁶ Ammo amma waan d'ossani suni ya mullisani t'aafi raagoota gula; ammalle seera Waaqa ka haga jiru jireenna tau gula ya gosa ch'ufa beesisani, aka nami ch'ufti d'ugefate ch'aqasu.

²⁷ Gara Waaqa tokocha, ka waan ch'ufa beekhu, guddindindinni maro Yeso Kristotiifi tahinna, ammafi hegerile! Amini.