Roomaa 13 - KITAABA WAAQA

¹ Nami ch'ufti jara finna lafa harkaa qabu ch'aqasu malle; wonti akanatiifi fed'i Waaqa male nami wo fidu injiru, ammalle jara amma lafa fidu kanale Waaqati tolche.

² Nami jara wo fidu suni didu waan Waaqi tolche dida; nami waan kana tolchu qorsuma ufitiini d'ufa.

³ Wonti akanatiifi nami waan dansa tolchu jara isa fidu suni insodaatu ammo nama hameenna tolchuuti sodaata. Aka nama nama wo fidu insodaanne tahu feeta? Yoosi waan dansa tolchi, inni si saada.

⁴ Wonti akanatiifi inni hojattu Waaqaa ta aka ira jirti tanteti sii hojattu. Ammo yo waan hamtu tolchite isaa sodaad'u inni ufuma sheeftini indeemu. inni hojattu Waaqaati, dalansu Waaqa nama hameenna tolchuuti buusa.

⁵ Maro waan kanatifi jara lafa fidu ch'aqasu maltani — maro dalansu Waaqa ch'allaaniti ammo maro herega garaatiifi.

⁶ Maro waan kanatifi isani gibira baaftani; wonti akanatiifi jari wo fidu kunini, yo hojatu, Waaqaa hojachu jira.

⁷ Tanaafi waan worraa baasu malani baasa; damoosafi gibira baasa, guddinnaafi ulfinna worra ch'ufa agarsiisa.

Woljaalachu malani

⁸ Gati nama tokole imfud'atiina, gatiini isani qabdani ta jaalala woli ch'alla tahinna. Nami nama d'ibi jaalatu ch'ufti ya seera guute.

⁹ Seeri, d'iirafi nad'eeni wolbarate garayu woliintolfatini: Nami inijeesiini; inhatiini; womayu ind'araiini jed'ufi ka d'ibiini ch'ufti seera oboleesa kanke aka ufi jaalatu jaalad'u jed'u keesa jira.

¹⁰ Nami oboleesa ufi aka ufi jaalatu jaalatu wollaala iti intolchu. Yoosi, jaalalti seera ch'ufa guuti.

¹¹ Waan kana tolchu maltani, waan saati beetaniifi: hojjaani isani hiriiba keesaa kaatani ya geete. Hojjaani nu baafamnu ya haga qara nu d'ugefanne ira gadi d'iaatte.

¹² Halkani ya ala hobaani, lafti diquma imbariini. Waan dukana lakisu malle. Miha lola ka ifsa naqachu malle.

¹³ Adaba dansaani deema, aka nama ifsa guyya keesa deemu. farso d'ugitiifi machifi, foko d'abaafi woldidiisafi qot'e lakimna.

¹⁴ Ammo miha lola ka Aabbo Yeso Kristo keyad'a, adaba keesani ka daba, ka d'araa nafa keesani quufsu lakisa.