Roomaa 1 - KITAABA WAAQA

¹ Maqaani kiyya Paulo, hojattu Kristo Yesotiifi ergattu Waaqi fohate yaame, aka Odu isaa Dansa odeesu.

² Odu Dansa tana Waaqi duri afaani raagootatiini kakhate t'aafi qulqullo keesati t'aafani.

³ Isiini waan Ilma isaa Aabbo keenna Yeso Kristo himti: inni d'aloota nafatiini ilma Dauditi,

⁴ ammo gara Lubbu Qulqullo gula aka inni Ilma Waaqa jabeennaani nama agarsiisani, waan duisa keesaa isa kaasaniifi.

⁵ Maro isaatiifi Waaqi na fohate ergattu maro maqa Kristotiifi na tolche, aka gosa ch'ufa d'ugefachiise fud'achiisu.

⁶ Yo gosa ch'ufa jed'ani, isani worri Rumileeni, ka Yeso Kristoni yaame jara ufi tolche, worra suni keesa jirtani.

⁷ Tanaafi anini gara gumi Rumi keesa jirtu ta Waaqi jaalate nama ufi tolfateti t'aafa: Waaqa Abba keennatiifi Aabbo Yeso Kristoni nagaya isanii kennina.

Galata deebisani

⁸ Qaraa fit'e anini Waaqa kiyya Yeso Kristo keesa galata deebisa, maro isani ch'ufatiifi, waan lafti ch'ufti d'ugefacha teesani d'ageeteefi.

⁹ Waaqi anini irre tiyya ch'ufaani hojad'e Odu Dansa Ilma isaa odeeseeti naa d'uga. Waaqi aka anini

¹⁰ hojja kad'ad'u ch'ufa isani qaabad'u imbeekha. Anini Waaqa kad'ad'a aka fed'i isaa gula inni na dandeesise, anini amma gara keesani d'ufu.

¹¹ Wonti akanatiifi anini guddo isani argu fed'a, aka kenna Lubbu ta isani jabeesitu isanii kennu.

¹² Wonti anini jed'u tana, anaafi isanileeni wolqarqaarra: d'ugefachaani tiyya isani qarqaarte, teesanileeni na qarqaarti.

¹³ Waan kana qaabachu maltani, oboleyaani tiyya: anini maro heddu imaltu gara keesani d'ufu fed'e, ammo hojja ch'ufa woiti na d'owe. Ya jiddu teesanile nama d'ugefachiisu fed'e, akuma gosa d'ibi keesa tolche.

¹⁴ Nami ch'ufti gati nara qaba, nama aada beekhufi ka imbeennele, ka woi beekhufi ka woma imbeennele.

¹⁵ Tanaafi anini isani worra Rumile Odu Dansa guddo iti odeesu fed'a.

Jabeenna Odu Dansa

¹⁶ Wonti akanatiifi anini Odu Dansa iraa inch'eeru: isiini jabeenna Waaqa ka worra d'ugefate ch'ufaani baasani, qaraa fiit'e Yahudi eegi suni gosa d'ibi.

¹⁷ Wonti akanatiifi Odu Dansa keesa Waaqi kara inni d'uga nama hereguuni agarsiisa: karaani suni d'ugefacha ch'alla. Akuma t'aafiini jettu, Nami Waaqi maro d'ugefachatifi d'uga hereguufi injiraata.

Ch'ubbu nama ch'ufa

¹⁸ Dalansuuni Waaqa ya mullatte gubbaa gadi buute, daba worra hamama ch'ufa ira buute. Worri hameenna ufitiini d'uga mullachu d'owa.

¹⁹ Wonti akanatiifi wonti nami waan Waaqa beekhu dandau ch'ufti diida keesa teeti Waaqati worra beesise.

²⁰ Haga Waaqi lafa uume jabeenna isaa ka hegeretiifi, waaqoomi isaaleeni, ato ilaani argu baatani, ya waan inni tolche keesa aka dansa mullate.

²¹ Worri Waaqa imbeekha, ammo ulfinna isaa male kennuufi didani, yokhaani galatale isa indeebisani. Ammo heregi worra ya daallae, mataani worra ka qalbi inqamne ya dukanae.

²² Qalbi qamna ufiini jed'ani, ammo daalle tahani;

²³ fulla sila Waaqa indoone ulfeesani waan harkaani boch'ani ka nama yokhaani simpirre yokhaani bineensafi waan lafa ira loha fakeesani ulfeesani.

²⁴ Waan nami akana daalleefi, Waaqi ya worra lakise, aka waan hamtu ka garaani worraa d'araufi tolchani waan ch'eera woli tolchani.

²⁵ D'uga Waaqaa lakisani waan d'ara tolchani, Waaqa ka waan ch'ufa uume lakisani, waan inni uume kad'atani ulfeesani. Inni haga hegeri ha guddifamu! Amini.

²⁶ Maro waan nami tolchuufi, Waaqi ya waan hamtu ka ch'eera worrati lakise. Nad'eeni ya aada ufi ta rifane lakifte waan aada male taate.

²⁷ D'iirtileeni ya nad'eeni lakifte wolid'araate. D'iirti waan ch'eera woltolchite, akanaani gaargala argachu malte nafa ufi keesa argatti.

²⁸ Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani.

²⁹ Ya hameennafi ch'ubbufi sabdoomafi t'uriini guutamani; wolqot'isani, wolijeesani, wolhad'ani, wolsobani, wolhamatani. Duddaduuba wolnyaatani,

³⁰ hameenna woli dubbatani; Waaqa jibbani, kiyyibaani, ufi saadani, ufi guddisani; kara heddu ka hameennaani tolchani heregani; worra ufiti insaalfatani;

³¹ hameenna gula yaani, kakhu ufi injabeesani, nama d'ibi inahani yokhaani iyaalani.

³² Worri aka Waaqi nami waan kana gula yau duaa male jed'u imbeekha. Ammo taatule waan kana tolchu illakisani, ammalle nama waan kana tolchule wolti quufani.