Qaabacha Seera 9 - KITAABA WAAQA

¹ Worra Israeli d'agaya! Isani arra galaana Yordani taakitani lafa gosa isani ira guddotifi isani ira jajabdu fud'achu d'at'ani. Diri worraa gudda, old'eeresani, d'akhaani marsani jaarani.

² Nami worraleeni jajaba d'ed'eera, ilmaani Anaki, ka, aka isani d'ageetani, nami tokoleeni dandae worra dura inejine.

³ Ammo amma tana beekha, nami isani dura deeme aka ibida woi gubu AABBO Waaqa keesani. Inni isani dura deeme, worra dabsate balleesa, duuba isani worra gussitani, akuma inni kakhate, yoosu balleesitani.

⁴ Eegi AABBO Waaqi keesani worra isani duraa gusse, garaa keesani keesati maruma dansuma teennatifi AABBO Waaqi lafa tanaani nu d'ufe, fud'ad'a nuni jed'e injed'ina. Wonti akanatiifi AABBO Waaqi maro hameenna worra kanatifi worra isani duraa gussa.

⁵ Maro dansumafi qajeeluma teesanitifi AABBO Waaqi lafa suni isanii inkennu, ammo maro hameenna worraatifi maro inni kakhu duri ababoota teesani Abrahamufi. Isaaqofi Yakobooti kakhate guutu fed'uufi, inni worra lafa keesaa isaani duraa gussa.

⁶ Tanaafi beekha, AABBO Waaqi lafa gabbo tana maro dansuma teesanitifi isani kennuti injiru. Isani worra mata jajabaati.

⁷ Deebitani inded'ina, aka isani AABBO Waaqa keesani lafa aloo ta gamooji keesati dallansiiftani. Haguma gaafa duri lafa Misiriti kaatani armaani baatani isani dubbi isaa diddani.

⁸ Gaafa fulla gaara Sinai jirtanile isani AABBO Waaqa dallansiiftani, inni isani hobaasu gahe.

⁹ Anini gaara kore d'akha hahafalicha ka wold'aqisa AABBO Waaqi isani woliini tolfate fuud'uu d'aqe, gaafasi anini guyya afurtamatiifi halkani afurtama achi tae, ka woma tokole nyaad'e ind'ugini.

¹⁰ Jennaani AABBO Waaqi d'akha hahafalicha lamaani inni harka ufiitini dubbi inni ibida keesa, guyya isani fulla gaarati woli woldeetani jed'e, irati t'aafe.

¹¹ Ammalle eegi guyya afurtamatiifi bulti afurtama suni AABBO waaqi d'akha hahafalicha lamaani kaani, ka wold'aqisa irati t'aafani, naa kenne.

¹² Jennaani AABBO Waaqi waan naani jed'e, Beeni, hurrisi gadibui; wonti akanatiifi worri kanke, ka atini lafa Misiri keesaa d'ufteeni, ya hammate waan daba tolche. Worri arra kale dubbi anini jed'eeni taani iraa deebie, sibiila basse mid'aase, aka waaqa inkad'atiini.

¹³ AABBO Waaqi ammalle waan nani jed'e, Anini worra kana yayu arge aka mataani worraa jajaba.

¹⁴ Na lakisi, aka anini maqa worra balleese, nami deebie inqaabanne. Duuba anini si fuud'e, abba gosa guddo worra ira jabduu si tolcha.

¹⁵ Jennaani anini ka d'akha hahafalicha lamaani kaani ka wold'aqisa irati t'aafani harkaa qabu gargale, gaara iraa gabue. Hojja suni gaari sunini gubachu jira.

¹⁶ Anini aka isani seera AABBO Waaqi keesani isanii kenne ch'absitani, Waaqa sibiila ka aka korma looni mid'aafattani akasiini Waaqa keesaniti daba tolchitani, arge.

¹⁷ Duuba anini d'akha hahafalicha kaani lamaani fuud'e, isani durati lafaani d'ae ch'ach'abse.

¹⁸ Jennaani anini lafa d'ae guyya afurtamatiifi halkani afurtama, AABBO Waaqa dura, ka woma nyaad'e ind'ugini ch'iise. Wonti anini akasi taheefi, waan isani AABBO Waaqati daba tolchitani isaa dallansiiftanifi.

¹⁹ Anini dallansu hamtu AABBO Waaqaa, ka inni diquma isani imballeesini guddo sodaad'e, ammo AABBO Waaqi ammalle na d'agaye.

²⁰ AABBO Waaqi Harunileti dallane, diquma isa imballeesini, tanaafi anini yoomi suni Harunilee kad'ad'e.

²¹ Anini waan daba suni ka isani mid'aasitani — korma sibiila kaani — fuud'e, ibida keesa buuse, ch'ach'abse, bulleese d'uke tolche, d'uke suni bisaani gaara ira yaati jisse.

²² Ammalle isani Taberafi Masafi Kibroth-Hataavaleti AABBO Waaqa dallansiiftani.

²³ Gaafa inni Kadesh-Barnea isani godaansise, Beena, lafa anini isani kenne fud'ad'a isaniini jed'e, isani isa ch'aqasu diddani d'ugefachule diddani ammalle saalfachuufi diddani.

²⁴ Haguma anini isani arge isani dubbi AABBO Waaqa diddani.

²⁵ Tanaafi anini lafa d'ae, AABBO Waaqa dura guyya afurtamatiifi halkani afurtama ch'iise; wonti akanatiifi anini yayu aka inni isani balleesu fed'u arge.

²⁶ Duuba anini waan jed'e, Ee AABBO Waaqa gudda, gumi taante tana, ta atini jabeenna harka keetitiini fuute, lafa Misiri keesaa baafte, imballeesini.

²⁷ Hojattu tante Abrahamufi, Isaaqofi Yakobo qaabad'u: mata jabeennaafi hameennaafi ch'ubbu worra kana ilaalte gula indeemini.

²⁸ Yo hegeri atini akasi taate, worri Misiri waan jed'u me ilaala, AABBO Waaqi lafa inni worra kakhate geesu dad'abe worra jibbe amatana lafa aloo tanatini d'ufe hobaasu fed'a.

²⁹ Ammo taatule worri kunini worra atini fohate gumi tante tolfate lafa Misiri jabeennaafi irre tanteetiini keesa baafte.