Qaabacha Seera 5 - KITAABA WAAQA

¹ Musani gosa Israeli ch'ufa wolti yaame waan jed'eeni, gosa Israeli, Seera anini arra isani kennu ch'ufa d'agaya, barad'a, aka dansaa jabeesa, guuta.

² Gaara Sinai irati AABBO Waaqi kenna wold'aqisa,

³ ababoota teenna ch'allaniti, nuu ch'ufa ka haga arrale jiru woliini tolfate.

⁴ Achi gaara irati AABBO Waaqi akuma isani isa agartani ibida keesaa isaniini dubbate.

⁵ Anini gaafasi jiddu teesanifi ta AABBO Waaqa eje, aka waan inni jed'u isaniti himu, waan isani ibida sodaatani gaara olkoru diddanifi. AABBO Waaqi waan jed'e,

⁶ Anini AABBO Waaqa kanke ka lafa Misiri fulla atini tisse iti taate keesaa si baase.

⁷ Na male waan d'ibi inkad'atiini.

⁸ Akheekha waan tokole, ka lafafi gubbaafi, bisaani lafa jala jirale boch'ite imid'afatiini.

⁹ Waan boch'ani mid'aasani kana tokole dura gajette inkad'atiini: wonti akanatiifi Anini, AABBO Waaqi kanke, waan d'ibi na biraani kad'attani inoobsu. Anini ammalle nama na jibbufi d'aloota worra ka sadeesotifi ka afreesole gaargala itiini d'ufa.

¹⁰ Ammo anini d'aloota kunki kunki ka na jaalate seera kiyya guutu jaalad'e nahaafi.

¹¹ Maqa kiyya ufuma waan d'araatiini ind'aini, wonti akanatiifi anini, AABBO Waaqi kanke, nama ufuma waan d'araatifi maqa kiyya d'au wollaala, iti mura.

¹² Guyya Sabato qaabad'u, qulqullo tolfad'u. Akuma anini AABBO Waaqi kanke siini jed'e,

¹³ Guyya jaa huji tante ch'ufa tolfad'u,

¹⁴ ammo guyyaani torbeeso guyya Sabato, ka AABBO Waaqa kanketiti, guyya kana huji inhojatiini, si taanaani, ijoolle tante taanaani, tissele tante taanaani hori kanke taanaani yokhaani keessuma tantele taanaani, guyya suni ha oolaani, tisseeni teetileeni akuma atini ooltu ha ooltuti.

¹⁵ Qaabad'i, aka atini duri lafa Misiri keesati tisse taate ammalle anini AABBO Waaqi kanke jabeenna kiyyafi humna tiyyaani si baase. Tanaafi anini guyya Sabato jabeesi siini jed'a.

¹⁶ Abbeetifi haateti saalfad'u, aka anini AABBO Waaqi, kanke sini jed'u, aka atini lafa AABBO Waaqi sii kenne tana keesa nagayaani teete, lubbuuni tetileeni d'eerattu.

¹⁷ Nama inijeesiini.

¹⁸ D'iirafi nad'eeni wolbaratte gaarayule wolintolfatiini.

¹⁹ Woma inhatiini.

²⁰ Nama tokole yakite, waan d'araatiini inhimatini.

²¹ Waan nami d'ibiini qabu niiti isaa taanaani mana isaa taanaani oobru isaa taanaani tisse isaa taanaani looni isaa taanaani yokhaani harreleefi waan inni qabu tokole ind'arainiifi.

²² Tunini seera AABBO Waaqi gaafa isani fulla gaarati wolti baatani isanii kenne. Gaafa inni qonqo jabduuni ibidaafi, dumansa guddafi dukana guddo keesa isaniini dubbate, inni seera kana isanii kenne kad'ibiniti. Duuba inni seera kana d'akha hahafalicha lamaani irati t'aafe nati kenne.

Aka biyyiti wo sodaate

²³ Ammalle gaafa isani qonqo dukana keesa d'ageetani, ka gaara suni ibidi ira bobau, isani nami gugurdaani mata gosa teesani d'uftani nati d'iaattani

²⁴ waan jettani, me ilaala, AABBO Waaqi keenna ya guddinnaafi jabeenna ufi nu agarsiise, qonqo isale ya ibida keesaa d'ageenne: Nu arra Waaqa namaani dubbate nami ira hafe jiraate la agarre.

²⁵ Duuba amma nu maafi doona? Ibida jabaani kunini nu balleesa. Yo nu qonqo AABBO Waaqa keenna maro d'ibi d'ageenne, nu indoona.

²⁶ Nami lubbu qabu tokoleeni ka eegi Waaqa jireenna ka ibida keesaa dubbate d'agaye jiraate injira?

²⁷ Musa, atini beeni deebii waan AABBO Waaqi keenna siini jed'u ch'ufa ch'aqasi. Duuba waan inni siini jed'e deebii nuti himi. Nu duuba ch'aqamne guunna.

²⁸ AABBO Waaqi dubbi taana d'agaye, jennaani waan naani jed'e, Anini waan worri kunini jed'e ya d'agaye, wonti worri jed'e ch'ufti d'uga.

²⁹ Ato sila worri yo ch'ufa akana arge! Ato sila worri naa saalfate, seera kiyya ch'ufa jabeese guute, wonti ch'ufti worraafi ilmaani isaanile haga jiru jireenna nagaya taati.

³⁰ Beeni, waaro teesaniti dachaa jed'iini.

³¹ Ammo atini, Musa, arma na woliini tai, duuba anini aadaafi seera kiyya ch'ufa sii kenna. Biyya barsiisi, aka worri lafa amma anini kennuufi tana keesati jabeese guutu.

³² Worra Israeli eegad'a, aka waan ch'ufa ka AABBO Waaqi keesani isaniini jed'e kana tolchitani. Aada isaa tokole indidina

³³ ch'ufa guuta, aka wonti ch'ufa nagaya isanii taate, isani lafa amma iti qubachu geetani tana keesa teetani.