Qaabacha Seera 34 - KITAABA WAAQA

¹ Musani diida Moabuti deeme, gaara Nebo, haga fiit'e gaaraa Pisga, ka dira Yerikotini ilaboru kore. Achiti AABBO Waaqi lafa ch'ufa isa agarsiise: lafa Gileadi haga dira Dani gama mirga;

² lafa Naftali ch'ufa; lafa Efraimutifi ta Manase; lafa Yuda haga Baariini Gudda ila adu;

³ lafa Yuda gama bita; ammalle diida Zoarifi Yeriko dira meet'iti eju.

⁴ Jennaani AABBO Waaqi waan Musani jed'e, Tunini lafa anini Abrahamufi Isaaqofi Yakobooti kakhad'e, ilmaani teesaniti kenna jed'e. Anini ya sii agarsiise ammo atini achi ingeetu.

⁵ Duuba Musani, hojatuni AABBO Waaqa achi lafa Moabu keesati due, akuma AABBO Waaqi indoota jed'eeni.

⁶ Jennaani AABBO Waaqi bale lafa Moabu toko, ta dira Beth-Peoritini gamaati awaale, ammo haga arra awaala isaa nami fulla beekhu injiru.

⁷ Musani gaafa inni due suni, ganni isaa d'ibbafi diddama; inni gaafasi akuma ufi jaba, iltileeni akuma qara woi agarti.

⁸ Gochiti Israeli, diida Moabu keesati, haga bulti sodoma booteefi.

⁹ Yoshua ilmi Nuni waan Musani harka ira kaye eebiseefi qarooma gudda argate.

¹⁰ Raagi aka Musa taka gosa Israeli keesati ind'alanne ka AABBO Waaqaani woli argani woldubbatani:

¹¹ raagi tokoleeni ka akheekhafi waan mama tolche, ka aka AABBO Waaqi Musani hayyu Misiritiifi hojattu isaatiifi lafa isale ch'ufa durati Tolchi jed'eeni injiru.

¹² Raagi tokoleeni ka waan mama jabdu Musani gosa Israeli ch'ufa durati tolche tolchu injiru.