Qaabacha Seera 31 - KITAABA WAAQA

¹ Musani ammalle dubbi tana worra Israeliti dubbate

² waan jed'eeni, Anini amma ya jaare hobae, ganni kiyya d'ibbafi diddama, dandae aka duri kaani isaniini indeemu. Tana malele, AABBO Waaqi ya galaana Yordani intaakitu naani jed'e.

³ AABBO Waaqa keesaniti isani dura deeme, gosa achi jirtu suni isani duraa balleese, lafa worra fud'attani. Ammalle akuma Waaqi jed'e, Yoshuati gudda keesani tahe, isaniini deema.

⁴ AABBO Waaqi akuma Sihonifi Ogu, hayyoota Amori balleese, worra sunifi lafa worrale balleesa.

⁵ AABBO Waaqi worra harka keesaniti kenne, isani, akuma anini tolcha isaniini jed'e, worra tolchitani.

⁶ Ilaafiina garaa jabaad'a, worra insodaatina, AABBO Waaqi keesani isani woliini jira isani ilakisu, yokhaani isani biraa indeemu.

⁷ Jennaani Musani Yoshua yaame, gumi Israeli durati waan jed'eeni ilaafiini, garaa jabaad'u. Nami gumi taanaani deeme lafa AABBO Waaqi ababoota worrati kakhateti geesu, sii.

⁸ Nami si wahelche siini deemu AABBO Waaqa; inni si lakise si biraa indeemu, tanaafi insodaatini, garaa jabaad'u.

Aka ganna torbeeso ch'ufa seera biyyaa soomani

⁹ Jennaani Musani Seera Waaqa kana t'aafe, qaalole gosa Lawi ta Sanduqa Wold'aqisa AABBO Waaqatini yaatufi jaarole Israeliti kenne.

¹⁰ Inni waan worrani jed'e, yo ganni torba hobau ch'ufa, gaafa ganni gati namaa lakisani maru, dubbi tana jila Hoosati laalaba, biyyaa sooma.

¹¹ Hojja gumiini Israeli wolti d'ufte, fulla AABBO Waaqi keesani fohatuti kad'acha wolti baatu, dubbi tana sooma.

¹² Nama ch'ufa d'iirafi nad'eeni, ijoolle, worra gosa d'ibii ka dira keesani keesa taule wolti yaama, aka nami ch'ufti d'agaye AABBO Waaqa keesani sodaate, dubbi seera tana guutu.

¹³ Akanaani ilmaani teesani ta taka Seera AABBO Waaqaa keesani ind'agayini d'ageeti. Ammalle akanaani haga worri lafa isani fud'attani iti qubachu geettani, ta Yordanini gama, keesa tau, isaa saalfatu.

Dubbi eege ta AABBO Waaqi Musani jed'e

¹⁴ Jennaani AABBO Waaqi waan Musani jed'e, Musa, guyyaani kanke ya gabaabate. Yoshua yaami, fulla Waaro Woyyumati woliini koota, aka anini waan inni tahu male iti himu. Duuba Musafi Yoshuani Waaro suni d'aqani,

¹⁵ Artiti AABBO Waaqi baldo duumansaa, ta balbala Waaro dura ejitu, keesa worrati mullate.

¹⁶ Jennaani AABBO Waaqi waan Musani jed'e, Atini amma ya fulla ababooti tante jirtu d'aqu geete, ammalle eegi atini doote, gumiini naraa gorte wold'aqisa anini worra woliini tolfad'e ch'absiti. Ammalle na lakisani, waaqa worra na imbeenne, ka lafa worri iti qubachu gahe suni keesa jiru, kad'atani.

¹⁷ Gaafasi anini worrati dallane, fuula ira deefad'e worra biraa deema, duuba worra imballeesani. Gaargali hamaani hedduuni worrati d'ufa, duuba worri, aka wonti kunini ch'ufti, maro anini worra lakiseefi, worrati d'ufte hubata.

¹⁸ Duuba gaafasi anini worra duraa gore qarqaaru dida, wonti akanatiifi worri hamate waaqa d'ibi kad'ate.

¹⁹ Tanaafi amma sirba kana t'aafi worra Israeli barsiisi, aka worri barate duuba sirbi suni d'uga naa tahu.

²⁰ Eegi anini lafa aananifi dammi aka lola yaautini worra d'ufe, ta anini ababoota worrati kakhad'e, achiti sagale fed'ani ch'ufa argatani gabbatani. Ammo naraa gorani waaqa d'ibi kad'atani, na didani, wold'aqisa kiyya ch'absani,

²¹ duuba gaargali hamaani hedduuni worrati d'ufa. Taatule sirba akana ilmaani isaani inuma sirbiti, duuba sirbi kunini d'uga naa taha. Hojja tanale, ato lafa anini worraa kakhad'e worraa ingeesini, anini herega worraa ch'ufa ya beekhe.

²² Duuba guyyuma suni Musani sirba suni t'aafe, gumi Israeli barsiise.

²³ Jennaani AABBO Waaqi waan Yoshua ilma Nunitini jed'e, Garaa jabaad'i, ilaafiini. Siti gosa Israeli lafa anini worra kakhad'eti geesa, aninileeni suma woliini jira.

²⁴ Musani dubbi Seera kana kitaabati t'aafe, ka tokole inhambisiini.

²⁵ Hobaase, jennaani waan qaalole gosa Lawi, ta Sanduqa Wold'aqisa AABBO Waaqa baatuni jed'e,

²⁶ Kitaaba Seera AABBO Waaqa kana fuud'a, Sanduqa Wold'aqisa AABBO Waaqaa d'aatu kaya, aka kitaabi suni arti tae d'uga worra tahu.

²⁷ Anini aka isani mata jabaatatani na diddani imbeekha isani nami gaafa anini jiru AABBO Waaqa dide, eegi anini duefa hagasi ira diddani.

²⁸ Worra gugurda gosatifi jaarole teesanile wolti yaama, natiini koota, aka anini dubbi tana iti hime lafafi gubbaleeni d'uga naa tatu.

²⁹ Anini imbeekha, eegi anini due isani garagaltani, waan hamtu tolchitani, kara anini isani barsiisele iraa gortani. Ammalle eegi tana gaargali isaniti d'ufa, waan isani waan hamtu AABBO Waaqi jibbu tolchitani, isa dallansiiftanifi.

Sirba Musa

³⁰ Jennaani Musani sirba kana ch'ufa haguma inni gahunu sirbe, ka worri Israeli ch'ufti ch'aqasu.