Qaabacha Seera 23 - KITAABA WAAQA

¹ Nami kolaasaniifi ka nafa saala muratani ch'ufa ha gumi AABBO Waaqa keesaa kutaniiti.

² Ch'abanafi ilmaani inni d'alu, haga d'aloota kud'anneeso, ha gumi AABBO Waaqa keesaa kutaniiti.

³ Nama gosa Amonitifi ka Moabu yokhaani ilmaani worra haga d'aloota kud'anneeso gumi AABBO Waaqa ha seenu d'owaniiti.

⁴ Wonti akanatiifi gaafa isani lafa Misiri keesaa baatani, worri sagaleefi bisaani isani d'owate, Baalamu ilma Boeri, ka dira Pethori, lafa Mesopotamia keesa, sobani beese kennaniifi, aka inni isani abaaru.

⁵ Ammo AABBO Waaqi keesani Baalamu ch'aqasu dide, abaarsa isaa suni garagalche eeba isanii tolche, waan inni isani jaalateefi.

⁶ Haga isani jirtani nagayafi hormaata worra imbarbaadina.

⁷ Worra gosa Edomu injibbina, worri fiit'a teesani. Worra Misirile injibbina duri isani lafa isaani teetani.

⁸ D'aloota sadeesoti asi ha gumi AABBO Waaqati daraniti.

Aka fulla askartiini teetu qulqulleesani

⁹ Hojja isani nyaapa keesaniti duultani, ka isani fulla iti qubattani jirtani, t'uri ch'ufa ufi ira d'owa.

¹⁰ Hojja nami halkani ufiti oobjate ufi t'ureese, inni ha fulla iti qubatani suni bahe, alati hafuti.

¹¹ Yo lafti galgaloofte, ha bisaani d'iqate, ammalle yo lafti dukanoofte ha deebiuti.

¹² Fulla iti gadi baatani mid'aafad'a.

¹³ Miha keesani ka lolaale keesa waan lafaani qotani qabaachu maltani, aka hojja gadi teetani lafa qotaani udaani keesani biyye ira deebiftani.

¹⁴ Waan AABBO Waaqi keesani fulla isani bultani suni isani woliini jiraate, isani qorqorate, nyaapa keesani harka keesaniti kenneefi. Fullaani isani bultani suni ha qulqullo taatuti. Waan hamtu ka infakaanne, ka AABBO Waaqa isaniti garagalcha tokole intolfatina.

Seera aka heddu

¹⁵ Yo tisseeni abba ufii ira baqate isaniti d'eete, abbaati indeebisiina.

¹⁶ Inni ha dira keesani ka fed'u ke tauti, isa indabsina.

¹⁷ Nami gosa Israeli, d'iirafi nad'eeni taanaani fulla waaqa iti kad'ataniti sharmut'a intahini.

¹⁸ Ammalle beese kara sharmut'oma kanaani argatani Mana AABBO Waaqa keesani d'uftani, waan kakhatani Waaqaa baaftani tolchitani imbaasina. AABBO Waaqi sharmut'oma akana kana guddo jibba.

¹⁹ Hojja nama gosa teesani, beese taanaani, sagale taanaani waan d'ibile taanaani liqeesitanifi, haga liqeesitanifi suni male waan d'ibi iraa infud'atina.

²⁰ Nama gosa teesani intahini, yo iraa fud'attani womaaniti, ammo gosa teesani ta Israeli woma iraa infud'atina. Yo isani aada tana jabeesitani, AABBO Waaqi keesani, lafa isani fud'atani iti qubachu geetani keesati, waan isani tolchitani ch'ufa keesa isani eebisa.

²¹ Hojja AABBO Waaqa keesaniti kakhattani, hurrisa waan iti kakhatani suni baasa; wonti akanatiifi AABBO Waaqi keesani waan suni isani ira fed'a, yo isani guutu baattani wollaala isanii taati.

²² Ammo yo AABBO Waaqati kakhachu baattani wollaala inqabdani.

²³ Ammo yo fed'i teesani gula kakhattani, jabeesa guuta.

²⁴ Hojja oobru zabibu, ta nama d'iibi, keesa yaatani, mid'aani haguma feetani nyaad'a, quufa, ammo tokoleeni ingalatina.

²⁵ Ammalle hojja oobru biilaa ta nama d'ibii, keesa yaatani, mid'aani haga feetani harkaani t'ururad'a nyaad'a ammo tokole hamtuni inhaamiina.