Qaabacha Seera 22 - KITAABA WAAQA

¹ Yo loonifi yokhaani ree gosa teesani ta badi deemutu agartani, illakisina, galchaafi.

² Ammo hojja abbaani isii fago jiraate yokhaani isani abba isii beekhu baatani, worra keesanitini galla jabeesa hojja abbaani fed'achu d'ufe, kennaafi.

³ Waan d'ibile harre taanaani, woya taanaani, ka gochiti teesani ta Israeli balleesite, yo agartani, akasuma tolcha, illakisina.

⁴ Yo hori oboleesa keesani harre taanaani looni taanaani ka jige kara d'aatu ch'iisu agartani bira indabriina qarqaara kaasafi.

⁵ Nad'eeni woya d'iiraa inkeyaatini, d'iirtileeni woya nad'eeni inkeyaatini; wonti akanatiifi AABBO Waaqi keesani nama waan akana kana tolchu injibba.

⁶ Yo isani ato yaatanu mana simpirre mukha ira yokhaani lafati agartani, ka haati okhokaani ira teetu, yokhaani ilmaani bira teetu, had'aafi ilmaani woliini infud'atina.

⁷ Ilmaani fud'ad'a ammo haad'a gad'iisa, aka wonti ch'ufti isanii tolte guyyaani keesani d'eeratu.

⁸ Hojja isani mana hareesa jaarratani gubba isaa woini marsa. Duuba yo nami iraa d'aqate duele isani inhaalatu.

⁹ Oobru teesani ta zabibu mid'aani d'ibi iti inoobrina yo oobritani, mid'aani zabibutifi mid'aani kaani d'ibile nyaachu himmalle.

¹⁰ Harreefi looni, hojja lafa qotani, wolti inhid'ina.

¹¹ Woya dabassafi booftani wolkeesa mid'aasani inkeyaatina.

¹² Woya isani uyifattani handaara moga afraaniti hod'a.

Seera waan wolbira rafiisa uwafi d'iira

¹³ Yo nami dubra fuud'e niiti tolfate, eegi suni isi jibbe,

¹⁴ ammalle d'araani himate maqa isii yake, Intalti tuni gaafa anini fuud'ele dubraaniti jed'e,

¹⁵ duuba abbaafi haati intalaa ha woya worri ira rafe, ta d'iiga qabdu, fuute jaarole dira garsiiftu.

¹⁶ Duuba abbaani intala waan jaaroleeni jed'u, Anini qara intala tiyya tana fuud'aa nama kanaa kenne, ammo inni amma ya isi jibbe.

¹⁷ Ammalle inni ya waan d'araatiini himate, gaafa anini fuud'ele isiini dubraaniti jed'e. Ammo wonti aka intalti tiyya dubra garsiiftu d'ugaani woya tana, me d'iiga isi laala!

¹⁸ Duuba jaaroleeni dira suni ha nama intala fuud'e suni fuute d'aantuti.

¹⁹ Ammalle ha gati qarsi d'ibba toko ira fuud'ani abba intalati kennaniti. Waan inni intala gosa Israeli gurra balleesefi. Ammalle isiini niituma isaa taati, dandae haguma jiru illakisu.

²⁰ Ammo yo wonti inni himateeni sunini d'uga taate, ka wonti aka intalti dubra garsiiftu tokoleeni injirre,

²¹ duuba worri ha intala ch'icha abbaa durati gabaase, achiti d'iirti dira suni d'akhaani d'aante ijeeftuti. Isiini, ta ato infuud'iini, ka mana abba d'ale keesa jirtu, d'iiraani woliini rafte ya waan taka inargini gosa teenna ta Israeli keesati taate. Akanaani hameenna akasi duraa baatani.

²² Yo nami niiti nama d'ibitini rafe, isaafi isiile ha ijeesaniti. Akanaani hameenna akasi duraa baatani.

²³ Yo nami intala qaraa nama d'ibi fuud'aa kennani dira keesati arge buufate,

²⁴ worra lachu ha dira keesaa alati baasani, d'akhaani d'aanani ijeesaniti. Wonti intala ijeesaniifi, waan isiini, ato dira keesa jirtu, ka nami d'aatu miju, iyyu diddefi. Ammalle wonti namicha ijeesaniifi, waan inni intala qaraa nami d'ibi fuud'aa kennani buufatefi. Akanaani hameenna akasi duraa baatani.

²⁵ Ammo yo ballinna lafati nami intala fuud'a nama d'ibi kennani arge qabe buufate, namicha buufate ch'alla ijeesani.

²⁶ Ammo intala woma intolchani, wonti akanatiifi isiini wollaala isii ijeesu intolchine. Dubbini tunini dubbi nama gosa ufi had'e ijeeseni wolfakaati.

²⁷ Inni ballinnuma lafati intala fuud'a namaa kennani arge qabe buufate ato isiini iyyitele qarqaarsa inarganne.

²⁸ Yo nami intala dubra ta nami inkad'atiini arge qabe buufate worra lachu wolirati qabani,

²⁹ duuba inni ha abba intala suniti qarsi shantama baasuti isiileeni ha niiti isaa taatuti, waan inni isi buufatefi. Haga jiru inni isi illakisini.

³⁰ Nami tokoleeni nad'eeni abbaa isaa barate abba isaa inch'eersini.