Qaabacha Seera 15 - KITAABA WAAQA

¹ Yo ganni torbeeso hobau ch'ufa, nama gati teesani qabu gati suni lakisaafi.

² Aki isani lakiftani akana: Nami gosa ufi gati kenneefi ha gati suni lakisufi inni beese suni ira infud'atini; AABBO Waaqati gati suni lakisise.

³ Nama gosa teesani intahini iraa fud'ad'a, gosa teesani iraa infud'atina.

⁴ AABBO Waaqi keesani lafa inni isani kennu keesati isani eebisa.

⁵ Yo isani dubbi isaa gula deemtani, waan anini arra isaniini jed'u kana ch'ufa aka dansa guuttani, worra keesani keesa deegi injiru.

⁶ AABBO Waaqi akuma inni isaniti kakhate isanii eebisa. Isani gosa heddu gati kennitani ammo gosa tokole gati iraa infud'atani; isani gosa heddu mohatani, ammo isani gochiti tokoleeni isani imohatu.

⁷ Yo dira lafa taatefu, ka AABBO Waaqi keesani isanii kennu tana keesa, gosa teesani keesaa deegi jiraate, garaa jabaatani, ufo taatani, qarqaaru indidina.

⁸ Ammo arja taha, haga inni fed'u gati kennaafi.

⁹ Ganni gati nama lakisani ya d'aate jettani, waan hamtu hereddani, gati ind'owatiina. Heregi akasi hamaani suni qalbi teesani inseeniini. Yo isani gati d'owattani, inni AABBO Waaqati bohe, isani ch'ubbu keesa seentani.

¹⁰ Dubbi male garaa tokooni isaa kenna, duuba AABBO Waaqi waan isani tolchitani ch'ufa keesa isani eebisa.

¹¹ Deega haguma jirani lafa teesani keesa ind'abani; tanaafi anini amma qarqaara wo kennaafi isaniini jed'a.

Waan tissele tolchani

¹² Hojja nami gosa teesani ka Israeli, d'iira taanaani, uwale taanaani aka tisse isaniti ufi gurgure eegi inni ganna jaa isanii hojatte galakisa. Yo ganni torbeeso gahe galakisu maltani.

¹³ Hojja isa galakiftani suni harka duwa gadi ind'iisiina,

¹⁴ waan AABBO Waaqi eebani isanii kenne keesa, ree taanaani, mid'aani taanaani, daad'i taanaani guddisa kennaafi.

¹⁵ Qaabad'a, isanileeni duri, lafa Misiri keesati, tisse, ka AABBO Waaqi keesani keesaa isani baase: Tanaafi anini arra seera kana isanii keenna.

¹⁶ Ammo yo tisseeni teesani isanifi worra keesani ch'ufale jaalatte, anini isani biraa indeemu jette.

¹⁷ Gurra isaa qabaa, fulla balbala geesa, uraafi; duuba inni haga jiru jireenna tisse teesani taha. Akasuma tissele teesani ta uwale tolcha.

¹⁸ Hojja tisse galakiftani hamtu iraa inargina; wonti akanatiifi isiini ganna jaa hori male isanii hojatte. Wonti isani kennitaniifi liqimsa ch'alla. Waan kana tolcha duuba AABBO Waaqi keesani waan isani tolchitani ch'ufa keesa isani eebisa.

Waan loonifi reeni goroomuma d'alte

¹⁹ Waan hanch'afa ka loonifi reeni goroomuma d'alte Waaqa keesani olkaya. Looni Waaqa olkeetani suni hujiini inhojatina. Reele dabassa ira inhaadiina.

²⁰ Ganna ch'ufa, isanifi worri keesani, fulla AABBO Waaqi fohate, isa durati nyaad'a.

²¹ Ammo yo horiini sunini aabo qabaate, yo naafafi balla taate, yokhaani aabo hamtu d'ibi inni qabaate, AABBO Waaqa keesani sorio imbaasina.

²² Hori akana kana worrumati nyaad'a. Nami qulqulloofi ka qulqullo intahininleeni, akuma hiddifi saala nyaattani ha nyaatuti.

²³ Ammo d'iiga hori suni insooratina. Fulla sooratani, aka bisaani lafati jissa.