Qaabacha Seera 11 - KITAABA WAAQA

¹ AABBO Waaqa keesani jaalad'a, guyya ch'ufa dubbifi gorsaafi aadaafi seera isaa guuta.

² Guyya kana waan AABBO Waaqa ka isani barattani qaabad'a nami waan suni barate ilmaani teesaniniti, isanuma isani guddinnaafi jabeennaafi irreefi

³ waan mama ka inni tolche ya agartani waan inni hayyu Misiritiifi lafa isaa ch'ufa tolche ya agartani.

⁴ Ammalle aka AABBO Waaqi askarti Misiri ch'ufa, fardooleefi gaari fardi hirkisule Galaana Diima keesati hobaase gaafa worri isani reebe, la agartani.

⁵ Ammalle waan inni lafa aloo ta gamooji taaniti ka isani arma ind'ufini, isanii tolche imbeetani.

⁶ Ammalle waan inni Dathanifi Abiramu, ilmaani Eliabu, ka gosa Reubeni tolche, inqaabattani. Nama ch'ufa durati aka lafti ch'iiteeni worraafi waarofi waan lubbu qaba, ka worri qabu ch'ufa, liqimsite.

⁷ Nami gaafasi waan jabdu AABBO Waaqi tolche suni arge isanumaaniti?

Eeba lafa Kanaani

⁸ Seera anini, ara isanii kenne kana ch'ufa guuta. Yo akasi taatani, dandeetani galaana taakitani lafa, amma iti qubachu geetani tana fud'atani.

⁹ Duuba ganna heddu lafa aananifi dammi aka lola yau keesa teetani lafa AABBO Waaqi ababoota teesanifi ilmaani isaaniti kakhate.

¹⁰ Lafti isani amma iti qubachu geetani suni, lafa Misiri ta qara isani keesa teetanini woliinfakaatu. Lafa suniti duri hojja mid'aani oobrattani isani huji jabdu lafa fafalansani bisaani oobrutini naqani hojattani;

¹¹ ammo lafti isani amma iti qubachu geetani tunini lafa gaareenifi bale isi Waaqi bokaya iti buuse.

¹² AABBO Waaqi keesani lafa tana qorqorate, gannaafi hagayya ch'ufa tissa.

¹³ Hojja isaani seera anini arra isani kennu kana guutani, AABBO Waaqa keesaani jaalattani, garaafi onne teesani ch'ufaani isaa hojattani;

¹⁴ inni hojja wogaani bokaya geetu, hagayyafi gannale isani roobe isani mid'aanifi daad'ifi d'ad'ale argattani,

¹⁵ horiini keesaanileeni marra argate, isanileeni nyaattani quuftani.

¹⁶ Eegad'a, sobamtani, AABBO Waaqa keesani ira gortani, waaqa d'ibi inkad'atiina.

¹⁷ Yo isani akasi taatani, AABBO Waaqi isaniti dallane bokaya roobu dide lafti teesani aka male godde woma baasu dad'abdi! Duuba isani achiti hurre dootani, ato lafti inni isanii kenne sunini dansa taatele.

¹⁸ Tanaafi dubbi tiyya tana garaafi onne teesani keesa keeyad'a aka beesisa harkaafi addaleti hid'ad'a.

¹⁹ Ilmaani teesanile barsiisa worra keesa taanaani ala taanaani, hojja raftanifi hojja kaatanile taanaani, qaabsisa.

²⁰ Mikhikila balbala manatifi ka fullole irati t'aafa.

²¹ Duuba isanifi ilmaani teesanileeni lafa AABBO Waaqi ababoota teesani kakhate keesati lubbuuni bultani. Haga lafafi gubbaani, jirtu isani achi teetani.

²² Garaa tokooni seera anini isanii kenne ch'ufa guuta: AABBO Waaqa keesani jaalad'a, waan inni taha jed'e ch'ufa tolcha, isa biraa indeemina.

²³ Duuba inni gosa taani ch'ufa isani dura gusse; isani lafa gosa isani ira guddo ta ammalle isani ira jabdu, fud'attani iti qubattani.

²⁴ Fullaani miili keesani bahu ch'ufti teesani taati. Lafti teesani haguma lafa aloo ta gamooji bitaa ejite haga gaareeni Lebanoniti ejiti, ammalle galaana Frati ilaboruti ejite Baariini Gudda ila adu jiruti ejiti.

²⁵ Lafa suni keesa fulla isani baatani ch'ufa AABBO Waaqi keesani biyya ch'ufa isani sodaachisa, akuma inni kakhate, nami tokoleeni dandae isani dura ineju.

²⁶ Arraa anini eebaafi abaarsa isani dura kaya, toko gula baha:

²⁷ Yo isani seera AABBO Waaqa keesani ka anini arra isanii keennu guutani, eeba argattani;

²⁸ ammo yo seera kana guutu diddani iraa gortani, waaqa d'ibi ka taka inkad'atiini kad'attani, abaarsa argattani.

²⁹ Hojja AABBO Waaqi lafa isani fud'attani iti qubachu geetanini isani gahe, gaara Gerizimu irati wo eebiftani ammalle gaara Ebali irati wo abaartani.

³⁰ Gaareeni lamaani sunini galaana Yordani, gama suni, kara lafa gosa Kanaani ka lafa Araba keesa tau, d'aatu dira Gilgali, fulla mukha gudda woyyu ka more, gama ila adu injirtu?

³¹ Isani amma yayu galaana Yordani taaku geetani, aka lafa AABBO Waaqi keesani isanii kennu fud'attani iti qubattani. Hojja fud'attani iti qubattani,

³² seera anini ara isanii kennu kana ch'ufa jabeesa guuta.