Obadia 1 - KITAABA WAAQA

¹ Tunini waan Obadiaani daayyani arge. AABBO Waaqi Guddaani waan lafa Edomu akana jed'e: AABBO Waaqi ya ergattu gosa ch'ufati erge, nuleeni d'aamsa isaa kana ya d'ageenne: Kaa, kurfefad'a, nu yaasa, lafa Edomu had'u d'anna!

Aka AABBO Waaqi worra Edomu gaargalchu

² AABBO Waaqi waan lafa Edomutiini jed'u, Me ilaali, anini lafa ch'ufa keesa si yaarse, nami ch'ufti si tufata.

³ Kiyyibi kanke la si sobe. Atini baqaqa d'akha ke teeta, worri kanke gubba gaaraati; atini garaa kanke keesa teeta, Eenuti lafati gad na buusa? jetta.

⁴ Ato atini aka risa olfagaatte, mana kanke gara urjiti jaarattele, anini ga si buusa.

⁵ Yo hattuuni siti d'ufte, yokhaani algali halkani siti d'ufu, sila akami si balleesa! Worri suni haga fed'u imfud'atu? Yo nami zabibu guuru fulla tante d'ufu, sila woma inhambisu?

⁶ Me ilaala, aka Esau saamatani waan inni olkeyate ch'ufa fud'atani!

⁷ Golliini tante yayu si sobde lafa tana keesaa si baafte; kalchaani tanteleeni ya si dabsatte, jaallaani tante ta atini d'ugefateleeni ya t'urura si jala keete. Waan worri tolchu suni inhubatani.

⁸ Anini guyya suni worra qaro Edomu inhobaasu? Ammalle qarooma garaa Esau keesaa imballeesu?

⁹ Duuba worri kanke jajanni ch'ufti immudama, ee Temani, aka akasiini nama Gaara Esauti galu ch'ufa fit'ani.

Waan Edomu gaargalchaniifi

¹⁰ Waan atini oboleesa kanke Yakobo irreeni saamteefi, ch'eeraani doota, haga jiru jireennale si balleesani.

¹¹ Guyya atini koba ufi d'aabde, ka nyaapi d'ufe waan inni qabu ch'ufa fud'ate, ka ammalle sidiini fullo isaatini seente dira Yerusalemu fud'ate qoodate, atileeni worruma suni fakaatte.

¹² Ammo atini sila guyya milkiini oboleesa keeti hamtu qilit'amu himmalle. Ammalle gaafa oboleesi kanke Yudaani bade gammadu himmalle; guyya d'ipu koblule himmalle.

¹³ Fullo worra kiyya keesa seenu himmalle, guyya badi worraa, guyya d'iba isaale qilit'amu himmalle; ammalle guyya d'ipu isaa waan inni qabu saamachu himmalle.

¹⁴ Fulla karaani gargari bahu ejite, sila worra isaa ka baqatu hobaasu himmalle; worra isaa ka sila fiige, guyya d'ipu harka nyaapati deebisu himmalle.

¹⁵ Guyyaani AABBO Waaqi dubbi gosa ch'ufa qoru ya d'iaate. Akuma atini nama tolchite sile tolchani, wonti atini tolchite matuma keetiti deebiti.

¹⁶ Akuma atini gaara kiyya ka woyyu irati wo d'udde, akasuma gochiti ch'ufti ta d'aatu te jirtu wo d'uddi; isiini wo d'udde daat'e lelet'e aka waan takuma injiraatiini taati.

Aka worri Israeli nyaapa ufii dabsatu

¹⁷ Ammo gaara Sioni gubba worra baqate baheti taa; ammalle fullaani suni fulla woyyuma taati. Duuba worri Yakobo lafuma ufii ta qara argata.

¹⁸ Worri Yakobo ibida fakaate, ka Yusufu bobaa ibidaa fakaate, ammo ka Esau buyyo godde wokifte fakaata; duuba gubani hobaasani, akasiini worri Esau fiiga d'aba. Nami dubbi tana jed'e ana, AABBO Waaqa.

¹⁹ Worri lafa Negebu keesa tau gaara Esau argate, worri lafa golbo tau lafa worra Filisti argata. Worri sunini lafa Efraimutiifi ta Samaria argate, worri Benjaminileeni lafa Gileadi argata.

²⁰ Worri boojiani, ka lafa Israeli mirga jiru, deebie lafa Kanaani haga Sarepta fud'ata. Worri boojiani ka Yerusausalemu, ka Sefaradi tau, dira heddu ka lafa Negebu fud'ata.

²¹ Worri Yerusalemu, ka nyaapa ufii dabsate, gaara Esau had'e mohata. Hayyuuni lafa suni AABBUMA Waaqa taha.