Nehemia 12 - KITAABA WAAQA

¹ Kunini maqa qaaloleetifi ka worra Lawi, ka Zerubabeli, ilma Shealthielitifi qaallicha gudda Yoshua jed'ani woliini, lafa iti boojiani keesaa gale:

^2-7 Qaalole: Seraya, Yeremia, Ezra, Amaria, Maluki, Hatushi, Shekania, Rehumu, Meremothi, Ido, Ginethoni, Abichi, Miyamini, Maadia, Bilgai, Shemaya, Yoyaribu, Yedaya, Salu, Amoki, Hilkia, Yedaya. Bara Yoshua jari kunini ch'ufti balbala worra, ta qaalole keesa worra matati.

⁸ Worra Lawi: Jari sirba galatani deebisani iti mataa kana: Yeshua, Binui, Kadmieli, Sherebia, Yuda, Matania.

⁹ Nami worrati fuula deefate sirbu worra kana: Bakbukia, Unofi worra Lawi d'ibi.

D'aloota qaallicha gudda Yoshua jed'ani

¹⁰ Yoshuani abba Yoyakimu; Yoyakimuni abba Eliashibu, Eliashibuni abba Yoiyada,

¹¹ Yoiyadani abba Yonathani, Yonathani abba Yadua.

Jara balbala qaaloleti mataa

^12-21 Bara Yoyakimuni qallicha gudda, qaaloleeni tunini balbala qaaloleeti mataa: Qaallicha Balbala Meraya Seraya Hanania Yeremia Meshulamu Ezra Yehohanani Amaria Yonathani Maluki Yusufu Shebania Adna Harimu Helkai Meremothi Zekaria Ido Meshulamu Genethoni Zikri Abiya Miyamini Piltai Moadia Shamua Bilgai Yehonathani Shemaya Matenai Yoyaribu Uzi Yedaya Kalayi Salu Eberi Amoki Hashabia Hilkia Nethaneli Yedaya

Qaallicha Balbala Waan worraa qaaloletifi ka Lawi ka t'aafani

²² Waan nama worra Lawitifi ka qaaloleeti mata ka t'aafani, olkayani. Nami gaafasi qaalole gugurdo worraa kana: Eliashibu, Yoyada, Yonathani, Yadua. Waan kana, gaafa Darioni hayyu Ajemi t'aafani hobaasani.

²³ Ammo jara worra Lawiti mataa kitaaba waan qaalole keesati t'aafaniti t'aafani; wonti t'aafani suni bara Yonathani akhaakhu Eliashibu muumme baate bara d'ibiti intaakimne.

Aka huji Mana Waaqa qoodani

²⁴ Worra Lawi huji iti qoodani Hashabiafi Shenebiafi Yeshuafi Benufi, Kamieli gudda iti tolchani, Aada duri namichi Waaqa Daudini biyyaa kenne gula. Jara fulla fullati qoodani suni qoodi lamaani maro maroti Waaqa faarse galata deebisaafi.

²⁵ Jari Mana Waaqa eegu, ka worra mana wo iti olkayani, ka d'aatu Fullo Mana Waaqa jiru eeguti mataa, kana: Matania, Bakabukia, Obadia, Meshulamu, Talmoni, Akubu.

²⁶ Jari kunini bara Yoyakimu ilma Yoshua, ka ilma Yosadakitifi bara Nehemia namicha guddatifi bara qaallicha Ezra jed'ani, ka waan Seera guddo beekhu, lafa jira.

Aka Nehemiani naabo dira eebise

²⁷ Gaafa naabo dira Yerusalemu eebisani, worra Lawi ch'ufa fulla worri jiru d'ufaniini, aka worri guyya jila suni sirba galatani deebisani bilbilafi kiraari d'ae sirbu.

²⁸ Sirbituni worra Lawi fulla worri jiru, ta d'aatu Yerusalemutifi d'aatu dira Netofathifi.

²⁹ Beth-Gilgalifi Gebaafi Asmarethi, keesaa wolti d'ufte.

³⁰ Qaaloleefi worri Lawi ufi qulqulleesani, gumifi Fulofi naabo dirale qulqulleesani.

³¹ Jennaani anini jaarole Yuda naabo suni gubbati wolti yaame, gumi guddo muumme inqamne, ta fulla lama yaate dira sunini marte sirbite galata Waaqaa deebiftu mataa tolche. Gumiini qara mirga qajeelte, naabo gubba gara Fullo Huura yaate.

³² Hoshayani worra duuba deeme, jaaroleeni Yuda hagi toko isa gula yaate.

^33-35 Jari qaalole, ka worra suni gula yae magalata d'ae kana: Azaria, Ezra, Meshulamu, Yuda, Benjamini, Shemaya, Yeremia. Nami worrati aanu Zekaria ilma Yonathani, ka ilma Shemaya, Shemayani ka Matania, Mataniani ka Mikaya, Mikayaani ka Zakuri, Zakurini ka Asafu.

³⁶ Isale worra balbala isaati iti aana — Shemaya, Azareli, Milalai, Gilalai, Maai, Nethaneli, Yuda, Hanani worri kunini ch'ufti miha sirba ka miha duri hayyu Daudini namichi Waaqa kaani fakaatuni sirba. Namicha Ezra jed'ani ka waan seera beekhu kaaniti gumi tana dura deema.

³⁷ Worri Fullo Maddo gahe jennaani Faano dira Dauditini seenani olkore, mana Daudi bira dabre, gama dira ka ilaborutiini. Naabo fulla Fullo Bisaanitini deebie.

³⁸ Gumiini taani d'ibiini ta sirba galata sirbuti, bita qajeelte naabo guba yaate, anileeni, biyya haga gari woliini faana worraa d'ufe. Nuu Doofi Ibida dabarre Naabo Ballooni baane,

³⁹ artile iti d'aabanne, Fullo Efraimutifi Fullo Yeshanatifi ta Qurt'umitifi Doofi Hananelitifi Doofi d'ibba toko jed'anifi Fullo Hooliyele dabarre, d'aatu Fullo Mana Waaqa geennaani yaasuma keenna lakimne.

⁴⁰ Akanaani gumiini galata Waaqaa deebiftu taani lamaani fulla Mana Waaqatini baate. Jaarole na woliini jirtu malele,

⁴¹ qaaloleeni magalata d'ooftu tunileni na woliini jirti. Eliakimu, Maaseya, Miyamini, Mikaya, Elioenai, Zekaria, Hanania.

⁴² Ammalle Maaseya, Shemaya, Eleazari, Uzi, Yehihanani, Malkia, Elemu, Ezeri. Sirbituni, ta Yezrahiyani iti mataa, lalabde sirbite.

⁴³ Guyya suni sorio heddu qalani, biyyitileeni guddo gammadde, waan Waaqi worra gammachiisefi. Nad'eenifi ijoolleleeni gammadde, lalabde, sirbite, qonqo worraa fagole d'agayani.

Waan eeba Mana Waaqati baasani

⁴⁴ Gaafasi fulla waan Mana Waaqati baasani iti olkayani qooda Waaqa baasani taanaani, mid'aani oobrutifi mid'aani mukha ka qara bilchaata ka ganna ch'ufa Waaqaa baasani taanaani, nama eegu ka mataa iti tolchani. Worri suni qooda mid'aani, ka Seera, gula qaaloleefi worra Lawiti baasani, oobru d'aatu diraa jirtu keesaa guure olkayuu male. Worri Yuda ch'ufti waan qaaloleefi worri Lawi tahe ch'ufa iraa gammade,

⁴⁵ waan worri aada woi qulqulleesanifi aada d'ibi Waaqi worraa kenne ch'ufa guutefi. Sirbituni Mana Waaqatifi jari Mana Waaqa eeguleeni huji ufi, aada duri Daudifi ilmi isaa Solomonini lafaani d'ufe, gula hojate.

⁴⁶ Haguma bara Dauditifi bara Asafu ka duri kaani asi, aadaani sirbani galata Waaqa deebisani tunini inuma jirti.

⁴⁷ Bara Zerubabelitifi ka Nehemia, worri Israeli ch'ufti guyya ch'ufa wo baase, waan worri baase sunini sirbitu Mana Waaqatifi jara Mana Waaqa eeguni gololchani. Biyyiti worra Lawiti qooda worraa kennite, worrileeni qooda qaalole qaalolee kenne.