Nahumu 2 - KITAABA WAAQA

¹ Ee Ninawi, la si had'ani! Irreeni si balleesitu ya d'ufte. Boota jaarad'a! Kara eega! Mart'ifad'a, kurfefad'a!

² (AABBO Waaqi guddinna Israeliti deebisuu jira, aka gaafa duri nyaapi saame imballeesini kaaniti deebisu fed'a.)

³ Duuli nyaapaa wonte diimtuuni yae woya diimtu naqata. Worri had'iisa kurfefachuu jira! Gaariini worraa, ka fardi hirkisu, aka ibida bibiliqa! Fardi worraleeni imbuburaqa!

⁴ Gaariini dirati baafate dira keesa fulla ch'ufa orie, aka ifse ibidaa ifse, aka angaasu angaa.

⁵ Worra gugurda askarti yaamani; worri ato yau gufata. Nyaapi naabo dirati orie, nama isaani, ka balbala dira suni jigeesa mukhatiini ch'absu, wonte tahafi.

⁶ Balbalti fullo ta d'aatu galaana irreeni banamte, nami mana hayyuu keesa jiru ch'ufti babakhakhe mudama.

⁷ Hayyiti qabani jennaani hojaattuuni isii aka sabaliisa ch'aarte lalefatte mata qabatte booti.

⁸ Worri Ninawi aka haro farqate baafate baqata! Ejad'a, ejad'a! jed'ani iyyani, ammo nami tokoleeni garagale indeebiu.

⁹ Qarsi saama! Worqi saama! Diri kunini miha hedheddu ka muumme inqamne, ka gati guddooni bitani, qaba!

¹⁰ Ninawi yayu saamani balleesani ona tolchani! Lubbuuni nama d'ufte, onneeni namaa ch'ite, humniti namaa hollatte, fuulileeni namaa golgolaa.

¹¹ Diri goda nyeench'a fakaatu kaani amma meeti? Fullaani kuble nyeench'a iti nyaachisani, ta kormafi d'alaani nyeench'aa iti gale kuble ufii qorqoratu, me?

¹² Nyeench'i bineensa nyaate, d'alafi kuble isaati fooni ira tatarsaase; inni goda ufii fooni tatarsaaseeni guute.

¹³ AABBO Waaqi Guddaani waan jed'u, Anini ya siti nyaape; amma gaari keesani ka fardi hirkisu inguba. Nama keesani ka duulaa lola keesati fit'ani; ammalle anini waan worri biyya ira saame ch'ufa iraa fuud'a. Waan irre teesani deebiani lafa keesati ind'agayani.