Mudhii Yohaannisii 22 - KITAABA WAAQA

¹ Malaikaani ammalle galaana bisaani jireenna naa garsiifte, ka guddo bibiliqu, ka fulla barch'uma guddinna Waaqatiifi Ilme Hoolati d'ufe.

² Jiddu kara dira keesa yau. Moga galaana lachu mukha jireennati eja, ka ganna toko keesa mid'aani maro kud'ani lama d'alu, jia ch'ufa maro toko; baali isaa qorsa nama gosa ch'ufaati.

³ Waan Waaqi abaare tokole dira suni keesati inargani. Barch'umaani Waaqatiifi ka Ilme Hoola dira keesa jira, hojattuuni isaa isa guddifti.

⁴ Worri fuula isaa arge, ammalle maqa isaa adda isaani gubbati t'aafatani.

⁵ Halkani deebiani injirani, ifsefi adu imfed'ani; wonti akanatiifi Aabbo Waaqati ifse worraa taha, duuba aka hayyoota haga hegeri lafa fidani.

D'ufiisa Yeso

⁶ Jennaani malaikaani waan naani jette, Dubbini tunini ta d'ugaati, ta d'ugefachu malani. Aabbo Waaqi, ka Lubbu ufi raagoota ufiti keenne, malaika ufi erge, aka hojattu ufi waan d'iotu taha agarsiisu.

⁷ Yesoni waan jed'u, Ch'aqasi! Anini d'iotu d'ufa! Ayyaana nama dubbi faga ta kitaaba kana keesa jirtu guutuuti!

⁸ Anini, Yohanani, ya waan kana ch'ufa arge d'agaye. Eegi anini waan kana ch'ufa arge d'agaye, anini miila malaika waan kana ch'ufa naa garsiifteti jige guddisu fed'e.

⁹ Ammo isiini waan naani jette, Lakisi, anini akuma keetiifi akuma oboleyaani tante ta raagootatiifi akuma nama dubbi kitaaba kana keesa jiru guutu ch'ufa hojattu. Waaqa guddisi!

¹⁰ Ammalle isiini waan naani jette, Dubbi fagiisa ta kitaaba kana keesa jirtu ind'ossiini, yoi wonti kunini ch'ufti taatu ya d'iaate.

¹¹ Nami hamaani ha waan hamtu tolchuuti, t'urichi ha waan t'uri tolchuuti; nami dansaani ha waan dansa tolchuuti, qulqullooni ha waan qulqullo tolchuuti.

¹² Yesoni waan jed'u, Ch'aqaaqasi! Anini d'iotu d'ufa! Nama ch'ufa waan inni tolche gula galata kennaafi.

¹³ Anini Alfafi Omega, ka qaratiifi ka eegee, iti keyachafi muumme.

¹⁴ Ayyaana worra woya ufi miich'ate qulqulleesu. Akasiini mid'aani mukha jireenna iraa nyaatani, Fullo diratiini olseenani.

¹⁵ Ammo moga dira, worra hamamafi falfaltufi algalaafi ka nama ijeesufi ka waan harkaani boch'ani kad'atuufi nama dubbifi hujiini kiyyibuuti jira.

¹⁶ Anini Yesoni, ya malaika tiyya isaniti erge, aka waan kana gumiti himu. Anini hiddafi d'aloota Dauditi; anini bakalcha ganamaani ifsu.

¹⁷ Lubbufi intalti fuud'a, kooti jetti. Nami waan kana d'agaye ch'ufti ha kooti jed'uuti. Nami dubbi qabu ch'ufti ha d'ufuti nami fed'u bisaani jireenna ha gati male d'uguuti.

Dubbi eege

¹⁸ Anini Yohanani, nama dubbi fagiisa ta kitaaba kana keesa jirtu d'agaye ch'ufa gorsa: yo nami waan d'ibi iti dare, Waaqi gaargala kitaaba kana keesati t'aafani nama suniti dara.

¹⁹ Yo nami waan tokole fagiisa kitaaba kana keesaa fuud'e, Waaqi qooda mid'aani mukha jireenna isa duraa fuud'a, qooda isaa ka Dira Qulqullole, ka kitaaba kana keesati t'aafani.

²⁰ Nami waan kana ch'ufa d'ugeesu waan jed'u, D'uguma, anini d'iotu d'ufa! Ha taatuuti. Kooti, Aabbo Yeso!

²¹ Eebiti Aabbo Yeso ha nama ch'ufa woliini teetu.