Mudhii Yohaannisii 21 - KITAABA WAAQA

¹ Jennaani anini gubba haraafi lafa hareeti arge. Lafa qaratiifi gubbaani qara badde, galaanileeni bade.

² Ammalle anini Dira Qulqullo, Yerusalemu hareeti, ta gubba gara Waaqaati lafati d'uftu arge, ta mid'aasani kurfo teetu, akuma intala fuud'a ta woya mid'aadu keyatte d'iirsa eeddu.

³ Anini qonqo guddo toko ta gubba dubbatte akana jettu d'agaye: Amma mani Waaqa nama woliini jira! Inni worra woliini tae, worrileeni gumi isaa taha. Waaqileeni worra woliini taa, innileeni Waaqa worraa taha.

⁴ Inni imimaani ch'ufa ila worraa iraa haaqa. Iti deebie nami induu, lalefachafi boafi d'ukubsachaani injirtu. Wonti duri ya badde.

⁵ Jennaani nami barch'uma guddinna gubba tau waan jed'e, Amma anini waan ch'ufa haraa tolcha. Ammalle inni waan jed'e, Waan kana t'aafi, wonti kunini waan d'ugaati, nami dandae ind'ugefata.

⁶ Inni waan jed'e, Ya tolchani! Anini Alfafi Omega, anini ka qaratiifi ka eegeeti. Nama d'eebu qabu ch'ufa anini maddo jireenna keesa gati male bisaani obaasa.

⁷ Nami dabsatu waan kana nara argata: Anati Waaqa isaa tahe, inni ilma kiyya taha.

⁸ Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso.

Yerusalemu haraa

⁹ Malaika torbaani, ta qori torba ta gaargala torba qabdu keesaa toko, gara kiyya d'ufte waan naani jette, Kooti, anini intala fuud'a sii garsiisa, niiti Ilme Hoola.

¹⁰ Lubbuuni na fuute, fiit'e gaara d'eera toko na garsiifte. Yerusalemu, Dira Qulqullo, ka gubba, fulla Waaqati gadi d'ufu,

¹¹ ka guddinna Waaqatiini bibiliqu na agarsiifti diri aka d'akha ch'ululuqe bisaani qullo ch'ulkicha fakaata.

¹² Diri kunini naabo d'akhaa jaarani d'eertu qaba, ta fullo kud'ani lama qabdu, Ammalle malaikaani kud'ani lama fullo suni tissite. Fullo gubbati maqa gosa kud'ani lama ta gosa Israeli t'aafani.

¹³ Mogaani ch'ufti fullo sadi qabdi, sadi moga mirgati, sadi bita, sadi, oli sadi gara jalo.

¹⁴ Naabo d'akha ka dira d'akhaye kud'ani lama irati ijaarani, d'akha suni gubbati maqa ergattu Ilme Hoola kud'ani lamaani t'aafani.

¹⁵ Malaikaani naani dubbate ule worqi ta d'eerinna diratiifi fullo isaatiifi naabooni biimani harkaa qabdi.

¹⁶ Mogaani dira ch'ufti qit'e, d'eerinnafi ballinileeni. Malaikaani ule ufitiini dira biimite, meeli kunki tokotiifi d'iba shani lafa ira d'eerate, old'eerinafi ballinileeni hagasuma.

¹⁷ Malaikaani ammalle naabo biimite, d'und'uma d'ibba tokotiifi afurtami afuri taate, biimiti namaa gula, ta malaikaani gula biimite.

¹⁸ Naabo suni d'akha ch'ulkichaani ijaarani, ammo dira worqi qulqullooni ijaarani ta guddo bibilit'u.

¹⁹ Yayaba naabo dira d'akhaa mimid'aaga bifa gosa ch'ufatiini ch'okhani d'akhaani qara ch'ulkicha ka lameeso dulo dooqa, ka sadeeso hamaa, ka afreeso doti.

²⁰ ka shaneeso bule, ka jaeeso diima fakaata, ka torbeeso daalacha, ka saddeeteeso doti fakaata, ka sagaleeso baricha, ka kud'anneeso haama fakaata, ka kud'ani tokeeso bule had'icha, ka kud'ani lameeso had'o fakaata.

²¹ Fullooni kud'ani lamaani dooqa kud'ani lamaati fullo ch'ufa dooqa tokooni mid'aasani karaani dira worqi ch'alla, guddo bibiliqa.

²² Anini Mana Waaqa dira suni keesati ingarre, wonti akasitiifi Mani Waaqa suni Aabbo Waaqa Guddafi Ilme Hoola.

²³ Diri ifse adutiifi jia imfed'u, waan guddinni Waaqa iti ifse, Ilmeeni Hoolaleeni ifsa taatuufi.

²⁴ Nami lafa ch'ufti ifsa isaatiini deema, hayyooti lafa ch'ufti durooma ufi dira sunitiini d'ufti.

²⁵ Fullooni dira guyya ch'ufa banisa qabdi haga jirani inch'ufani maro halkani injireefi.

²⁶ Guddinnaafi durooma dira ch'ufaa dira kanaani d'ufani.

²⁷ Ammo wonti t'uri qaba tokoleeni keesa inseentu, yokhaani nami waan ch'eera tolchuufi ka d'ara dubbatuleeni. Worra maqa isaani kitaaba jireenna ka Ilme Hoola keesati t'aafani ch'allati seena.