Mika 3 - KITAABA WAAQA

¹ Jennaani anini waan jed'e, Isani worra Yakobo mataa yokhaani jaaroleeni Israeli, ch'aqasa! Isani sila worra d'uga jabeesu tahu maltani,

² ammo waan dansa jibbitani hamtu jaalattani. Isani worra kiyya jira goga iraa qaltani fooni lafe iraa ch'irtani.

³ Isani nama kiyya nyaattani fit'ani, goga iraa baaftani lafe worraa ch'ach'absitani, aka fooni okoteti ch'irtani.

⁴ Guyyaani ind'ufa, ka isani bootani AABBO Waaqa kad'attani, ammo inni isani ind'ageenne. Waan isani hameenna tolchitanifi inni kad'a teesani ind'agayu.

⁵ Raagi d'ufe worra isa nyaachisuuni, Lafti nagaya jed'e soba, ammo ka isa woma afaani imbuumne, Lafti nagaya inqabdu jed'e naasisa. Raaga akana kanaani AABBO Waaqi waan jed'u,

⁶ Aduuni ya isaniti d'iite, laftileeni ya isaniti dukanoofte. Waan isani gumi tiyya sobdaniifi, deebitani daayyani woma inagartani yokhaani dandeetani woma inhimtani.

⁷ Nami waan taka tana himu inch'eera. Worri ch'ufti ch'eere afaani qabata, waan Waaqi dubbi worraa jalaa qabu dideefi.

⁸ Ammo anini ufii tiyya, AABBO Waaqi ya jabeennafi lubbu ufiitini na guute herega d'ugaatifi jannooma naa kenne, aka anini gumi Israeli ch'ubbu worraa iti himu.

⁹ Isani worri worra Yakoboti mataa, yokhaani jaaroleeni Israeli ta waan d'uga jibbitani d'uga d'ara tolchitani, na ch'aqasa.

¹⁰ Isani nama fit'ani, dira Sioni jaartani, ammalle nama dabsitani Yerusalemu jabeesitani.

¹¹ Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

¹² Tanaafi maro teesanifi diri Sioni bade adaala taha. Yerusalemuleeni onte badde, gaari fulla Mana Waaqaa iti jaaranileeni badda taha.