Matayo 8 - KITAABA WAAQA

¹ Yesoni gaara iraa gadi buunaani, gumiini guddooni isa gula yaate.

² Namichi qomaat'a qabu toko isati d'ufe, durati jilbifate waan jed'eeni, Aabbo, atini yo feete na fayyisu dandeeta.

³ Yesoni harka diriirfate, isa tuqe waan jed'eeni, Imfed'a, fayyi. Inni maro tokotu d'ukuba suni fayye.

⁴ Jennaani Yesoni waan jed'eeni, Ch'aqasi! Waan tokole namaani injed'ini, ammo d'aqi, qaallicha ufi agarsiisi, sorio Musani mure baasi, aka nami ch'ufti aka atini fayyite argu.

Fayyisa garbicha shumicha Rumi

⁵ Yesoni Kapernaumu seennaani, shumichi gosa Rumi toko gara isaa d'ufe, qarqaarsa kad'ate.

⁶ Waan jed'eeni, Aabbo garbichi kiyya guddo fayyaniti mana keesa ch'iisee garagalu jira, chochoule indandau.

⁷ Yesoni waan jed'eeni, Anini d'ufe isa fayyisa.

⁸ Shumichi waan jed'eeni, Atini mana kiyya seenu himmalle, ammo afaanumaani jed'i, garbichi kiyya imfaya.

⁹ Anini nama jala hojad'a, askartileeni na jala jirti; yo anini nama tokooni. Deemi jed'u, indeema; yo ka d'ibiini, Kooti jed'u, ind'ufa. Ammalle yo anini tisse tiyyaani, Waan kana tolchi jed'u, intolcha.

¹⁰ Yesoni waan kana d'ageennaani mame, worra isa gula yauni waan jed'e, D'uguma, waan anini isaniini jed'u, d'ugefacha akana tana anini taka Israeli keesaleti ingarre.

¹¹ Me ilaala, nami hedduuni mirga bitaa d'ufe Abrahamufi Isaaqofi Yakobo woliini Finna gubba keesa taani.

¹² Ammo nami Finna suni iti d'alate dukana ala keesa buusani, achiti nami bohe ilkaani qara.

¹³ Yesoni waan shumichaani jed'e, Beeni, wonti atini d'ugefatte suni sii tahinna. Jennaani garbichi hojuma suni fayye.

Fayyisa nama heddu

¹⁴ Yesoni mana Petro seennaani, jaarti soda isaa ta qanno qabdu arge.

¹⁵ Harka isii tuqe, jennaani qannooni isi lakifte, isiini kaate worra gololchite.

¹⁶ Galgala suni nama heddu ka jinni qabu Yesotiini d'ufani duuba inni jecha tokooni jinni baase, nama d'ukuba qabule ch'ufa fayyise.

¹⁷ Wonti kunini aka fagiisi raagi Isayani jed'e guutamu agarsiifti: Inni d'ukuba keenna fud'ate, fayyad'aba keennale baate.

Worra Yeso gula yau fed'u

¹⁸ Yesoni gumi isa marsitu arginaani aka gama galaana kaaniti taakani buufate.

¹⁹ Namichi Seera beekhu toko gara isaa d'ufe waan jed'eeni, Aabbo, anini fulla atini deemtu ch'ufa si gula deema.

²⁰ Yeso waan jed'eeni, Geedalti goda qabdi, simpirreleeni mana qabdi, ammo Ilmi Nama fulla mata ufi keyatu inqabu.

²¹ Jara isaa keesaa nami toko waan jed'eeni, Aabbo, eegi, qara d'aqe Aabbo awaala.

²² Ammo Yesoni waan jed'eeni, Na gula kooti, reefi ha reefa awaaluti.

Ch'allisiisa bubbe

²³ Yesoni hobolo seennaani, jari isaa isa gula yae.

²⁴ Bubbeeni guddooni galaana d'oofte, d'awaani hobolo roraafte, ammo Yesoni rafu jira.

²⁵ Worri d'aqe isa damase waan jed'eeni, Aabbo, nu baasi, nu badu jirra.

²⁶ Jennaani Yesoni waan worraani jed'e, Maafi akana sodaattani? D'ugefachaani teesani waan diqo. Jennaani Yesoni kae, bubbeefi galaana ch'allisiise, wonti ch'ufti qabanoofte.

²⁷ Biyyiti maadefatte waan jette, Kunini nama akami, ka qilleensafi galaanileeni sarmuufi?

Fayyisa jara jinni qabu

²⁸ Inni gama galaana, lafa Gerasi jed'ani taakinaani, jari lama ka jinni qabu ka awaala keesaa yae isaani bahe. Jari guddo bineensae, tanaafi nami tokoleeni dandae kara suni gula indeemu.

²⁹ Worri iye waan jed'e, Atini maani nuraa qabda, Ee Ilma Waaqa? Ato guyyaani ingahiini nu gaargalchu d'ufte?

³⁰ Diqo fago worra iraa mana booyyeti d'eedu jira.

³¹ Jinniini waan jetteeni, Yo ka nu baaftu taate, gara booyye suni nu ergi.

³² Yesoni beena Yaa jed'eeni. Worra keesaa yaate booyye taani duudde. Duuba booyyeeni orite, bisaani keesa duudde, bisaani liqimsani.

³³ Tissituuni baqatte, dira d'at'e waan worri jinni qabu tahe ch'ufa odeesite.

³⁴ Duuba diri ch'ufti haguma gahuunu Yeso argu d'ufe; arginaani aka inni lafa worra keesaa deemu kad'atani.