Matayo 7 - KITAABA WAAQA

¹ Waan nama inqorina, aka namileeni waan keesani inqorre;

² qorsuma isani namaani qortani isanile qorani; ammalle kiila isani biimitaniini isanile biimani.

³ Atini maafi filida ila oboleesa keti keesa jiru argita ammo jirma ila tante keesa jiru inargine?

⁴ Yokhaani akami dandeete oboleesa keetiini, Filida ila keesaa si fuud'a jetta, ka ila tante keesa jirmi jiru?

⁵ Kiyyiba! Qaraa fiit'e jirma ila tante keesaa fuud'i, duuba aka dansaa lafa agarta, aka ila oboleesa keti keesaa filida fuutu.

⁶ Waan qulqullo saree inkennani; ammalle booyye dura dooqa imbuusina, aka isiini miilaani ira ejaanjatte isaniti garagalte isani inyaanne.

Kad'acha d'uga

⁷ Kad'ad'a, isanii kennani; barbaada, inargitani; balbala d'ad'aa, isani duraa banani.

⁸ Nami wo kad'atu inargata, nami barbaadu inarga, ammalle nama balbala d'ad'au imbananiifi.

⁹ Eentu yo ilmi isaa qit'a kad'ate d'akha kennaafi?

¹⁰ Yokhaani yo inni qurt'umi kad'ate bofa kennaafi?

¹¹ Yo isanu ka hameenna qabdani, waan dansa ilmaani teesani kennu beetani, Abbaani keesani hagasi ira waan dansa worra isa kad'atu kenna!

¹² Akuma aka nami waan dansa isani tolchu feetani, akasuma namale tolcha; tunini dubbi Seeratiifi ta raaga.

Waan balbala d'ipo

¹³ Balbala d'ipooni olseena. Balbala ballofi karaani laafaani gara badi nama geesa, nami achi deemuleeni heddu.

¹⁴ Balbala d'ipofi karaani jabaani jireennati nama geesa, nami argatuleeni diqa.

Waan d'arafi d'uga

¹⁵ Raagoota d'ara eegad'a, ta bifa jijiratte isaniti d'uftu, ammo keesi worraa aka yai jira.

¹⁶ Mid'aani worraatiini worra beetani. Mid'aani zabibu qoraati iraa guurani? Yokhaani d'eeka mogorre iraa guurani:

¹⁷ Mukhi dansaani ch'ufti mid'aani dansa baasa, ammo mukhi hamaani mid'aani hamo baasa.

¹⁸ Mukhi dansaani mid'aani hamo dandae imbaasu; mukhi hamaleeni mid'aani dansa dandae imbaasu.

¹⁹ Mukha mid'aani dansa imbaamne ch'ufa muraniti ibida keesa buusani.

²⁰ Tanaafi mid'aani worraatiini worra beetani.

Aka gubba seenani

²¹ Nami Aabbo, Aabbo, naani jed'u ch'ufti Finna gubba inargattu, ammo nama fed'i Abba kiyya ka gubba jiru guutu ch'allati argata.

²² Guyya suni nami hedduuni, Nu maqa keetiini fanne, maqa keetiini jinni baamne, ammalle maqa keetiini waan mama heddu tolchine jed'a.

²³ Jennaani anini diideese worrati hima, anini fuula isani imbeekhu; na biraa fagaad'a, isani nama dabaati.

Yayaba lama

²⁴ Duuba, nami dubbi tiyya tana d'agaye guutu nama qalbi qabu fakaata, ka d'akha gubbati mana ijaare.

²⁵ Bokeeni roobe, guddo lolaase, bubbeeni bubbifte mana suni d'oofte. Ammo mani jigu dide, maro yayabi d'akha gubba jiruufi.

²⁶ Nami dubbi tiyya tana d'agaye inguunne nama daalle ka mana maansa irati ijaare fakaata.

²⁷ Bokeeni roobe, guddo lolaase, bubbeeni bubbifte mana kaani d'oofte, mani jige. Jigisi mana suni waan gudda!

²⁸ Yesoni dubbi tana barsiimnaani, nami ch'ufti guddo waan barsiisa isaa mame.

²⁹ Inni aka jara Seera beekhu nama imbarsiimne, ammo aka nama jabeenna qabu barsiise.