Matayo 6 - KITAABA WAAQA

¹ Eegad'a aka huji teesani dansa nama durati intolchine aka nami argu. Yo akasi tolchitani Abba keesani ka gubba jiru galata ira inargattani.

² Tanaafi yo hiyyeesa qarqaartu, magalata ufi durati ind'aiini, aka nami kiyyibaani Maneeni Waaqa iti kad'ataniifi kara keesati tolchu, aka nami sila worra guddisu. D'uguma waan anini isaniini jed'u, Worri suni gati ufi ya argate.

³ Ammo yo hiyyeesa qarqaartu harki bitaachi waan harki mirgichi tolchu imbeekhiini,

⁴ aka qarqaarsi kanke waan d'ossa tahu, duuba Abbaani kanke ka waan atini d'ossaani tolchitu argu galata si baasa.

Kad'acha Aabbo keenna

⁵ Yo Waaqa kad'attani, aka nama kiyyibu intahiina! Wonti akanatiifi worri Maneeni Waaqa iti kad'atani keesafi d'aatu kara ejaanjani kad'achu fed'ani, aka nami worra argu. D'uguma, waan anini isaniini jed'u, Worri suni gati ufi ya argate.

⁶ Ammo atini yo Waaqa kad'attu mana kanke keesa seeni, balbala ch'ufi Abbaani kanke ka waan atini d'ossani tolchitu argu galata sii baasa.

⁷ Kad'acha keesati dubbi woma imbaane ind'eeresiina, aka worri Waaqa imbeenne tolchu; worri waan maro dubbi heddutiifi kad'acha d'agayaniifi seha.

⁸ Aka worra intahiina; Abbaani keesani ato isani woma injed'ini waan isani feetani ch'ufa beekha.

⁹ Aki kad'atani akana: Aabbo keenna ka gubba jirtu, maqa kanke qulqullo ha guddisani;

¹⁰ Finni kanke ha d'ufu, fed'i tante lafati ha guutani aka gubbaa guutani.

¹¹ Liqimsa teenna ta arra nuu kenni;

¹² ch'ubbu teenna nuu araarami, akuma nuleeni nama nuti ch'ubbame araaramnu.

¹³ Ilaalacha nutiini ind'ufiini, ammo waan hamtu nuraa d'owi.

¹⁴ Wonti akanatiifi yo isani wollaala namaa araaramtani, Abbaani keesani ka gubbaleeni isani araarama.

¹⁵ Ammo yo isani wollaala namaa inaraaramne, Abbaani keesanileeni wollaala isanii inaraaramu.

Waan agabu

¹⁶ Yo Waaqa kad'achaafi agabdani, fuula iyakatiina, aka worra kiyyiba. Worri fuula yakata, aka agabu worraa nami argu. D'uguma, waan anini isaniini jed'u, Worri suni gati ufi ya argate.

¹⁷ Ammo yo agabdu, fuula d'iqad'u, mata filad'u,

¹⁸ aka nami agabu tante inagarre; ammo Abba kanke ka d'ossa jiru ch'allati arga. Abbaani kanke ka waan d'ossani argu galata sii baasa.

Durooma gubbaa

¹⁹ Hori keesani lafa inkeyatina, fulla bilaachafi dandiini nyaattu, yokhaani fulla hattuuni ch'absite hattufi.

²⁰ Ammo hori keesani gubba keyad'a, fulla bilaachafi dandiini inyaanne yokhaani hattuuni ch'absite inhanne.

²¹ Fulla horiini keesani jiru, garaani keesanileeni jira.

Ifsaafi dukana

²² Ilti ifsa nafaati. Yo ilti tante dansaa taate, nafi kanke ch'ufti ifsa qaba.

²³ Ammo yo ilti tante dansaa intahiini, nafi kanke ch'ufti indukanaa. Tanaafi yo ifsaani si keesa jiru dukanae, dukanti inguddatti.

D'ind'insafi d'ugefacha

²⁴ Nami tokoleeni dandae abbooti lama inhojatu: toko jibbeti kaani jaalata, yokhaani tokooni wold'aqani kaani tuffata. Waaqafi hori hojachu indandeetani.

²⁵ Tanaafi anini isaniti hima, Jireenna yokhaani nyaata d'ugaati, yokhaani waan nafaati uyifatani ind'ind'insiina. Jireenni liqimsa ira injiru: Yokhaani nafi woya ira injiru:

²⁶ Simpirre ilaala; mid'aani imfach'aaftu, imurtu, yokhaani khod'oti ingalchitu; ammo Abbaani keesani ka gubba jiru isile nyaachisa, isani simpirre ira injirtani?

²⁷ Eentu isani keesa, ato d'ind'insele, dandae d'und'uma toko d'eerinna ufiti dara?

²⁸ Maafi waan uyifattani d'ind'insitani? Aka daraaraani oobru bahu herega; inni inhojatu yokhaani woya ind'aatu.

²⁹ Ammo waan anini isaniini jed'u, Solomonileeni guddinna ufi keesati woya aka daraara mid'aadu inuyifanne.

³⁰ Yo Waaqi buuyo arra jirtu ta bori ibidati gatani akana uyise, inni hagasi ira isani inuyisu? D'ugefachaani teesani waan diqoo!

³¹ Tanaafi d'ind'insitani, Maani nyaanna yokhaani maani d'unna yokhaani maani uyifanna: injed'ina.

³² Worri Waaqa imbeenne waan kana ch'ufa barbaada. Abbaani keesani ka gubba jiru aka isani waan kana ch'ufa feetani imbeekha.

³³ Ammo qaraa fiit'e Finnafi d'uga isaa barbaada, duuba wonti kunini ch'ufti teesani taati.

³⁴ Tanaafi waan bori ind'ind'insiina, waan bori, ha borumani ufi d'ind'insituti. Guyyaani ch'ufti gaargala ufi qaba.