Matayo 27 - KITAABA WAAQA

¹ Ganama qaalole gugurdofi jaaroleeni Yahudi aka Yeso ijeeftu wolmariatte.

² Haada sibiilatiini hid'ani, isa fuud'ani, harka hayyu Pilatoti kennani.

Duisa Yuda

³ Yudani, ka Yeso gurgurate, aka Yeso ijeecha iti murani arginaani, iraa deebie, hori qaalole gugurdofi jaaroleti deebise

⁴ waan jed'e, Anini ya daba tolche, nama woma iyakini gurgurad'e. Worri waan jed'eeni, Nu maani iraa qamna re? Sunini huji tanteti.

⁵ Yudani hori kaani fulla sorio iti qalani jisse d'aqe t'ururaani ufi ijeese.

⁶ Qaaloleeni gugurdooni hori kaani lafaa guurte waan jette, Horiini kunini hori d'iigaati, aki hori Mana Waaqatiini wolti darani fullaaniti jed'ani.

⁷ Eegi wolmariatani, lafa toko ta Ogeesa Okote Faara jed'ani bitani lafa keessuma iti awaalani tolchani.

⁸ Maro waan kanatifi lafa suniini, Lafa D'iiga jed'ani yaamani, arrale.

⁹ Duuba akanaani Wonti raagi Yeremiani jed'e d'uga taate: qarsi sodomi sadi suni fuud'ani (ta gochiti Israeli ee jette aka baaftu),

¹⁰ hori suniini lafaani bitani, akuma Aabbooni nati hime.

Yeso Pilato durati

¹¹ Yesoni hayyu Pilato dura ejate, Pilatoni waan jed'eeni, Atini Hayyu Yahuditi? Yesoni waan jed'e, Atu ya jette.

¹² Ammo waan qaalole gugurdofi jaaroleeni isa himatte maqa ind'oomne.

¹³ Jennaani Pilatoni waan Yesoni jed'e, Waan worri si himate kana ind'ageetu?

¹⁴ Ammo Yesoni dubbi tokole dubbachu dide, tanaafi Pilatoni guddo mame.

Yeso duisa iti murani

¹⁵ Guyya jila Pasaka ch'ufa, hayyuuni nama hid'ani toko, ka gumiini kad'atte, gadi lakisa.

¹⁶ Gaafasi namicha nami ch'ufti beekhu tokoti jira, ka Yeso Baraba jed'ani.

¹⁷ Gumiini wolwoldeennaani, Pilatoni waan jed'e, Ana eennu gadi lakisu feetani, Yeso Baraba mo Yeso ka Kristo jed'ani?

¹⁸ Inni imbeekha, aka worri Yeso qot'efi isatiini d'ufe.

¹⁹ Ato Pilatoni barch'uma qorsuma ira tau, niitiini isaa nama isati ergite waan jetteeni, Nama woma iyakini suni woma intolchiini, anini eedda oobju keesa guddo maro isaatiifi gaargale jette.

²⁰ Qaalole gugurdofi jaaroleeni biyya sosobde waan jette, Aka Pilatoni Baraba lakise Yeso ijeesu kad'ad'a.

²¹ Hayyuuni, Worra kana lamaani eennu gadi lakisa? jed'e, Jennaani worri, Baraba feena jed'e.

²² Pilatoni waan jed'eeni, Yeso ka Kristo jed'ani maani tolcha re? Iyani, Mukhati fannisi jed'ani.

²³ Ammo Pilatoni waan jed'e, Inni maani yake? Qonqo guddooni iyani waan jed'ani, Mukhati fannisi!

²⁴ Pilatoni aka dura deemitiini woma imbaane arginaani, ammalle aka loli d'ufu arginaani, bisaani fud'ate, harka biyya durati d'iqate waan jed'e, Anini d'iiga nama kana keesa injiru! Tunini huji teesani!

²⁵ Gumiini ch'ufti waan jette, D'iigi isaa mata keennafi ka ijoolle teenna gubba jira.

²⁶ Jennaani Pilatoni Baraba gadi lakise, Yeso d'aana jed'e, aka ijeesani harka worrati kenne.

Askartiini Yeso goyeesiti

²⁷ Jennaani askartiini Pilato mana hayyu keesa Yeso seensifte, isiini ch'ufti isa marsite.

²⁸ Woya iraa baasani, woya diimtu toko uyisaniifi.

²⁹ Duuba qoraati aka sure marani mata isaa ira kayani, ule harka isaa ka mirga keesa kayani, isa durati jilbifatani goyeesani waan jed'ani, Lubbuuni tante ha d'eeratuuti, Hayyu Yahudi.

³⁰ Hanch'ufa isati tufani, ule fuud'ani mata keesani d'aanani.

³¹ Eegi isa goyeesani, woya iraa baasani, woya isaa ta qara keyachiisani, Duuba aka mukhati fannisani alati geesani.

Yeso maskaliti fannisani

³² Ato dira keesaa bahanu, namicha Kirene toko ka Simoni jed'ani argani, maskali Yeso baachisani.

³³ Fulla Golgotha d'ufani, akasi jechaani Fulla Buqe Mata jecha.

³⁴ Achiti daad'i had'ooftu obaasani, inni diqo une ammo d'ugu dide.

³⁵ Mukhati fannisani, woya isaa hit'a buufatani, gargari qoodatani,

³⁶ achi tataani isa eegani.

³⁷ Mata isaa gararoti waan isa himataniifi t'aafani, Nami kunini Yeso, Hayyu Yahudi jed'ani.

³⁸ Shifta lama isa woliini fannisani, toko gama mirga, kaani gama bita.

³⁹ Nami d'aatu suni yau mata iti irbe Yeso arabse waan jed'e,

⁴⁰ Atini ka, Mana Waaqa ch'abse, guyya saditi jaaru dandaa jette, ufi baasi, yo atini Ilma Waaqaa taate! Maskali ira lafati gadi bui!

⁴¹ Akasuma qaalole gugurdofi jara Seera beekhufi jaaroleeni isa goyeesite waan jette,

⁴² Inni biyya baase, ammo dandae ufi imbaasu! Inni Hayyu Israelitiyu? Yo inni ammatana maskali ira gadi bue, nu isa d'ugefanna!

⁴³ Inni Waaqa d'ugefate, Anini Ilma Waaqa ufiini jed'a. Yo akasi taate, aka amma Waaqi isa baasu fed'u ilaalu feena.

⁴⁴ Shiftaani isa woliini fannisanileeni akasuma isa goyeesite.

Duisa Yeso

⁴⁵ Guyya gudda haga saa sagali lafti ch'ufti dukanoofte.

⁴⁶ Saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifte? jecha.

⁴⁷ Nami achi ejaanju ka gari isa d'agaye waan jed'e, Inni Eliya yaamu jira.

⁴⁸ Namichi toko gara isaa utaale, waan aka bututu laaftu toko fuud'e, daad'i keesa kaye, hokoti fannise, isa dura qabe.

⁴⁹ Ammo nami gari waan jed'e, Eega, aka Eliyaani d'ufe isa qarqaaru ilaala.

⁵⁰ Yesoni ammalle qonqo guddooni iye, hafuura baafate due.

⁵¹ Hojuma suni golli Mana Waaqa fulla lamati gubba gadi tarsae. Lafti chochote, d'akhaani dayae,

⁵² awaali baname, worri Waaqa ka due ka gari jireennati deebie.

⁵³ Awaala keesaa yaani, eegi Yesoni duisa keesaa kae, dira qulqullo seenani, nami hedduuni worra arge.

⁵⁴ Gudda askartitiifi askartiini isa woliini jirjirtu lafa chochoteefi waan tahe ch'ufa arginaani, nahani waan jed'ani, Nami kunini d'uguma Ilma Waaqaati.

⁵⁵ Nad'eeni hedduti jira, ta fago waan kana daawatte, ta haga Galilaya Yeso gula yaate isa qarqaarte.

⁵⁶ Nad'eeni suni keesaa, Mariamu Magdalenefi Mariamu haad'a Yakobotiifi Yusufufi haad'a ilmaani Zebedayoti jira.

Awaala Yeso

⁵⁷ Lafti galgaloomnaani, namichi dureesi lafa Arimathaya toko d'ufe; maqaani isaa Yusufu, innileeni nama Yesoti.

⁵⁸ Duuba gara Pilato d'aqe, reefa Yeso kad'ate. Pilatoni reefa suni, Yusufu kenna jed'e.

⁵⁹ Yusufuni fuud'e, woya booftatiini mamare,

⁶⁰ awaala inni d'io qote keesa kaye. Jennaani d'akha gudda toko afaani awaalati gangalche biraa gale.

⁶¹ Mariamu Magdalenefi Mariamuni taani d'aatu awaala teteete.

⁶² Guyya lameeso, ka gumaatati aanu, qaalole gugurdofi Farisayooni gara Pilato d'at'e,

⁶³ waan jetteeni, Aabbo, nu aka namichi kiyyibaani suni gaafa jiru, Eegi guyya sadi anini duisa keesaa kaa jed'e, inqaabanna.

⁶⁴ Tanaafi nama ergi, aka awaala suni haga guyya sadi jabeesani eegani, aka jari isaa d'aqe reefa Yeso hate, biyyaani, Isa ya duisa keesaa kaasani injenne. Kiyyibi eege kunini ka qarale ira hamaata jed'ani.

⁶⁵ Pilatoni waan jed'eeni, Askarti fud'ad'a, haga dandeetani awaala eega.

⁶⁶ Tanaafi kaani iti d'aabatani, d'akha awaala iti gangalchani kaani beesisa ira kayani, jabeesani askarti eeddu achiti lakisani.