Matayo 26 - KITAABA WAAQA

¹ Yesoni barsiisa tana ch'ufa hobaamnaani, inni waan jara ufitiini jed'e,

² Aka isani beetani, eegi bulti lamaa jila Pasakaati; gaafasi Ilma Nama harka namati kennani mukha gubbati fannisani.

³ Jennaani qaalole gugurdofi jaaroleeni Yahudi mana Qaallicha ira Gudda, ka Kayafa jed'ani keesati wolwoldeete,

⁴ aka Yeso d'ossaani qabani ijeesani mariatte.

⁵ Fulla jilati tolchu himmalle, hegeri biyyiti inch'aarti wolinjed'ani.

D'ad'a mata Yesoti naqani

⁶ Ato Yesoni mana Simoni ka qomaat'a qabu keesa jiru,

⁷ niitiini toko killa d'ad'a urgaa, ka gati guddotiini d'ufte, mata Yesoti nat'e, ato inni sagale nyaachu jiru.

⁸ Jari Yeso waan kana arginaani guddo dalane waan jed'e, Maafi waan kana ch'ufa balleesani?

⁹ D'ad'a kana sila beese guddoti gurgurani hiyyeeyi qoodu dandaani jed'ani.

¹⁰ Yesoni waan worri jed'e beennaani waan jed'eeni, Isani maafi teetani niiti tana gaargalchitani? Wonti isiini naa tolchite kunini guddo dansa.

¹¹ Hiyyeeyiini guyya ch'ufa isani woliini jirti, ammo anini guyya ch'ufa isani woliini injiru.

¹² Isiini aka nafa kiyya awaalaa na kurfeesitufi qayya na nat'e.

¹³ D'uguma, waan anini isaniini jed'u, Yo odu dansa tana lafa ch'ufa keesati odeesani, waan isiini tolchite kana qaabatani isiini odeesani.

Yudani Yeso gurgurata

¹⁴ Jennaani nami Yeso toko ka Yuda Iskariote jed'ani gara qaalole gugurdo d'aqe

¹⁵ waan jed'e, Yo anini Yeso harka keesaniti kenne, maani naa kennitani? Duuba worri qarsi sodoma fuud'e kenneefi.

¹⁶ Haga gaafasiti Yudani akuma Yeso gurguratu barbaade.

Yesoni jila Pasaka nyaata

¹⁷ Guyya qara ka jila Qit'a bukho inqamne, jari Yeso iti d'ufe waan jed'eeni, Jila Pasaka jed'ani eesati si tolchina?

¹⁸ Inni waan jed'eeni, Gara nama toko d'aqa waan jettaniini, Aabbooni waan jed'u, Guyyaani kiyya ya gahe; anaafi jari kiyyaleeni mana kanke keesati Pasaka nyaanna jed'aani.

¹⁹ Jari waan Yesoni jed'eeni tolche Pasaka kurfeese.

²⁰ Lafti galgaloomnaani, Yesofi jari isaa tataani sagale nyaatani.

²¹ Ato sagale nyaatanu, Yesoni waan jed'e, Isani kana keesa nami toko na gurgurata.

²² Jari guddo lalefate, toko tokooni waan jed'eeni, Aabbo, naa wo taate?

²³ Yesoni waan jed'e, Nama qit'a qori keesa naa woliini tuqate nyaachu jiruti na gurgurata.

²⁴ Ilmi Nama aka t'aafiini jette gula dua; ammo gaargala nama Ilma Nama ijeesuti; ira dansa yo sila nami suni duri ind'alatiini.

²⁵ Yudani qonqo olfud'ate waan jed'e, Na wo taate, Aabbo? Yesoni waan jed'eeni, Atini ya afaani keetiini jette.

Sagale Aabbo

²⁶ Ato sagale nyaatanu, Yesoni qit'a fuud'e, galata deebise, ch'ach'abse, jara ufiti kenne waan jed'eeni, Kunini nafa kiyya, hood'a, nyaad'a.

²⁷ Mudunu fuud'e, galata deebise, worrati kenne waan jed'eeni, Isaniini ch'ufti d'uga.

²⁸ Kunini d'iiga kiyya ka wold'aqisa haraa, ka nama hedduu jissani, aka daba nama araaramani.

²⁹ Waan anini isaniini jed'u, Anini iti deebie daad'i tana ind'ugu, haga daad'i haraa Finna Abba kiyya keesati woliini d'unnuuti.

³⁰ Jennaani sirba toko sirbani gara Gaara Ejersa jed'ani d'aqani.

Yesoni mormacha Petro hima

³¹ Jennaani Yesoni waan jed'eeni, Halkani kana isaniini ch'ufti na lakiftani baqattani, wonti akanatiifi t'aafiini waan jettu, Waaqi tissitu ree ijeese, reeni gargari firfirfamti.

³² Ammo eegi anini duisa keesaa kae, anini isani durati Galilaya d'aqa.

³³ Petroni waan Yesoni jed'e, Ato nami ch'ufti baqatele, anini si biraa imbaqad'u.

³⁴ Yesoni waan jed'eeni, D'uguma waan anini siini jed'u, ato kormi luku iniyiini, ati maro sadi na mormatta.

³⁵ Petroni waan jed'e, Ato duele, anini si imormad'u. Jari kaleeni akasuma jed'e.

Kad'acha Yeso Gethsemane keesa

³⁶ Yesoni jara ufi woliini lafa Gethsemane jed'ani d'aqe waan jed'eeni, Haga anini achi deeme kad'ad'u, arma tataa.

³⁷ Inni Petrofi ilmaani Zebedayo lamaani guure. Lalefachafi naasuuni isa dabsatte,

³⁸ waan worraani jed'e, Naasuuni diquma na inijeesiini. Arma na woliini tataa eega.

³⁹ Diqo dura deeme fuula durati lafaani ufi d'ae, Waaqa kad'ate waan jed'e, Aabbo kiyya yo dandeete mudunu tana nara fuud'i, fed'i tiyyaaniti ammo fed'i tante gula.

⁴⁰ Jennaani gara jara isaa sadeeni kaani deebie, worra rafu arge waan Petroni jed'e, Akami dandeetani haga saa tokole na woliini eegu dad'abdani?

⁴¹ Tataa, Waaqa kad'ad'a, aka ilaalacha keesa inseene. Lubbuuni imfeeti, ammo nafi indandau.

⁴² Maro lameeso Yesoni deeme, Waaqa kad'ate waan jed'e, Yo mudunu tana haga anini d'uguti naraa imfuune, fed'iini tante ha taatuuti.

⁴³ Ammalle gadeebinaani worra muugatiini dabsatte rafu arge.

⁴⁴ Ammalle Yesoni worra biraa deeme, maro sadeeso dubbuma suniini Waaqa kad'ate.

⁴⁵ Jennaani gara worra deebie waan jed'eeni, Ammalle ufuma ch'iiftani raftani? Ilaala, hojjaani Ilma Nama harka worra dabaati kennani ya d'iaatte.

⁴⁶ Kakaa, nu yaasa. Kuno, nami na gurguratu kana.

Qabisa Yeso

⁴⁷ Ato inni dubbachu jiru, Yudani ka jara kud'ani lama ke jiru d'ufe. Isa woliini gumiini guddooni ta sheeftifi bokuuni yaatu d'ufte, ta qaalole gugurdofi jaaroleeni Yahudi ergite.

⁴⁸ Yudani akheekha toko worraa kenne, Nami anini d'ungad'u isa, qaba jed'e.

⁴⁹ Yudani d'umnaani gara Yeso d'aqe, Aabbo, bultiini nagaya? Jed'e d'ungate.

⁵⁰ Yesoni waan jed'eeni, Jaali, waan feetu hurrisi tolchi. Jennaani d'ufani Yeso jabeesani qabani.

⁵¹ Nami Yeso woliini jiru toko, sheefti ufi qalqala keesaa luqise, tisse qaallicha gudda d'ae, gurra iraa kute.

⁵² Yesoni waan isaani jed'e, Sheefti tante qalqalati deebisi; wonti akanatiifi nami sheefti fud'atu ch'ufti sheeftiini dua.

⁵³ Atini aka yo anini Aabbooni, Qarqaarsa na ergi jed'e, inni duula kud'ani lama ka malaika na ergu imbeetu?

⁵⁴ Ammo yo akasi taate, t'aafiini ta woni kuni tahu malte jettu akami dandeete guutamti?

⁵⁵ Hojuma suni Yesoni gumiti dubbate waan jed'e, Maafi sheeftifi bokuuni d'uftani na qabdani, aka waan anini shifta tahe. Guyya ch'ufa anini Mana Waaqa keesa tae nama barsiise, ammo gaafasi na inqamne.

⁵⁶ Ammo wonti kunini ch'ufti aka wonti raagi jed'e, guutamtufi taate. Jennaani jari isaa ch'ufti isa lakise baqate.

Yesoni kora durati

⁵⁷ Worri Yeso qabe, mana Kayafatiini isa d'ufani, fulla jara Seera beekhufi jaaroleeni iti wolwoldeete.

⁵⁸ Petroni isa gula deeme haga ch'icha mana qaallicha gudda, d'aqetiini worra lafa eegu woliini tae, aka waan dubbini buufattuuni ilaalu.

⁵⁹ Qaalole gugurdofi kori ch'ufti dubbi d'aratiini Yeso himatani, aka ijeesani;

⁶⁰ ammo indad'abani, ato nami hedduuni d'ufe, d'araani himatele. Eege jari lamaani toko d'ufe

⁶¹ waan jed'e, Namichi kunini waan jed'e, Anini dandae Mana Waaqa ch'abse, eegi guyya sadi jaara jed'e jed'ani.

⁶² Qaallichi guddaani olkae waan Yesoni jed'e, Atini himacha jari kunini si himatu tanaani woma injettu?

⁶³ Ammo Yesoni dubbachu dide. Ammalle qaallichi guddaani waan isaani jed'e, Maqa Waaqa jirutiini si kakhachiisa, Yo atini Kristo, Ilma Waaqa taate, nuti himi.

⁶⁴ Yesoni waan isaani jed'e, Atu ya jette. Ammo waan anini isaniti himu, Eegi arra, Ilma Nama ka harka mirgicha Waaqa Gudda tae, dumansa gubbatiini gadi deebiu argitani.

⁶⁵ Jennaani qaallichi guddaani woya ufi tarsaase waan jed'e, Atini ya Waaqa arabsite, nu d'uga d'ibi imbarbaannu; armati ya dubbi isaa ta daba d'ageettani;

⁶⁶ isani maani hereddani? Worri waan jed'eeni, Inni wollaala qaba, duu male jed'ani.

⁶⁷ Hanch'ufa fuulati tufani d'aanani; worri isa d'abanaase

⁶⁸ waan jed'e Kristo, fagi nama si d'ae nuti himi.

Petroni Yeso mormata

⁶⁹ Ato Petroni ch'icha dura tau, intalti hojattu qaallicha gudda toko d'ufte waan jetteeni, Atileeni Yeso Galilaya woliini jirta.

⁷⁰ Ammo inni worra ch'ufa durati mormate, Anini waan atini dubbachu jirtu kana imbeekhu jed'e,

⁷¹ fullooni bahe. Intalti hojattu toko d'ibileeni isa garte waan jara d'iira tokooni jette, Namichi kunini Yeso Nazareti woliini jira.

⁷² Ammalle Petroni mormate waan jed'e, Inkakhad'a, anini namicha kana fuulale imbeekhu.

⁷³ Eegi diqo toko taani, worri achi ejaanju Petroti d'ufe waan jed'eeni, Atini nama isaati, arabi kanketiyu inhima.

⁷⁴ Petroni kakhate waan jed'e, Yo anini isani sobe Waaqi na dabsinna. Anini namicha suni fuulale imbeekhu. Hojuma suni kormi luku iye.

⁷⁵ Petroni, waan Yesoni isaani jed'e, qaabate, Ato kormi lukuu iniyiini atini maro sadi na mormatta. Duuba inni alati bahe guddo bohe.