Matayo 24 - KITAABA WAAQA

¹ Ato Yesoni Mana Waaqa keesaa bahu jiru, jari isaa isati d'ufe, aka ijaarsa Mana Waaqa isa agarsiisu.

² Inni waan jed'eeni, Waan kana ch'ufa agartani? Waan anini isaniti himu, d'akhaani tokoleeni woli irati inhafu, ch'ufa gargari jissani.

Yesoni gaargala d'ufu hima

³ Ato Yesoni gaara Ejersa jed'ani gubba tau, jari isaa koba isati d'ufe waan jed'eeni, Wonti kunini ch'ufti yoomi taati? Akheekhi d'ufiisa kanketitiifi guyya muumme maani? jed'ani gaafatani.

⁴ Yesoni waan jed'e, Eegad'a, nami tokoleeni isani insobini.

⁵ Wonti akanatiifi nama hedduti maqa kiyyaani d'ufe, Anini Kristo isaniini jed'e, nama heddu soba.

⁶ Wolhad'iisa d'iotiifi ka fagole ch'ufa ind'ageetani, ammo insodaatiina, wonti kunini ch'ufti d'ufu malte, ammo muummeeni ind'iaanne.

⁷ Lafti toko lafa d'ibi haati, hayyuuni toko hayyu d'ibi had'a. Fulla ch'ufa beelafi lafa chochoititi d'ufa;

⁸ wonti kunini ch'ufti aka ch'iniinsu d'ala jirti.

⁹ Isani qabani gaargalchani duisa isaniti murani. Maro tiyyaafi gochi ch'ufti isani jibbiti.

¹⁰ Nami hedduuni hojja suni d'ugefacha lakisa, woli gurguratani, woljibbani.

¹¹ Jennaani raagi d'ara hedduuni d'ufe nama heddu soba.

¹² Hameenni heddate jennaani jaalalti nama heddu qabanoofti.

¹³ Ammo nami haga muumme obsu imbaha.

¹⁴ Odu Dansa tana ta Finna lafa ch'ufa keesati odeesani, aka gosa ch'ufati d'ugeesani, eegi suni muummeeni d'ufti.

Waan jibbani ta nama rifachiisa

¹⁵ Isani waan jibbani, ta nama rifachiisa, ta fulla qulqullo ejitu, ta raagi Danielini waan isii dubbate ya argitani (nami soomu ha hubatu)

¹⁶ hojja suni worri Yudea keesa jiru ha gareeniti baqatu.

¹⁷ Nami mana gubba jiru mana seene woma imfud'atiini.

¹⁸ Nami oobru keesa jiru mana d'aqe woya imfud'atiini.

¹⁹ Gaargala nad'eeni hojja suni garaacha qabduufi ta ijoolle hoosiftu!

²⁰ Kad'ad'a, aka bara d'aamochatiifi guyya Sabato imbaqanne!

²¹ Gaargali guyya suni gaargala taka haga lafti uumamte haga arrale ind'ufiini taha. Wonti akasi iti deebite lafa ind'uftu.

²² Ammo Waaqi ya guyya suni gabaabse; yo inni akasi intolchiini, nami tokoleeni sila imbahu. Maro worra inni fohateefi, Waaqi guyya ingabaabsa.

²³ Yo nami, Kuno, Kristoni arma jira jed'e, yokhaani, Achi jira jed'e, ind'ugefatiina.

²⁴ Wonti akanatiifi Kristo d'aratiifi raagi d'ara ind'ufa, akheekhafi waan mama heddu tolchani, aka worra Waaqi fohate sobani, yo sila dandaani.

²⁵ Me, anini waan kana ato guyyaani ingahiini ya isaniti hime.

²⁶ Yokhaani, yo nami, Ilaala, inni lafa gamooji keesa jira jed'e, achi indeemina; yokhaani yo, Inni armati d'okhachu jira jed'ani, ind'ugefatiina.

²⁷ Akuma angaasuuni mirgaa bita angaatu, akasuma Ilmi Nama tassa d'ufa.

²⁸ Fulla reefi jiruti allaatiini buuti.

Waan guyya muumme

²⁹ Maro tokotu, eegi garagala guyya suni, aduuni indukanoofti, jii iti deebie inifsu, urjiini gubba gadi jiddi, jabeenni gubba inhargufama.

³⁰ Duuba akheekhi Ilma Nama gubbati mullata; gochiti lafa tana ch'ufti imbooti, Ilma Nama ka dumansa keesa jabeennaafi guddinnaani gadi buu argani.

³¹ Magalata gudda d'aani, inni malaika ufi moga lafa afraaniti erga, gumi inni fohate haga muumme tanaafi haga muumme suni woltiguurani.

Mammaasa oda

³² Mukhi oda ha woi isani barsiisu. Yo dameeni isaa dotaate latte baala baafte, aka lafti ch'aamsa imbeetani.

³³ Akasuma yo waan kana agartani aka inni d'io jiru, ka diquma isani hanqatu beekha.

³⁴ D'uguma, waan anini isaniini jed'u, Wonti kuni ch'ufti, ato nami amma jiru inhobaane taati.

³⁵ Lafafi gubbaani indabarti, ammo dubbini tiyya tokoleeni indabartu.

Yesoni, Kurfo eega jed'a

³⁶ Nami hojafi guyya suni beekhu injiru, malaika gubbatiifi Ilmileeni imbeekhani, Abba ch'allati beekha.

³⁷ D'ufiisi Ilma Nama aka gaafa Nuhu taha.

³⁸ Haga lollaani d'ufe Nuhuuni hobolo inseeniini nyaatani d'ugani wolfuud'ani.

³⁹ Ammo haga bisaani fach'aani worra liqimsaniti worri woma inhubanne. Guyya Ilmi Nama d'ufule akasuma taati.

⁴⁰ Hojja suni nama lamati oobru keesa woliini hojachu jira: toko fuud'ani, kaani lakisani.

⁴¹ Nad'eeni lama ta d'akha daakhu jirti: toko fuud'ani, taani lakisani.

⁴² Eegad'a duuba, guyya Aabbooni keesani d'ufu imbeetani.

⁴³ Waan kana qaabad'a: Abbaani mana, yo sila hojja hattuuni d'uftu beekhe, mana ufi iraa d'owa.

⁴⁴ Maro waan kanatifi, hojja ch'ufa kurfo tahu maltani. Ilmi Nama hojja isani insehanne d'ufa.

Mammaasa hojattu d'ugaafi d'ara

⁴⁵ Hojattuuni d'ugatiifi qarooni tami? Inni ka abbaani isaa gudda hojattu ch'ufaa tolche, aka sagale hojja saatiini geetu kennuufi.

⁴⁶ Hojattuuni suni guddo gammada, yo abbaani isaa isa hojachu jiru worrati galu.

⁴⁷ D'uguma, waan anini isaniini jed'u, abbaani suni gudda waan qabu ch'ufa isa tolcha.

⁴⁸ Ammo yo inni hojattu hamtu taate, waan inni ufiini jed'u, Abbaani kiyya d'ufu ingeenne jed'e,

⁴⁹ hojattu ch'ufa d'aane, sagale nyaate, worra farso d'ugu woliini d'uga.

⁵⁰ Abbaani hojattu suni guyya inni insehannefi hojja inni imbeenne d'ufe,

⁵¹ Abbaani kaani gargari isa ch'ich'ire jara kikiyyibani wolti dara. Achiti bohe ilkaani qara.