Matayo 21 - KITAABA WAAQA

¹ Yerusalemuti d'iaannaani, Bethfage fulla Gaara Ejersa jed'ani d'ufani. Achiti Yesoni d'aamsa kanaani jara ufi lama erge:

² Olla nu dura suni d'aqa, harre bukhura isii woliini mukhati hid'ani gartani. Hiikha, natiini koota jed'e.

³ Yo nami tokoleeni woi jed'e, waan jettaniini, Motichati fed'a jed'a, inni hurrise erga.

⁴ Tunini aka wonti raagi jed'e guutamtu:

⁵ Waan dira Sionitini jettu: Hayyuuni kanke siti d'ufu jira, inni nama laana, harre yaabata, inni bukhura harre yaabata.

⁶ Jari suni deeme waan Yesoni jed'eeni tolche,

⁷ harrefi bukhura isitiini d'ufani, woya ufi rara tolchani, Yesoni yaabate.

⁸ Gumiini guddooni woya ufi kara keesa afte, nami gari dame mukhaa ch'ire lafa afe.

⁹ Gumiini Yeso dura yaatufi ta duuba yaatu iyite waan jette, Ilmi Daudi ha guddifamu. Ka maqa Aabbootiini d'ufu ha eebifamu! Waaqa ha faarsani jed'ani!

¹⁰ Yesoni Yerusalemu seennaani diri ch'ufti wolti kae. Kuni eennu? jed'ani.

¹¹ Gumiini taani waan jette, Inni raaga Yeso jed'ani, ka Nazareti Galilaya keesaa d'ufu.

Yesoni Mana Waaqa qulqulleesa

¹² Yesoni Mana Waaqa olseene, worra keesati woi bitatufi ka gurguratu had'e, mesa worra hori jijirutiifi barch'uma worra sabaliisa gurguru ch'ufa garagalche

¹³ waan jed'eeni, T'aafi keesati waan Waaqi jed'e, Mana kiyya mana kad'acha jed'aniini, ammo isani goda hattu tolchitani.

¹⁴ Ballafi naafi ch'ufti Mana Waaqa keesati isati d'ufe, inni worra fayyise.

¹⁵ Qaalole gugurdofi jari Seera beekhu waan dansaa inni tolcheefi ijoolle Mana Waaqa keesati iyite, Ilmi Daudi ha guddifamu jettu d'ageennaani dalanani.

¹⁶ Worri waan Yesoni jed'e, Waan worri jed'u d'ageeta? Ind'agaya jed'e. T'aafi keesa taka insoomne? Isani ya ijoolleefi daima aka faaru d'uga baaftu barsiiftani.

¹⁷ Yesoni worra biraa deeme, Bethania d'aqe achi bule.

Yesoni mukha oda abaara

¹⁸ Diirama lameeso, ato dira d'aqu jiru, Yesoni beelae.

¹⁹ Oda toko d'aatu karaati arge, jennaani d'aqe ammo baala male woma iraa d'abe waan jed'eeni, Iti deebite mid'aani ind'aliini. Hojuma suni mukhi kaani gogoge.

²⁰ Jari isaa waan kana arge jennaani mame, Odaani eesa akana hurrise gogoge? jed'ani wolgaafatani.

²¹ Yesoni waan jed'eeni, D'uguma, waan anini isaniini jed'u, Yo isani d'ugefattani, woljaji keesa injirre, isani dandeetani waan anini mukha oda kana tolche tolchitani. Tana ch'allaleniti, ammo yo gaara kanaleeni, Kai, galaana keesa bui jettani, duuba intaati.

²² Yo d'ugefattani waan kad'attani ch'ufa inargattani.

Waan jabeenna Yeso

²³ Yesoni Mana Waaqa olseene; ato nama barsiisu, qaalole gugurdofi jari gugurdaani Yahudi isati d'ufani waan jed'aniini, Atini jabeenna kamiini waan kana tolchita? Eentu jabeenna kana sii kenne?

²⁴ Yesoni waan jed'eeni, Anileeni gaafi toko isani gaafad'a; yo isani naa deebiftani, anileeni jabeenna waan kana tolchuuni isaniti hima.

²⁵ Batisooni Yohana eesaa d'ufte? Waaqa biraa d'ufte mo nama biraa d'ufte? Worri wolmorme waan jed'e, Maani jenna? Yo nu Waaqa biraa d'ufte jenne, inni waan nuuni jed'u, Maafi Yohana ind'ugefatiina re?

²⁶ Ammo yo nu nama biraa d'ufte jenne, nu biyya sodaanna, waan nami ch'ufti Yohana raaga sehuufi.

²⁷ Tanaafi worri waan Yesoni jed'e, Nu imbeennu. Inni waan worraani jed'e, Yoosi, anileeni jabeenna waan kanaani tolchu isaniti inhimu.

Mammaasa ilmaani lama

²⁸ Isani maani seetani? Nama ilmaani lama qabuti jira. Inni gara angafa d'aqe waan jed'eeni, Oobru zabibu arra d'aqi keesa hojad'u.

²⁹ Gurbaani kaani, Ani indeemu jed'eeni; ammo eege herega ufi jijirate kae deeme.

³⁰ Abbaani gara ilma mand'icha d'aqe akasuma jed'eeni. Aabbo, hayye ind'aqa jed'e, ammo d'aqu dide.

³¹ Eentu fed'i abba ufi guute? Angafa jed'aniini. Yesoni waan jed'e, Waan anini isaniti himu, sharmut'afi worri damoosa guuru isani durati Finna Waaqa argata.

³² Yohanani nama batisu d'ufe kara d'uga isani agarsiise, ammo isani d'ugefachu diddani; tatule worra damoosa guurufi sharmut'ileeni isa d'ugefatte. Eegi waan kana gartanile, qalbi teesani garagalchitani isa d'ugefachu diddani.

Mammaasa oobru zabibu

³³ Mammaasa kana ch'aqasa. Abba oobru toko jira ka oobru zabibu oobrate, dallaani marse, fulla daad'i iti ch'ach'arasanifi doofi oobru jaarate. Oobru ufi harka namati lakise, imaltu d'aqe.

³⁴ Yoi zabibu murani geennaani, inni tissele ufi erge, aka qooda mid'aani argatu.

³⁵ Jari oobru qorqoratu kaani tisse toko d'aane, toko ijeese, toko mata d'od'oose.

³⁶ Ammalle abbaani oobru kaani tissele d'ibi erge, ta haga qara ira jirtu, ammalle jari oobru qorqoratu kaani akasuma worra tolche.

³⁷ Muumme qit'issu, ilma ufi erge, Ilma kiyya inuma sodaatani jed'e.

³⁸ Ammo worri oobru qorqoratu kaani ilma arginaani waan woliini jed'e, Ilmi abba oobru kana, koota inijeemna; duuba d'aala ch'ufa imfud'anna.

³⁹ Duuba isa qabani, oobru keesaa baasani ijeesani.

⁴⁰ Yesoni waan jed'eeni, Abbaani oobru, yo d'ufu, maani worra oobru qorqoratu kana tolcha seetani?

⁴¹ Worri waan jed'eeni, Inni d'uguma worra daba suni fit'eti, oobru nama d'ibiti kenna, ka qooda mid'aani yo hojjaani geete, isaa kennu.

⁴² Yesoni waan worraani jed'e, Isani waan t'aafiini jettu taka insoomne? D'akhachi ijaartuuni tuffatte dide ya d'akha ch'ufa ira jabaa tahe. Aabbooti waan kana tolche, ila teenna durati wonti kuni waan mamaati!

⁴³ Tanaafi anini isaniti hima, Finna Waaqa isani iraa fuud'ani worra mid'aani dansa baasuuti kennani. [

⁴⁴ Nami d'akha kana gubbati jigu imbututa; yo d'akhaani nama gubba buele nama butucha.]

⁴⁵ Qaalole gugurdofi Farisayooni mammaasa Yeso d'ageennaani, aka inni waan worra dubbatu hubatani;

⁴⁶ isa qabu fed'ani, ammo gumi sodaatani, ta Yeso raaga seete.