Matayo 17 - KITAABA WAAQA

¹ Eegi guyya jaa Yesoni Petrofi Yohanafi oboleesa isaa Yakobo yaame, gaara d'eera toko koba korsiise.

² Worra durati jijirame, fuuli isaa aka adu ifse, woyaani isaa aka ifsa adaatte.

³ Jennaani Musafi Eliyaani worrati mullatani Yeso woliini hasaani.

⁴ Petroni waan Yesoni jed'e, Aabbo guddo dansa aki nu arma jiru. Yo atini feete, hoosa sadi armati jaara; toko keeti tokoleeni ka Musati kaleeni ka Eliyati.

⁵ Ato inni dubbatu, dumansi adiini toko worrati golle, qonqooni dumansa keesa waan jette, Kunini Ilma kiyya ka anini jaalad'u, ka na gammachiisu, dubbi isaa ch'aqasa jette.

⁶ Jari isaa qonqo tana d'ageennaani guddo sodaate fuula lafati deefate jige.

⁷ Ammo Yesoni d'ufe, worra tuqe waan jed'eeni, Kakaa, insodaatiina!

⁸ Mata olfud'atani jennaani Yeso ch'alla argani.

⁹ Ato gaara ira gadi buanu, Yesoni, Waan argitani kana nama tokoleti inhimina haga Ilmi Nama duisa keesaa kauti worraani jed'e.

¹⁰ Jennaani jari isa gaafate waan jed'eeni, Jari Seera beekhu maafi Eliyaani isa durati d'ufu male jed'a?

¹¹ Yesoni waan worraani jed'e, D'uguma, qaraa fiit'e Eliyati d'ufe waan ch'ufa durati mid'aasa.

¹² Ammo waan anini isaniini jed'u, Eliyaani arra kale ind'ufiini, ammo nami isa imbeenne; tanaafi waan fed'ani isa tolchani. Akasuma Ilmi Namaleeni harka worrati gaargala.

¹³ Jennaani worri aka Yesoni waan Yohana nama batisu dubbatu hubate.

Fayyisa gurba jinni qabu

¹⁴ Biyyaani baanaani, namichi toko isati d'ufe, durati jilbifate

¹⁵ waan jed'eeni, Aabbo, gurba kiyyaa nahi, inni gagabdu qaba, guddo isa garagalchiti. Hojja ch'ufa ibida keesati jiga yokhaani bisaani keesati jiga.

¹⁶ Jara keetiitini d'ufeeni jennaani fayyisu dad'abani.

¹⁷ Yesoni waan jed'eeni, Ee, worra d'ugefacha inqamne, ka woma imbeenne, haga yoomi anini isani woliini tau male? Haga yoomi obsa? Garana natiini koota.

¹⁸ Yesoni isaani lole, jinniini keesaa baate, gurbaani hojuma suni fayye.

¹⁹ Jennaani jari Yeso kobati isati d'ufe waan jed'eeni, Nu maanifi jinni suni baasu dad'amne?

²⁰ Yesoni waan worraani jed'e, Maro isani d'ugefacha diqo qabdaniifi. D'uguma, waan anini isaniini jed'u, Yo d'ugefacha diqo haga guma dambi qabaattani, gaara kanaani, Arma buqai, fulla d'ibi deemi, yo jettani, imbuqaa; wonti isani dabsata injirtu. [

²¹ Ammo kad'achaafi ufi agabsiti ch'allati jinni akana tana baasa, wonti d'ibiini dandeete imbaaftu.]

Yesoni ammalle waan duisa ufi dubbata

²² Jari isaa ch'ufti Galilayati wolti d'umnaani Yesoni waan worraani jed'e, Ilma Nama harka nyaapati, kennani,

²³ isa ijeesani, ammo guyya sadeeso kaa. Duuba jari guddo lalefate.

Yesoni gibira Mana Waaqa baasa

²⁴ Kapernaumu d'umnaani worri gibira Mana Waaqa guuru gara Petro d'ufe waan jed'eeni, Qaallichi keesani gibira imbaasu?

²⁵ Petroni, Imbaasa jed'eeni. Akuma Petroni mana seeneeni, Yesoni qara waan jed'eeni, Simoni, atini maani seeta? Hayyooti lafa gibirafi damoosa eennu iraa guurti? Abbooti lafa mo nama d'ibi iraa guurti?

²⁶ Petroni, Nama d'ibi iraa guurti jed'eeni. Yesoni waan jed'eeni, Yo akasi taate, abbootiini lafa woma imbaaftu.

²⁷ Yo taatele, nu worra kana dalansiisu imfeenu. Gara galaana, d'aqi, t'urura keesa buusi, duuba qurt'umi qara qabdu fuud'i, afaani isii gargari qabi, beese keesati argatta. Fuud'i, anaafi sile baasi.