Matayo 13 - KITAABA WAAQA

¹ Guyyuma suni, Yesoni mana keesaa bahe d'aatu galaana tae.

² Gumiini guddooni wolti baanaani inni hobolo keesa seene achi tae, duuba gumiini ch'ufti afaani galaana ejaanjite.

³ Inni mammaasaani waan heddu worrati hime waan jed'e, Namichi toko mid'aani fach'aasu d'aqe.

⁴ Ato inni fach'aasu mid'aani gari d'aatu karaa jigani, simpirreeni d'ufte nyaatte.

⁵ Mid'aani gari d'akha gubbaa jigani, fulla biyyeeni guddooni injirre. Yoosu biqilani, ammo waan biyyeeni gadi fago intahiniifi,

⁶ aduuni baanaani qanch'ooratani, duuba waan hidda inqamneefi qanch'arani.

⁷ Mid'aani gari qoraati keesa jigani, qoraatiini woliini baate ukaamsite.

⁸ Mid'aani gari biyye dansa gubbaa jigani; mid'aani d'alani, hagi toko d'ibba d'alani, ka gari jaatama d'alani, ka gari sodoma d'alani.

⁹ Yo gurra qabaattani d'agaya.

Waan mammaasaani dubbataniifi

¹⁰ Jari Yeso gara isaa d'ufe waan jed'eeni, Atini maafi mammaasaani worrati dubbatta?

¹¹ Yesoni waan worraani jed'e, waan Finna gubba ka d'ossani ya isani barsiisani, ammo worra imbarsiimne.

¹² Nama waan guddo qabu iti daraniifi, duuba inni quufeti hambisa; ammo nama woma inqamne diqo inni qabule iraa fuud'ani.

¹³ Maro waan kanatifi anini mammaasaani worrati dubbad'a. Ato ilaalanile inargani, ch'aqasanile ind'agayani, yokhaani imid'aafatani.

¹⁴ Tanaafi wonti raagi Isayani jed'e ya guutamte. Inni waan jed'e: Inuma ch'aqaftani ammo inhubattani; inuma ilaaltani ammo imid'aafattani.

¹⁵ Garaani gumi tana ya daallae. Gurri worra yayu duude, ilaale ya dunuunfatani, aka woma ingarre, aka gurraleeni woma ind'ageenne aka garaani woma inhubanne, aka nati deebiani, anini imfayimne.

¹⁶ Ammo ayaana keesani ka ilti teesani lafa gartu, gurri keesanileeni woi d'agayu.

¹⁷ D'uguma, waan anini isaniini jed'u, raagafi nami d'uga hedduuni waan isani agartani kana argu fed'e, ammo argu dad'abe; ammalle waan isani d'ageettani kana d'agayu fed'e, ammo d'agayu dad'abe.

Mammaasa abba oobru diigani

¹⁸ Yoosi mammaasa nama mid'aani fach'aasu d'agaya.

¹⁹ Yo nami dubbi Finna d'agaye inhubatiini, hamaani kaani d'ufe, waan garaa isaa keesati fach'aasani kaani keesaa fuud'a. Kunini mid'aani d'aatu kara jige.

²⁰ Mid'aani lafa d'akha gubba jige sunini nama dubbi d'agaye hurrise gammadaani fud'atu fakaata.

²¹ Ammo hidda inqabu, haga diqa obse, hojja d'ipufi gaargali maro dubbi tanaatiifi d'ufu yoosu gufata.

²² Mid'aani qoraati keesati fach'aasani suni nama dubbi d'agaye, ammo herega lafatiifi sobi durooma dubbi taani ukaamse, mid'aani d'alu d'owu fakaata.

²³ Mid'aani biyye dansa gubbati fach'aasani suni nama dubbi d'ageennaani mid'aafate, duuba mid'aani d'alu fakaata; toko d'iba toko, ka d'ibiini jaatama, ka gari sodoma d'ala.

Mammaasa raafuuti

²⁴ Yesoni mammaasa d'ibi worrati hime waan jed'e: Finni gubba nama sanyi dansa oobru ufi keesati oobre fakaata.

²⁵ Ammo ato abbaani rafu, nyaapi isaa d'ufe, raafu jiddu dargayeti fach'aase, kae iti d'aabate.

²⁶ Dargayeeni biqillaani mid'aani d'alte, jennaani raafuleeni woliini bat'e.

²⁷ Garbooti abbaati d'ufte waan jetteeni, Aabbo, atini sanyi dansa oobru tante keesati imfach'aamne? Akamiini raafu qabdi re?

²⁸ Abbaani oobru waan jed'eeni, Nyaapa kiyyati waan kana tolche. Garbooti waan isaani jette, Nu d'anne haramnu feeta?

²⁹ Abbaani oobru waan jed'eeni, Hiyyo; hegeri ato haramtanu dargayele woliini bubuqiftani.

³⁰ Lachu ha woliini baatu, haga muraansi gahuuti. Gaafa muraansa, anini waan worra muruuni jed'u, Qara raafu wolti guura, wolti hid'a aka gubani, ammo dargaye khod'o tiyyati galcha jed'aani.

Mammaasa guma dambifi bukho

³¹ Mammaasa d'ibi Yesoni worrati hime waan jed'eeni, Finni gubba waan aka guma dambi fakaata, ka nami toko fuud'e oobru ufi keesati fach'aase.

³² Inni mid'aani ch'ufa ira diqa ammo eegi bahe mid'aani ch'ufa ira guddate mukha gudda taha. Duuba simpirreeni d'ufte dame irati mana jaarati.

Mammaasa bukho

³³ Ammalle inni mammaasa d'ibi worrati hime, Finni Waaqa ka gubba bukho fakaata, ka niitiini fuute; dargaye d'ebbe lama ta jiisaniti nat'e, haga ch'ufti bukhofte olbatuti.

Yesoni mammaasani dubbi haasa

³⁴ Yesoni mammaasaani waan kana ch'ufa worrati hasae, mammaasa male woma tokole namati inhasoomne.

³⁵ Tunini aka wonti raagi jed'e guutamtu: Anini afaani kiyya banad'e mammaasaani dubbad'a, anini waan haga lafti uumamte d'ossani hima.

Mammaasa raafu diigani

³⁶ Jennaani gumi biraa deeme manati gale. Jari isaa gara isaa d'ufe waan jed'eeni, Mammaasa raafu oobru keesa diideesi nuti himi.

³⁷ Yesoni waan jed'eeni, Nami mid'aani dansaa fach'aasu Ilma Namaati;

³⁸ oobruuni lafa tana; mid'aani dansaani ilmaani Finna Waaqati; raafuuni ilmaani Hama Kaani;

³⁹ nyaapi isi fach'aase Sheet'ana. Muraansi waan eegi tana. Worri muruleeni malaika.

⁴⁰ Akuma raafu wolti guurani ibidaani gubani, akasuma eegi tanale taati.

⁴¹ Ilmi Nama malaika ufi erge, isiini Finna isaa keesa waan daba ch'ufaafi worra hameenna tolchu ch'ufa wolti guurte,

⁴² ibida balaliu keesaa gati; achiti bohani ilkaani qarani.

⁴³ Gaafasi jari d'uga aka adu Finna Abba worraa keesati ifsa. Yo gurra qabaattani, d'agaya.

Mammaasa hori d'ossaniifi dooqa

⁴⁴ Finni gubba aka hori oobru keesati d'ossani jira, ka nami argate, biyye irati deebise biraa deeme. Gammada ufi keesa waan qabu ch'ufa gurgure oobru suni bitata.

⁴⁵ Ammalle Finni gubba daldaltu dooqa mid'aadu barbaadu fakaata.

⁴⁶ Dooqa toko ta gati guddo arginaani deeme waan qabu ch'ufa gurgure bitata.

Mammaasa t'urura

⁴⁷ Ammalle Finni gubba t'urura galaana keesa buusani, qurt'umi gosa ch'ufa wolti guuraniini fakaata.

⁴⁸ Yo guutame, afaani galaanati hirkisani, tataani qurt'umi gargari filani: dadansa olkeyatani, hamamtu gadigatani.

⁴⁹ Eegi tanale akasuma taati: malaikaani d'ufte nama hamamafi dadansa gargari baafti.

⁵⁰ Ibida balaliuti guurti, achiti bohani ilkaani qarani.

⁵¹ Waan kana ch'ufa hubattani? Worri, Ee jed'eeni.

⁵² Yesoni waan worraani jed'e, Tanaafi nami seera beekhu ka waan Finna gubba barate, aka abba worraa ka subba ufi keesaa waan hareesafi dullacha baasu fakaata.

Aka Yeso Nazareti keesa tuffatani didani

⁵³ Yesoni mammaasa kana hobaamnaani achi kae deeme

⁵⁴ lafa ufi d'aqe, Mana Waaqa iti kad'atani keesati nama barsiise. Nami isa ch'aqase ch'ufti maadefate waan jed'e, Namichi kunini qalbi tanaafi humna waan mama kanaani tolchu eesaa argate?

⁵⁵ Kunini ilma namicha wo boch'u kaaniiniti? Maqaani haad'a isa Mariamuniti? Oboleyaani isaa Yakobofi Yusufufi Simonifi Yudaniti?

⁵⁶ Oboleyaani isaa ta dubra nu woliini jirtiniti? Namichi kunini jabeenna kana ch'ufa eesa argate re?

⁵⁷ Duuba isa quufu didani jennaani Yesoni waan worraani jed'e, Fulla ch'ufati raaga guddisani, ollafi worra isaa keesa male.

⁵⁸ Inni waan mama achiti intolchine, maro worri d'ugefacha inqamneefi.