Matayo 12 - KITAABA WAAQA

¹ Bara suni, Yesoni guyya Sabato oobru dargaye keesa dabarraani, jari isaa beelae, jennaani mid'aani t'ururate nyaate.

² Farisayooni waan kana arginaani waan Yesoni jette, Ilaali, jari kanke waan guyya Sabato tolchu himmalini tolcha.

³ Inni waan worraani jed'e, Isani waan Daudifi jari isa woliini jiru beelomnaani tahani insoomne?

⁴ Inni Mana Waaqa olseene, qit'a Waaqaa baasani fud'ate, nyaate wahela isaleeni gahe — qit'a nami tokoleeni, qaalole male, nyaachu himmalini.

⁵ Yokhaani isani Seera Musa keesa aka qaaloleeni guyya Sabato Mana Waaqa keesa seera Sabato ch'absitu ammo wollaala inqamne insoomne?

⁶ Waan anini isaniti himu, Wonti Mana Waaqa ira guddo arma jirti.

⁷ T'aafiini waan jettu, yo sila jecha, anini nasu male sorio hori infed'u jed'u beetani, isani nama wollaala inqamne wollaala itimurtani.

⁸ Wonti akanatiifi Ilmi Nama gudda Sabatooti.

Fayyisa namicha harki rifate

⁹ Yesoni achi deemnaani Mana Waaqa iti kad'atani toko olseene.

¹⁰ Namicha toko ka harki rifateti achi jira. Jennaani aka sila Yeso himatani waan jed'aniini, Guyya Sabato nama fayyisitiini fullaa mo fullaaniti?

¹¹ Yesoni waan worraani jed'e, Isani kana keesa, eennu nami hoola toko qabu, ka yo inni guyya Sabato boola keesa bue, hampaare boola keesaa imbaamne?

¹² Nami hoola ira injiru re? Yoosi, guyya Sabato aki waan dansaa tolchani fulla.

¹³ Jennaani inni waan namichaani jed'e, Harka kanke diriirfad'u. Namichi harka diriirfannaani harki fayye, akuma harka kaani tahe.

¹⁴ Ammo Farisayooni yaate koratte, aka isa ijeeftu mariatte.

Waan garbicha Waaqi fohate

¹⁵ Yesoni waan kana d'ageennaani achi kae deeme, duuba nami hedduuni isa gula yae. Inni nama ch'ufa fayyise,

¹⁶ ammalle biyyaani waan kiyya namati inhimina jed'e seerate,

¹⁷ aka wonti raagi Isayani jed'e guutamtu:

¹⁸ Hojattuuni tiyya ka anini fohad'e kana, ka ani jaalad'u, ka guddo na gammachiisu. Anini Lubbu tiyya isati erga, inni qorsuma tiyya gosa ch'ufati odeesa.

¹⁹ Inni imormu yokhaani lalabe iniyu, yokhaani nami tokoleeni qonqo isaa kara keesati ind'agayu.

²⁰ Inni ilaadu melatte inch'absu, yokhaani ifse aartule ind'aamsu, haga d'uga dabsachiisuuti.

²¹ Gochiti ch'ufti maqa isaa abdatti.

Waan Yesotiifi Beelzebuli

²² Jennaani namicha toko ka jinniini ilaafi afaani duchite Yesotiini d'ufani, Yesoni isa fayyise, duudaani kaani dubbate ilaaleeni lafa arge.

²³ Biyyiti ch'ufti mamte waan jette, Kunini hegeri dandae Ilma Daudi taha?

²⁴ Ammo Farisayooni waan kana d'ageennaani waan jette, Nami kunini gudda jinni, ka Beelzebuli jed'aniini, jinni baasa.

²⁵ Yesoni herega worraa beennaani waan worraani jed'e, Nami lafa toko ka gosaani gargari qodamu imbada. Ammalle diri yokhaani mani gargari qodamu aka d'aabatu inqabu.

²⁶ Akasuma duuba yo Sheet'ani Sheet'ana baase, inni yayu gargari qodame; akamiini dandae jabeennaani lafa fida re?

²⁷ Yo anini maqa Beelzebulitiini jinni baase, ilmaani teesani maqa eennutiini baafti? Tanaafi isiti isani qora.

²⁸ Ammo yo anini Lubbu Waaqatiini jinni baase, yo suni Finni Waaqa ya d'iaate.

²⁹ Nami akami dandae mana nama jaba seene miha hata, yo qaraa fiit'e abba mana inhid'iini? Yo suni dandae mana isaa seene hata.

³⁰ Nami na woliini injirre nyaapa kiyya; nami na woliini woingurre wofirfisa.

³¹ Tanaafi waan anini isaniti himu: Ch'ubbufi araba hama nami wo arabsu, namaa inaraaramani, ammo nami Lubbu Qulqulloti muratu araarama inargattu.

³² Nami Ilma Nama miid'u araarama argata; ammo nami Lubbu Qulqullo miid'u haga jiru jireenna araarama inargattu.

Waan mukhafi mid'aani isa

³³ Mukhi dansaani mid'aani dansaa d'ala, mukhi hamaani mid'aani hamo d'ala. Mukha ch'ufa mid'aani inni d'aluuni beekhani.

³⁴ Isani ilmoole bofaati! Akami dandeetani waan dansa dubbattani, yo isani hamamo taatani? Wonti akanatiifi afaani waan garaani qabu dubbatani.

³⁵ Nami dansaani hori ufi dansa keesaa waan dansaa baasa; nami hamaleeni hori ufi hama keesaa waan hamtu baasa.

³⁶ Waan anini isanti himu, guyya mura Waaqi nama ch'ufa dubbi didiqo inni jed'e, ta sila jecha himmalini gaafata.

³⁷ Dubbi teetiini d'uga sii murani, ammalle dubbi teetiini wollaala siti murani.

Barbaada akheekha

³⁸ Jennaani jara Seera beekhufi Farisayooni waan Yesoni jette, Aabbo, nu akheekha atini tolchitu argu feena.

³⁹ Ammo Yesoni waan jed'eeni, D'alooti kunini hama, Waaqa dida, akheekha barbaada, akheekhi nama agarsiisani injiru, ka raaga Yona male.

⁴⁰ Akuma Yonani guyya sadifi halkani sadi garaa qurt'umi keesa tae, akasuma Ilmi Namaleeni guyya sadifi halkani sadi boola keesa taa.

⁴¹ Biyyiti Ninawi Guyya Mura kaateti d'aloota kana himatti, waan worri maro odu dansa ta Yonani odeeseefi daba iraa deebiefi. Ammo kuno, nami Yona ira jiru arma jira.

⁴² Guyya Mura hayyitiini lafa Sheba olkaate d'aloota kana himatti isiini muumme lafati baate aka qarooma Solomoni ch'aqaftu; ammo kuno, wonti Solomoni ira jira arma jirti.

Waan deebia jinni

⁴³ Hojja jinniini nama keesaa baatu, lafa bisaani inqamne keesa marte boqota barbaaddi; ammo yo d'abdu

⁴⁴ waan ufiini jettu, Anini mana kiyya ka keesaa d'ufeti deebia. Ammo isiini deebinaani mana duwa, ka harani massani argiti.

⁴⁵ Isiini deemte jinni torba d'ibi ta isi ira hamtutiini d'ufti; duuba seenani achi qubatani. Jireenni nama suni ka lameeso jireenna qara ira hama. D'alooti hamaani kunileeni akasuma taha.

Waan oboleyaani d'uga

⁴⁶ Ato inni tae hasau, haad'afi oboleyaani isaa ala ejaanjani isaani dubbachu fed'ani.

⁴⁷ Tanaafi nami toko waan isaani jed'e, Ilaali, haatetifi oboleyaani tante ala ejaanjani siini dubbachu fed'ani.

⁴⁸ Ammo Yesoni waan namicha isati himeeni jed'e, Haad'afi oboleyaani tiyya eennu?

⁴⁹ Jennaani inni jara ufiti quba qabe waan jed'e, Kuno, haad'afi oboleyaani tiyya jara kana.

⁵⁰ Nama waan Abbaani kiyya ka gubba fed'u tolchu ch'allati oboleesafi, oboleetifi, haad'a tiyya.