Mariko 12 - KITAABA WAAQA

¹ Jennaani Yesoni mammaakhe waan jed'eeni, Nami toko oobru zabibu fach'aase, dallaani marse, boola zabibu keesati ch'ach'arasani qote, doofi iti ijaare, harka jara oobru hojatuti lakise, lafa d'ibi d'aqe.

² Muraansi geennaani, tisse toko jara oobru hojattuti erge, aka mid'aani oobru keesaa argattu.

³ Worri kaani isa fuud'e d'aane, harka duwa arie.

⁴ Ammalle abbaani tisse d'ibi worrati erge. Isale mata d'oosani ch'eersani.

⁵ Ammalle inni ka d'ibi erge, isale ijeesani, ammalle nama d'ibi heddule, ka gari d'aanani, ka gari ijeesani.

⁶ Inni ammalle nama d'ibi qaba, ilma isaa tokocha. Eege, inni isa erge waan jed'e, Worri ilma kiyya insodaata.

⁷ Ammo jari oobru hojatu kaani waan woliini jed'e, Kunini ka d'aalu, koota inijeemna, duuba d'aalti teenna taati.

⁸ Worri isa fuud'e ijeese, oobru zabibu keesaa alati darbatani.

⁹ Abbaani oobru maani tolcha yoosi? Inni d'ufe, jara oobru hojatu balleese, oobru harka nama d'ibiti kenna.

¹⁰ T'aafi Waaqa keesati tana insoomne? D'akhachi ijaartuuni tuffatte dide yayu d'akha ch'ufa ira jaba tahe.

¹¹ Aabbooti waan kana tolche ila teenna durati wonti kuni waan mama!

¹² Aka inni dubbi tana worraa jed'e, mammaakhe beennaani, jari Yahudi gugurdaani Yeso qabu fed'e. Ammo gumi sodaatani, tanaafi lakisani biraa yaani.

Waan gaafi gibira baasani

¹³ Farisayoofi jara Herode ka gari isati ergani aka dubbi afaani isaa fuud'ani.

¹⁴ Worri d'ufe waan isaani jed'ani, Aabbo, nu imbeenna aka atini nama d'uga, ka guddinna nama iyaalle; wonti akanatiifi atini fuula nama inilaaltu, ammo kara Waaqa akuma dansa nama barsiifta. Aki Kaisari damoosa baasani fullaa mo fullaaniti?

¹⁵ Imbaamna mo imbaamnu? Ammo inni kiyyiba worraa beennaani, waan worraani jed'e, Maafi na ilaalattani? Me, shilingi toko na garsiisa.

¹⁶ Tokooni d'ufani jennaani inni waan jed'eeni, Mata eenuti gubba taa? Worri waan jed'eeni, Mata Kaisari.

¹⁷ Yesoni waan jed'eeni, Waan Kaisari, Kaisarii baasa, ammo waan Waaqa, Waaqaa baasa. Worri guddo waan isaa mame.

Waan gaafi kaisa hegeri

¹⁸ Sadukayoni gari ta, Kaisi injiru jettu, isati d'ufte waan jetteeni,

¹⁹ Aabbo, aka Musani t'aafe gula, yo nami niiti qabu due, ammo ijoolle inqamne, oboleesi nama suni niiti isaa d'aale oboleesa ufiti ijoolle d'alu male jed'e.

²⁰ Duuba, oboleyaani torbati jira; ka qara niiti fuud'e, ijoolle male due.

²¹ Ka lameesotifi ka sadeesoleeni akasuma ilmaani male duani.

²² Torbaanu isi fuunaani ijoolle inarganne. Eege niitileeni doote.

²³ Gaafa kaisa, isiini niiti eennu taati? Torbaani yayu isi fuud'ani.

²⁴ Yesoni waan worraani jed'e, Isani guddo wolaaltani! Wonti akanatiifi dubbi Waaqatiifi humna Waaqa imbeetani.

²⁵ Hojja duisa keesaa kaani, nami wolimfuud'u, ammo aka malaika gubba taani.

²⁶ Ammo aka ka due kaasani isani kitaaba Musa keesa fulla waan gurbi bobeetu t'aafani taka insoomne? Aka Waaqi anini Waaqa Abrahamu, Waaqa Isaaqotiifi Waaqa Yakobo jed'e.

²⁷ Inni Waaqa Nama duetiiniti, ammo ka worra jiruti; isani guddo wolaaltani.

Seera ira gudda

²⁸ Jara Seera beekhu keesa, nami toko isati d'ufe, aka worri woldide d'ageennaani, ammalle aka Yesoni aka dansa worraa deebise beennaani, isa gaafate waan jed'e, Seera kamiti ch'ufa ira jaba?

²⁹ Yesoni waan jed'eeni, Seeri ka ch'ufa ira jaba kana. Ee Israeli, d'agayi, Aabbo Waaqa keenna Aabbo tokocha.

³⁰ Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani, jabeenna kanke ch'ufaani.

³¹ Lameesooni kana: nama ch'ufa aka ufi jaalattu jaalad'u. Seeri kana lamaani ira jaba injiru.

³² Nami Seera beekhu kaani waan Yesoni jed'e, D'uguma baanta, Aabbo atini waan d'uga dubbatte, aka Waaqi toko ch'alla, ammalle aka kad'ibiini injirre, isa male;

³³ ammalle aki isa jaalatani, garaa ch'ufaafi hubacha ch'ufaafi jabeenna ch'ufaani; ammalle aki nama ch'ufa aka ufi jaalatani jaalatani sorio gosa ch'ufa iraa wo baati.

³⁴ Yesoni aka inni qalbiini deebise arginaani waan jed'eeni. Atini Finna Waaqa iraa fago injirtu. Eegi suni, nami ch'ufumaanu isa gaafachu sodaate.

Gaafi waan Kristo

³⁵ Ato Yesoni Mana Waaqa keesati nama barsiisu, inni waan jed'e, Jari Seera beekhu akami, Kristoni ilma Daudi jed'a?

³⁶ Daudini ufiiftu, Lubbu Qulqullo keesa, waan jed'e: Aabbooni waan Abba kiyyaani jed'e: Gama kiyya ka mirga tai, haga anini nyaapa kanke miila kanke jala naquuti.

³⁷ Daudini Aabbo nama kanaani jed'a; inni akami ilma isaa tahe re? Gumiini guddooni gammadaani isa d'ageete.

Yesoni waan jara Seera beekhufi Farisayo hima

³⁸ Ato worra barsiisu, Yesoni waan jed'eeni, Jara Seera beekhu eegad'a, ka woya d'ed'eertu naqate yau, ka fulla gabayati nagaya fuud'isa jaalatu ammalle ka

³⁹ Mana Waaqa iti kad'atani keesati dura tatau jaalatu, ka jila keesati fulla dansa tatau fed'u.

⁴⁰ Worri hori nad'eeni d'iirsa inqamne iraa hobaase, ammalle nama sobe, kad'acha d'eeresa. Wollaala taka inargiini worrati murani.

Waan niitiini hiyyeetiini toko baafte

⁴¹ Yesoni fulla hori Waaqaa baasani naqani tae, gumi hori baaftu ilaale. Dureeyiini hedduuni hori gudda keesa nat'e.

⁴² Jennaani niitiini hiyyeetiini toko, ta d'iirsa inqamne, dururu lama, ta beese toko taatu, keesa buufte.

⁴³ Inni jara ufi yaame waan jed'eeni, D'uguma, waan anini isaniini jed'u, Niitiini hiyyeetiini tuni nama ch'ufa ira hori baafte.

⁴⁴ Wonti akanatiifi worri ch'ufti hori ufi gudda keesaa wo baase; ammo isiini, hiyyuma ufi keesaa, waan qabdu ch'ufa baafte, hori ufi ch'ufa.