Mariko 10 - KITAABA WAAQA

¹ Jennaani Yesoni arti kae, lafa Yudeatiifi galaana Yordani gama kaani d'aqe. Gumiini guddooni iti baanaani, inni aka aada ufi kaani worra barsiise.

² Farisayooni ta gari gara isaa d'iaatte, aka isa ilaalattu waan jetteeni, Aki nami niiti ufi jala baasu fullaa mo fullaaniti?

³ Inni waan worraani jed'e, Musani maani isaniti hime?

⁴ Worri waan jed'e, Musani eegi tatabe ufi jala baasiti iti kennani fullaa jed'e jed'ani.

⁵ Ammo Yesoni waan worraani jed'e, Maro garaani keesani jabaateefi inni seera kana isani t'aafe.

⁶ Ammo haguma waan ch'ufa uumani, Waaqi d'iirafi uwa uume jed'ani.

⁷ Maro waan kanatifi d'iirti abbaafi haad'a ufi lakifte, niiti ufitiini takaa taati;

⁸ jari lachu nafa toko taha. Tanaafi worri amma nafa lamaaniti, ammo tokocha.

⁹ Nama Waaqi wolti hid'e, nami gargari baasu himmalle.

¹⁰ Manati gallaani, jari isaa ammalle waan kana isa gaafate.

¹¹ Inni waan worraani jed'e, Nami niiti ufi lakise ta d'ibi fuud'uleeni ya niiti ufiti dabe;

¹² ammalle yo niitiini d'iirsa jalaa baate, nami d'ibiini fuud'e, isiileeni yayu daba tolchite.

Yesoni ijoolle didiqo eebisa

¹³ Biyyiti ijoolle isatiini d'ufte, aka inni tuqu, ammo jari isaa biyya d'owe.

¹⁴ Yesoni waan kana arginaani dalane waan worraani jed'e, Ijoolleeni ha nati d'uftuuti, ind'owiina; wonti akanatiifi ijoolle akana tanati Finna Waaqa qaba.

¹⁵ D'uguma, waan anini isaniini jed'u, Nami aka ijoolle ufi tolche Finna Waaqa imfud'anne diqole inargatu.

¹⁶ Inni isi hampaare, ufira teteesise, harka ira kaye eebise.

Kaimi dureesi jireenna barbaada

¹⁷ Ato Yesoni kara gula deemu, namichi toko isati utaala d'ufe, jilbifate isa gaafate waan jed'eeni, Aabbo dansa, anini maani tolcha aka jireenna hegeri argad'u?

¹⁸ Yesoni waan isaani jed'e, Atini maafi dansa naani jetta? Eentu dansa, Waaqa male?

¹⁹ Atini seera imbeeta: inijeesiini; d'iirafi nad'eeni wolbarate garayu wolintolfatini inhatiini; d'ara ind'ugeesiini; nama insobini; abbeetiifi haateti saalfad'u.

²⁰ Inni waan jed'eeni, Waan kana ch'ufa anini haguma ijoolluma tiyyati guute.

²¹ Yesoni isa millannaani, isa jaalate waan jed'eeni, Waan toko fitate, beeni, waan qabdu ch'ufa gurguri, hiyyeeyi qoodi, hori gubba argatta, duuba na gula kooti jed'eeni.

²² Dubbi tana d'ageennaani inni fuula yakate oode iti d'aabate, waan hori guddo qabuufi.

²³ Yesoni mirgaa bita millate, waan jara isaatiini jed'e, Akami jabaatti, aka dureeyiini Finna Waaqa argattu!

²⁴ Jari isaa dubbi tana guddo maadefate. Ammo Yesoni waan worraani jed'e, Isii ijoolle, argachaani Finna Waaqa akami jabaatti!

²⁵ Fulla dureesi Finna Waaqa argatu gaala qaa lime seenuti ira laafa.

²⁶ Worri guddo mame waan woliini jed'e, Eentu baafamu dandaa re?

²⁷ Yesoni worra millate waan jed'e, D'uguma namaani intaatu, ammo wonti namaani intaane Waaqaani intaati.

²⁸ Jennaani Petroni waan isaani jed'e, Ilaali, nu waan ch'ufa lakimne si gula yaane.

²⁹ Yesoni waan jed'eeni, D'uguma, waan anini isaniini jed'u, Nami ch'ufti ka worra ufi lakise, yokhaani oboleyaanifa, abbafa, haad'afa, ijoollefa, oobrule lakise, maro kiyyafi maro Odu Dansaatiifi,

³⁰ maro d'ibba toko hagasi ira argata. Inni hojja tana, maneenifa, oboleyaanifa, haad'afa, ijoollefa, oobrule, argata gaargala woliini, ammalle takaa tana jireenna hegerile argata.

³¹ Ammo nami hedduuni ka amma nama qara, hegeri ka eege taha; ammalle ka amma nama eege, hegeri ka qara taha.

Yesoni maro sadeeso waan duisa ufi hima

³² Yesofi jari isaa kara gula yaani gara Yerusalemu olqabatani, ammalle inni worra dura deemu jira. Jari isaa mame; nami isa gula yauleeni sodaate. Inni jara kud'ani lamaanu ammalle kobati yaame, waan isa tolchani suni worrati hime,

³³ waan jed'eeni, Ilaala, nu Yerusalemuti olqabanna, Ilma Nama harka qaalole gugurdotiifi jara Seera beekhuti kennani. Worri duisa iti mure harka gosa d'ibiti kenna.

³⁴ Duuba isa goyeesani, hanch'ufa iti tufani, lichooni d'aanani, ijeesani, ammo eegi guyya sadi inni inkaa.

Kad'acha Yakobofi Yohana

³⁵ Jennaani Yakobofi Yohanani, ilmaani Zebedayo, isati d'iaatani waan jed'aniini, Aabbo, waan toko nuu tolchi.

³⁶ Inni waan worraani jed'e, Maani feetani ka anini sila isani tolchu?

³⁷ Worri waan isaani jed'e, Nu lachu mirgaa bita kanke tatau feena, Finna kanke keesa.

³⁸ Ammo Yesoni waan worraani jed'e, Waan kad'attanile imbeetani. Isani mudunu anini d'uguuni dandeetani d'uddaniini? Yokhaani batiso anini batifamuuni batifamu indandeetani?

³⁹ Worri, Indandeenna jed'eeni. Yesoni waan worraani jed'e, Mudunu anini d'uguuni ind'uddaniini, ammalle batiso anini batifamuuni imbatifamtaniini;

⁴⁰ ammo aki moga tiyya ta mirgatiifi ta bita tataani tiyyaaniti, ta worra mid'aasaniifi.

⁴¹ Jari kud'annaani kaani akasi d'ageennaani, Yakobofi Yohanati dalane.

⁴² Yesoni jara wolti yaame waan jed'eeni, Isani imbeetani, aka nami sila gosa d'ibi mohatu worra dabsu, ammalle jari gugurdaani worraa jabeenna ufi agarsiisu.

⁴³ Taatule isani akasiiniti, ammo ka isani keesa gudda tahu fed'u, hojattu tahu male;

⁴⁴ ammalle ka isani keesa nama qara tahu fed'u tisse nama ch'ufa tahu male.

⁴⁵ Wonti akaatifi Ilmi Namaleeni aka hojataniifi ind'umne ammo aka namaa hojate, jireenna ufi maro nama heddutiifi baasuufi d'ufe.

Bartimayo ka balla fayyisani

⁴⁶ Yesofi jari isatiifi gumiini guddooni dira Yeriko gahani. Ato Yeriko bahanu, nami ballaani toko ka Bartimayo, ilma Timayo jed'ani d'aatu karaa taa.

⁴⁷ Inni, Yesoni ka Nazareti ya d'ufe jed'ani d'agaye, iye waan jed'e, Yeso, Ilma Daudi, naa nahi.

⁴⁸ Nami hedduuni isa dubbachu d'owe, Ch'allisi jed'eeni. Ammo inni hagasi ira iye, Ati Ilma Daudi, naa nahi jed'eeni.

⁴⁹ Yesoni miili d'aabate, Gadi yaama jed'e. Worri namicha balla kaani yaame waan jed'eeni, Garaa jabaad'u, kai, inni si yaamu jira.

⁵⁰ Inni woya ufi lafa buuse, olch'ee, Yesoti d'ufe.

⁵¹ Yesoni waan isaani jed'e, Ana maani sii tolchu feeta? Ballaani kaani waan jed'eeni, Aabbo, anini lafa argu fed'a.

⁵² Yesoni waan isaani jed'e, Beeni, d'ugefachaani tante la si fayyifte. Inni hojuma suni lafa arge, faana Yeso kara gula deeme.