Malaki 4 - KITAABA WAAQA

¹ AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

² Ammo isani, worra maqa kiyya sodaatu, d'ugaani tiyya aka adu isaniti ifsite, kayyoni isii isani jireesiti. Duuba aka yabbiye d'oqoba keesaa banani buraat'ani.

³ Duuba guyya anini wo tolchu, isani worra ch'ubbuu dabsattani ira ejaanjattani d'uke tolchitani.

⁴ Isani waan hojattuuni tiyya Musani duri isani barsiise, aadaafi seera anini worra Israeliti jed'e gaara Sinai irati isaa kenne, qaabad'a.

⁵ Ammo anini ato guyyaani AABBO Waaqaa, ka rifannoota qabu, ingeenne, raaga Eliya isaniti erga.

⁶ Inni abbaafi ilmaani wolti mid'aasa, aka anini d'ufe lafa suni abaarsaani imballeesine.