Luqaas 20 - KITAABA WAAQA

¹ Gaafa toko, ato Yesoni nama barsiise Odu Dansa Mana Waaqa keesati odeesu, qaalole gugurdofi jari Seera beekhu jaarole woliini isati d'ufani

² waan jed'aniini, Atini jabeenna kamiini waan kana nama barsiifta yokhaani eennuti jabeenna kana ch'ufa sii kenne? Nuti himi!

³ Inni waan jed'eeni, Anileeni dubbi toko isani gaafad'a, nati hima!

⁴ Batisooni Yohana gubbaa d'ufte mo nama iraa d'ufte?

⁵ Worri mariate waan jed'e, Yo nu, Gubbaa d'ufte jenne, Maafi ind'ugefatiina re? nuuni jed'a.

⁶ Ammo yo nu, Nama iraa d'ufte jenne, nami ch'ufti d'akhaani nu had'a; wonti akanatiifi Yohana raaga sehani.

⁷ Tanaafi worri waan jed'eeni, Nu gara isiini d'ufteefi imbeennu.

⁸ Yesoni waan jed'eeni, Anileeni jabeenna waan kana tolchuuni isaniti inhimu.

Mammaasa oobru zabibu

⁹ Jennaani Yesoni mammaasa kana biyyati hime waan jed'e, Nami toko oobru zabibu oobre, hojattuti lakifate lafa d'ibi d'aqe ture.

¹⁰ Muraansi geennaani garbicha toko aka inni mid'aani oobru isaa galchuufi worra hojattuti erge. Ammo hojattuuni isa d'aante harka duwa galchite.

¹¹ Inni garbicha d'ibile erge jennaani isale d'aanani ch'eersani harka duwa galchani.

¹² Ka sadeesole erge isale mata d'oosani alati baasani.

¹³ Abbaani oobru zabibu waan jed'e, Anini maal tolcha? Eegi, ilma kiyya ka anini jaalad'u erga; hegeri isafa sodaatani.

¹⁴ Ammo hojattuuni taani isa arginaani wolmariatte waan jette, Kunini ilma d'aalu, koota, inijeemna, aka d'aalti teenna taatu.

¹⁵ Tanaafi oobru zabibu keesa alati baasani ijeesani. Abbaani oobru zabibu maani worra tolcha duuba?

¹⁶ Inni d'ufe hojattu taani balleese oobru nama d'ibiti kenna. Biyyiti waan kana d'ageennaani waan jette, Waan hamaati!

¹⁷ Ammo Yesoni worra millate waan jed'eeni, Maani re, wonti t'aafani kuni? D'akhaani ijaartuuni tuffatte dide yayu d'akha ch'ufa ira jabaa tahe.

¹⁸ Nami d'akha suni irati jigu inch'ach'aba, ka d'akhaani suni irati jiguleeni imbututa.

Waan gaafi gibira baasani

¹⁹ Qaalole gugurdofi jari Seera beekhuleeni isa qabu fed'ani hojuma suni, ammo biyya sodaatani; wonti akanatiifi aka inni mammaasa kana worraafi jed'e imbeekhani.

²⁰ Worri isa eege, dooya erge, ka nama d'uga faakate, ammo sila dubbi afaani isaa fuud'ani harka nama arda suni fiduti isa geesani.

²¹ Worri suni isa gaafate waan jed'e, Aabbo, nu imbeenna aka atini waan d'uga dubbatte nama barsiiftu, nami ch'ufti sii haga tokotuyu, akuma d'uga kara Waaqa nama barsiifta.

²² Fullaa mo fullaaniti, yo nu gibira hayyu Kaisari baamnu?

²³ Ammo Yesoni kiyyiba worraa arginaani waan jed'eeni.

²⁴ Me, shilingi toko na agarsiisa. Matafi maqa eennuti irati t'aafisa qaba? Waan jed'ani, Ka Kaisari.

²⁵ Duuba Yesoni waan jed'eeni, Yoosi, waan Kaisari Kaisarii baasa, ammo ka Waaqa Waaqaa baasa.

²⁶ Worri dubbi suniini nama durati isa qabu dad'abe ammo jecha isaa mamani ch'allisani.

Waan gaafi kaisa hegeri

²⁷ Sadukayoni gari ta, Kaisi injiru jettu, gara Yeso d'ufte,

²⁸ waan jetteeni, Aabbo, aka Musani t'aafe gula, yo oboleesi nama ka niiti qabu due, ammo ilmaani inqamne, oboleesi isaa niiti suni d'aale oboleesa ufiiti ijoolle d'alchu male.

²⁹ Duuba, oboleyaani torbati jira; ka qara niiti fuud'e, ilmaani male due.

³⁰ Jennaani ka lameesotifi

³¹ ka sadeesoleeni isi fuute; torbaanu akasuma ilmaani male doote.

³² Eege, niitileeni doote.

³³ Gaafa worri duri due kau, isiini niiti eennu taati? Torbaanu ya isi fuute.

³⁴ Yesoni waan worraani jed'e, D'iirafi nad'eeni lafa tana wolfuuti;

³⁵ ammo d'iirafi nad'eeni, ta taka tana duisa keesa kaasani, haga hegeri teetu, wolinfuutu.

³⁶ Worri aka malaika jira, deebiani induani. Worri ijoolle Waaqati, waan duisa keesaa kaasaniifi.

³⁷ Ammo aka worra due kaasani, Musaleeni, fulla waan gurbi bobeetu t'aafani taaniti ya agarsiise, gaafa inni waan Abbo dubbate, inni Waaqa Abrahamutiifi, ka Isaaqotiifi ka Yakobole jed'e.

³⁸ Inni Waaqa nama duetiiniti, ammo ka worra jiruti; wonti akanatiifi nami ch'ufti isaafi jira.

³⁹ Jari Seera beekhu ka gari waan jed'eeni, Aabbo, aka dansa jette.

⁴⁰ Duuba iti deebiani dubbi d'ibi isa gaafachu sodaatani.

Gaafi waan Kristo

⁴¹ Yesoni waan worraani jed'e, Nami akami, Kristoni ilma Daudi jed'a?

⁴² Wonti akanatiifi Daudini kitaaba Faaru keesati waan jed'e, Aabbooni waan Abba kiyyaani jed'e, Gama harka kiyya ka mirga tai,

⁴³ haga anini nyaapa kanke barch'uma miila keti tolchuuti.

⁴⁴ Daudinu, Aabbo isaani jed'e; duuba Kristoni akami dandae ilma isaa taha re?

Yesoni waan jara Seera beekhu hima

⁴⁵ Ato nami ch'ufti d'agayu, inni waan jara ufitiini jed'e,

⁴⁶ Jara Seera beekhu eegad'a, ka woya d'ed'eertuuni yau fed'u, ka fulla gabayati aka nagaya fuud'ani fed'u, ka mana Waaqa iti kad'atani keesati dura tau fed'u, ka barch'uma dansa hojja sagale woliini nyaatani fed'u,

⁴⁷ ka mana nad'eeni hiyyeeyiti wo nyaatu, ka kiyyibe kad'acha d'ed'eertu kad'atu. Yaka taka inargiini worrati murani.