Luqaas 19 - KITAABA WAAQA

¹ Yesoni Yeriko seene dira keesa dabre.

² Nama tokoti jira ka Zakayo jed'ani; inni gudda worra damoosa guuruti, ammalle dureesa.

³ Inni Yeso barbaade aka inni jiru argu fed'e; ammo maro inni nama gabaabatiifi, ammalle maro gumitiifi dad'abe.

⁴ Inni aka Yesoni kara suni dabru d'ageennaani utaale dura dabre aka isa argu oda toko kore.

⁵ Yesoni achi geennaani gubba olmillate isa arge waan jed'eeni, Zakayo, hurrisi gadi bui, anini arra mana kanke oolu male.

⁶ Inni hurrise gabue gammadaani mana ufiti yaame.

⁷ Nami arge ch'ufti gungume waan jed'e, Inni yayu mana nama daba olseene.

⁸ Zakayooni olejate waan Aabbooni jed'e, Ilaali, Aabbo, anini hori kiyya gama toko hiyyeeyii qooda; yo anini nama tokole hori dabaani ira fud'ad'e, maro afuri deebisaafi.

⁹ Yesoni waan jed'eeni, Arra baafami la mana kana d'ufe, waan innileeni ilma Abrahamutiifi.

¹⁰ Wonti akanatiifi Ilmi Nama ka bade barbaade baasu d'ufe.

Mammaasa hojjatu sadi

¹¹ Worri waan kana d'ageennaani Yesoni mammaasa kana worrati hime, maro inni Yerusalemuti d'iaateefi, ammalle waan worri waan Finni Waaqa d'iotu mullatu seheefi.

¹² Duuba Yesoni waan jed'e, Namicha guddaani toko imaltu lafa fago d'aqe, aka hayyuma argate deebiu.

¹³ Inni hojattu ufi kud'ani yaame namu shilingi kunki toko iti keenne waan jed'eeni, Hori kanaani daldala, haga anini galuuti.

¹⁴ Ammo nami lafa suni isa jibbe, d'aamsa isa gula ergani waan jed'ani, Aka nami kuni hayyu keenna tahu nu imfeenu.

¹⁵ Inni hayyuma ufi fud'ate, gallaani hojattu taani ta hori iti kenne yaame, aka waan daldalaniini argatani ilaalu.

¹⁶ Namichi qara d'ufe waan jed'eeni, Aabbo, shilingiini tante la maro kud'ani d'alte.

¹⁷ Inni waan jed'eeni, Aka dansa tolchite, atini garbicha dansa! Waan atini nama d'uga taate waan diqo guuteefi dira kud'ani mohad'u.

¹⁸ Namichi lameeso d'ufe waan jed'eeni, Aabbo, shilingiini tante la maro shani d'alte.

¹⁹ Duuba inni waan isaani jed'e, Atileeni dira shani mohad'u.

²⁰ Namichi sadeeso d'ufe waan jed'eeni, Aabbo, ilaali, shilingiini tante tana; bututuuni hid'e olkaye.

²¹ Anini si sodaad'e, atini naasu inqabdu. Waan biyya fud'atta oobru biyya muratta.

²² Inni waan jed'eeni, atini garbicha hama! Anini jecha kanketiini wollaala siti mura! Atini aka anini nasu inqamne, ka waan biyya fud'atu, mid'aani biyya muratu, imbeeta.

²³ Atini maafi hori kiyya fulla inni wo na daruufi olinkayiini re? Yo akasi taate, anini hojja galu, sila hori kiyyafi waan ira d'ufa woliini fud'ad'a.

²⁴ Jennaani worra d'aawatu ejaanju kaaniini waan jed'e, Shilingi iraa fuud'a namicha kunki kud'ani qabu kaani kenna.

²⁵ Ammo worri waan jed'eeni Aabbo, inni qara shilingi kunki kud'ani qaba.

²⁶ Yesoni waan jed'eeni, waan anini isaniini jed'u, Nama qabu ch'ufa iti daraniifi, ammo ka woma inqamne waan diqo inni qabule iraa fuud'ani.

²⁷ Ammalle nyaapa kiyya kaani, ka aka anini mohad'u dide, armaani koota, na durati gogoraa.

Yesoni Yerusalemu seena

²⁸ Waan kana jennaani Yesoni dura deeme Yerusalemuti olqabate.

²⁹ Bethfagefi Bethaniati d'iaannaani, fulla gaara Ejersa jed'ani, jara isaa lama ufi dura erge

³⁰ waan jed'eeni, Haga olla isani dura suni yaa, yo achiini baatani bukhura harre ka nami taka ira intaini argitani, hiikha kootaani.

³¹ Yo nami, Maafi hiitani? isaniini jed'e, Aabbooti fed'a jed'a.

³² Jari ergani kaani kae yae waan inni jed'e arge.

³³ Ato worri bukhura kaani hiikhu, abbootiini, Maafi bukhura hiitani? jetteeni.

³⁴ Worri waan jed'eeni, Aabbooti fed'a.

³⁵ Jennaani Yesotiini d'ufani, woya ufi rara tolchani Yeso yabachiisani.

³⁶ Ato inni gulufu, woya ufi lafati afani.

³⁷ Inni goodo gaara Ejersa jed'aniti d'iaannaani, gumiini guddooni ta jara isaa, gammachuuni qonqo olfud'ate Waaqa faarsite, maro waan mama kana arganiifi.

³⁸ Waan jed'ani, Ee Waaqa hayyu maqa Waaqatiini d'ufu eebisi! Nagayafi guddinni Waaqa gubbaa ha tahu!

³⁹ Jennaani Farisayooni gari, ta gumi keesa jirtu, waan Yesoni jette, Aabbo, jara kanke kanaani, Ch'allisa jed'i.

⁴⁰ Yesoni waan jed'eeni, D'uguma waan anini isaniini jed'u, Yo sila gumiini tuni ch'allifte, d'akhayeeni tuni iniyiti.

Yesoni maro Yerusalemutiifi boha

⁴¹ Inni dirati d'iaate, dira arginaani bohe

⁴² waan jed'e, Atini ato sila guyya kana waan nagaya, lafa tanatiini d'ufa beete, guddo dansa! Ammo ammatana la si d'ossani.

⁴³ Wonti akanatiifi guyyaani ind'ufa, ka nyaapi kanke lafa siti ijaare si marse bahu si d'owu.

⁴⁴ Irreeni lafa si buusani, siifi ijoolle tantele, duuba d'akha kanke kana tokole woli irati inhambisani, waan atini guyya Waaqi d'ufe si baasu imbeenneefi.

Yesoni Mana Waaqa qulqulleesa

⁴⁵ Yesoni Mana Waaqa seene nama keesati wo gurguratu alati arie

⁴⁶ waan jed'eeni, T'aafi keesati waan jed'ani, Mani kiyya mana kad'achati, ammo isani ya goda hattu tolchitani.

⁴⁷ Inni guyya ch'ufa mana Waaqa keesati barsiisuu jira. Qaalole gugurdofi jara Seera beekhufi jaaroleeni gugurdoleeni kara isaani ijeesani barbaadani.

⁴⁸ Ammo waan isa tolchani d'abani, maro nami ch'ufti dubbi isaa gurra tokooni ch'aqaseefi.