Luqaas 1 - KITAABA WAAQA

Dubbi Qara

¹ Ee Theofilo: Nami hedduuni odu waan jiddu teennati tolchani yayu haga dandaani t'aafe.

² Worri, gaafa t'aafe, akuma jari waan kana haguma duriiti arge odeese nuti hime gula t'aafe.

³ Tanaafi anileeni dansa sehe, aka waan kana qajeelche sii t'aafu, waan anini haguma qara dubbi tana aka dansaa ilaale barad'eefi.

⁴ Wonti anini waan kana tolchuufi aka atini d'uga waan si barsiisani barattu.

D'aloota Yohana nama batisu odeesani

⁵ Bara Herodeni hayyu Yahudi, qaallicha toko jira ka Zekaria jed'ani ka balbala qaalole Abiya jed'ani. Niiti isa maqaani Elisabeti ta isiileeni balbala worra qaalole himatu.

⁶ Worri lachu Waaqa durati worra d'ugaati, wollaala male seera isatiifi aada isaa ch'ufa guutani.

⁷ Ammo ilme inqabani maro Elisabetini maseena taateefi; ammalle jari lachu jaarole.

⁸ Ato inni huji qaallu Waaqa durati hojatu, guyyaani faro isaa gahe

⁹ aka aada qaalole guutu. Hit'aani isa ira bue jennaani inni kae hit'aana Mana Waaqa keesati aarse.

¹⁰ Nami ch'ufti alati kad'achu jira, hojja inni hit'aana aarsu jiru suni.

¹¹ Malaikaani aabbo isati mullatte, gama mirga fulla hit'aana iti aarsani ejatte.

¹² Zekariani arginaani nahe rifate.

¹³ Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta.

¹⁴ Atini ingammadda, nami hedduleeni si woliini gammada, hojja inni d'alatu.

¹⁵ Wonti akanatiifi inni Aabbo durati nama gudda taha, daad'iifi farso ind'ugu, Lubbu Qulqullooni guutama akuma garaa haad'a keesaa buuni.

¹⁶ Inni ijoolle Israeli heddu gara Aabbo Waaqa isaani deebise,

¹⁷ Lubbufi jabeenna aka Eliyatini fuula Aabbo dura deema. Ammalle abbootifi ilmaani wolti araarse, nama Waaqaa insaalfane qalbi worraa d'ugaati deebisa aka gumi Aabbo Aabboo kurfeesu.

¹⁸ Zekariani waan malaikaani jed'e, Anini akamiini waan kana beekha? Anini jaarsa, niitiini tiyyaleeni la jaarte guguufte.

¹⁹ Malaikaani waan jetteeni, Anini Gabrieli, ka fuula Waaqa dura ejatu, ana siti ergani aka odu dansa tana siti himu.

²⁰ Ch'aqasi! Atini afaani duuda, haga wonti kuni guutamtuuti indubbattu, waan atini dubbi tiyya ta eegi tana guutamtu d'ugefachu diddeefi.

²¹ Jari Zekaria eegu waan inni akana Mana Waaqa keesati tureefi mame.

²² Inni gabaanaani dubbachu dad'abe, aka inni Mana keesati daayya arge beekhani. Dubbachu dad'abe jennaani harka dadarbe.

²³ Guyyaani faro isaa hobaanaani inni worra ufiti gale.

²⁴ Eegi guyya suni niitiini isaa Elisabetiini garaachoofte, haga jia shani ch'ufa d'ofatte.

²⁵ Isiini waan jette, Waan kana Aabbooni ya naa tolche, aka na qarqaare fuula nama durati fafa naa didu.

D'aloota Yeso Kristo odeesani

²⁶ Eegi jia jaa Waaqi malaika Gabrieli gara olla toko ka Galilaya, ka Nazareti jed'ani, erge

²⁷ gara intala dubra toko ta namichi Yusufu jed'ani kad'achu jiru, ka gosa Daudi, maqaani intala Mariamu.

²⁸ Malaikaani isiti d'ufte nagaya fuute waan jetteeni, Aabbooni si woliini jira, ya guddo si eebise.

²⁹ Isiini waan dubbi tanaatiifi guddo rifatte, garaa ufi keesati, mamte Kunini nagaya akami? jette.

³⁰ Malaikaani waan jetteeni, Mariamu, insodaatini, Waaqi ya si eebise.

³¹ Atini garaachoofteti ilma d'alta, maqa isaa Yeso baafta.

³² Inni gudda taha, Ilma Waaqa Gudda jed'aniini. Aabbo Waaqi hayyu isa tolcha, akuma abaabo isaa Daudi.

³³ Inni hayyu worra Yakobo haga hegerile taha; hayyumti isaa muumme inqabdu.

³⁴ Mariamuni waan malaikaani jette, Anini dubra. Wonti kunini akamiini taati?

³⁵ Malaikaani waan jetteeni, Lubbu Qulqulloti siti d'ufa, jabeenni Waaqa Gudda siti gaadiseesa. Tanaafi daima qulqullo d'alatu sunini Ilma Waaqa jed'ani.

³⁶ Me ilaali Elisabetini fiit'ani tante ta qara ya maseente jed'ani yayu eegi, jaarte ilma d'iira garaachoofte; kunini jia isii ka jaeesooti.

³⁷ Wonti Waaqi tolchu indandeenne tokoleeni injirtu.

³⁸ Mariamuni waan jetteeni, Kuno, anini garbiti Aabbooti, dubbini atini naani jette ha taatu. Duuba malaikaani isi biraa deemte.

Mariamu gara Elisabeti d'at'i

³⁹ Gaafasuma Mariamuni kaate titimaani dira lafa Yuda ka gaareeni keesa d'at'e.

⁴⁰ Mana Zekaria seente, Elisabeti nagaya fuute.

⁴¹ Elisabetiini nagaya Mariamu d'ageennaani, daimi garaa isii keesati gammadaani tabate. Elisabetiini Lubbu Qulqullooni guutamnaani

⁴² qonqo olfud'atte guddo lalabde waan jette, Nad'eeni ch'ufa keesa ya si eebisani, ammalle daimi garaa kanke keesaa bahuleeni ya eebifame.

⁴³ Dubbini tuni maafi naa taate, ta haati Aabbo kiyya nati d'uftu?

⁴⁴ Akuma nagaya kanke d'agayeeni, daimi garaa kiyya keesati gammade tabate.

⁴⁵ La si eebisani, waan atini aka dubbini Aabbooni siti hime guutamtu d'ugefatteefi.

Faaru Mariamu

⁴⁶ Mariamuni waan jette: Garaani kiyya Aabbo faarsa,

⁴⁷ lubbuuni tiyyaleeni yayu maro Qarqaarsa kiyyatiifi gammadde.

⁴⁸ Wonti akanatiifi inni ya garbiti ufi diqo qaabate. Ammalle eegi arraa achi d'alooti ch'ufti ta eebifamte naani jed'a,

⁴⁹ maro Waaqi ka jabeenna qabu waan jabdu na tolcheefi. Maqaani isaa qulqullo;

⁵⁰ inni worra isa sodaatu inaha, d'aloota ch'ufa keesa.

⁵¹ Inni harka ufitiini jabeenna agarsiise jara heregaani ufi saadu firfirse.

⁵² Hayyoota barch'uma guddinna iraa kaase hiyyeeyi ira teteesise,

⁵³ inni jara beela qabu waan dansaani quufse, dureeyi harka duwa gusse.

⁵⁴ Inni yayu garbicha ufi Israeli qarqaare, akuma ababoota teennati kakhate,

⁵⁵ ammalle aka haga jiru Abrahamufi d'aloota isaati nahu qaabate.

⁵⁶ Mariamuni haga jia sadi isi woliini teete duuba worra ufiti galte.

D'aloota Yohana nama batisu

⁵⁷ Elisabetini jii isii hobaanaani ilma d'iira deete.

⁵⁸ Ollafi fiit'ani aka Aabbooni isii nahe arginaani guddo isi woliini gammadani.

⁵⁹ Eegi torbaani toko gurbaa qabanqaba qabu d'ufani; sila maqa gurbaa Zekaria baasu fed'ani abba gula.

⁶⁰ Ammo haati waan jette, Akasiniti, Yohana jed'a jette.

⁶¹ Worri waan jed'eeni, Fiit'a teesani keesa nami maqa akasitini yaamani injiru.

⁶² Jennaani abba harkaani gaafatani, Maqaani gurba eennu? jed'aniini.

⁶³ Zekariani waan irati t'aafu kad'ate waan t'aafe, Maqaani isaa Yohana. Nami ch'ufti imame.

⁶⁴ Hojuma suni afaanifi arabi hiikhame, dubbate Waaqa faarse.

⁶⁵ Ollaani ch'ufti sodaate, dubbini tuni haga lafa gaareeni Yahudi geete.

⁶⁶ Nami d'agaye ch'ufti garaa ufi keesa keyate, Gurbaani kuni nama akami taha? jed'ani. Wonti akanatiifi inni jabeenna Waaqa qaba.

Fagiisa Zekaria

⁶⁷ Abbaani isaa Zekariani Lubbu Qulqullooni guutamnaani fage waan jed'e,

⁶⁸ Aabbo Waaqi Israeli ha eebifamu: Wonti akanatiifi inni gumi ufi qarqaare baasu d'ufe.

⁶⁹ Inni baafama ka taka argani ind'agayiini nuu kenne, d'aloota garbicha ufi Daudi keesa.

⁷⁰ Wonti inni haguma duriiti afaani raagoota isaa qulqullotiini jed'e tana:

⁷¹ Inni aka harka nyaapatiifi jara nuu jibbule jala nu baasu kakhate.

⁷² Aka ababoota teennaa nahe wold'aqisa isaa qulqullo qaabatu.

⁷³ Inni abaabo keenna Abrahamuti kakhate,

⁷⁴ aka harka nyaapa keenna keesaa nu baase, nu soda male isa hojannu.

⁷⁵ Aka qulqulloomafi d'ugaani guyya keenna ch'ufa isa dura yaanu.

⁷⁶ Gurba, atileeni raaga Waaqa Gudda jed'ani si yaamani; Aabbo dura deemte kara mid'aasitaafi.

⁷⁷ Aka waan baafama, ka araarama daba namaa d'ufuuni, gumi isaa barsiiftu.

⁷⁸ Waaqi keenna hojja ch'ufa naasu qaba; inni kayyo ta aka adu gubba nuti ifsa,

⁷⁹ Aka nami dukana keesa tataufi ka gaadisa duisa keesa tatuleti ifsu, aka faana teenna kara nagayaati qajeelchu.

⁸⁰ Gurbaani guddate nafafi lubbuuni jabaate: lafa alo keesa tae, haga guyyaani inni Israeliti ufi mullisu gahuti.