Lawi 19 - KITAABA WAAQA

Seera aka heddu

¹ AABBO Waaqa waan Musani jed'e,

² waan atini gumi Israelini jettu, qulqullo taha, wonti akanatiifi anini, AABBO Waaqi keesani, Waaqa qulqullo.

³ Isani nami ch'ufti abbaafi haad'a teesani saalfachu maltani, ammalle Sabato tiyyale jabeesu maltani. Anini AABBO, Waaqa keesani.

⁴ Naraa gortani waan harkaani mid'aasani inkad'atiina. Yokhaani sibiila tumtani Waaqa jettani iyyaamatina. Anni AABBO, Waaqa keesani.

⁵ Hojja isani hori qaltani sorio wold'ageeti baaftani, seera anini isanii kenne gula yaa, yo isani akasi taatani anini sorio teesani isani iraa fud'ad'a.

⁶ Fooni suni guyya hori qaltanifi yokhaani boriyyaate nyaad'a ammo guyya sadeeso yo fooni hafe jiraatani inyaatina guba.

⁷ Wonti akanatiifi fooni suni qulqullooniti yo nami tokoleeni nyaate nama suni waan inni naa baasu iraa infud'ad'u.

⁸ Nami nyaatuleeni wollaala qaba, waan inni waan qulqullo naa baasani t'ureesefi, duuba isaale deebiani nama kiyyati inheregani.

⁹ Hojja mid'aani oobru teesani murattani moga ch'ufati d'aabdai imurina, ammalle mid'aani qara lakisanile imurina.

¹⁰ Ammalle oobru teesani ta zabibu d'at'ani, mid'aani qara ingurini ingurina, yokhaani ka lafa jigele ingurina; hiyyeesafi keessuma lakisa. Anini AABBO, Waaqa keesani.

¹¹ Woma inhatina, yokhaani namale insobina, d'arale wolti indubbatiina.

¹² Waan d'ara maqa kiyyaani inkakhatina; yo akasi taatani isani ya maqa kiyya ch'eersitani. Anini AABBO Waaqa keesani.

¹³ Nama dabsitani insaamina. Nama isani hojatu hori d'owattani, halkani tokole iraa imbulchina.

¹⁴ Duuda inarabsina, yokhaani ballaale ingufachisina. Na sodaad'a, anini AABBO Waaqa keesani.

¹⁵ Hojja dubbi qortani d'uga gula qora; dureesa insodaatina hiyyeesale ira inch'isina.

¹⁶ Biyya keesa deemtani d'ara odeesitani gurra nama imballeesina; hojja nama dubbini qoraani ira deebite lubbu iti taate, ka isani waan suni beetani inch'alisina. Anini AABBO Waaqa.

¹⁷ Nama injibbina ammo aka maro isaatiifi ch'ubbu keesa imbuune wold'aqa, woliini taa.

¹⁸ Nama haalo fuutani yokhaani haalo imbafatina ammo aka ufi jaalattani nama ch'ufa jaalad'a. Anni AABBO Waaqa.

¹⁹ Seera kiyya guuta. Hori keesani finch'aani injijirina. Ammalle mid'aani gosa gosa oobru teesani keesati infach'aasina. Woya, liilana gosa lamaatini mid'aasani inkeyaatina.

²⁰ Hojja nami tissiti isa nama d'ibi fuusisu fed'e ka namichi suni hori imbaasini, ammo abda tisse suni intala suni barate worra lachu ijeesu himmalle ha waan d'ibi iti dubbatani. Wonti akanitiifi isiini tisse isaati.

²¹ Namichi suni elemo toko fulla balbala Waaro Woyyumatiini d'ufe ha gati sorio baasu;

²² duuba sorio suni qaallichi ha aada daba nama sunitini qulqulleesani tolche, duuba Waaqileeni araaramafi.

²³ Hojja lafa kanaanitiini baatani, baatani, mukha sagale baasu oobrattani, haga ganna sadi, mid'aani suni aka waan qulqullo inheregina. Haga ganna suni ch'ufa inyaatina.

²⁴ Ganna afreeso mid'aani mukha suni ch'ufa aka galata AABBO Waaqaa baasa.

²⁵ Ammo ganna shaneeso; haga feetani nyaad'a. Yo isani waan kana ch'ufa tolchitani mukhi keesani aka dansa mid'aani baasa. Anini AABBO Waaqa keesani.

²⁶ Fooni d'iiga qaba inyaatina, waan falfala fakaata tokole intolfatina.

²⁷ Rifeensa keesani ka maddi lamaani inhaadatina yokhaani areeda keesani imid'afatina,

²⁸ yokhaani nafa keesa ch'okho ch'irattani yokhaani nama duele jettani, ufi imamadeesina. Anini AABBO Waaqa.

²⁹ Dubra teesani fulla Waaqa d'ibi iti kad'ataniti balleesitani sharmut'a intolchina; yo isani aka kana tolchitani isani waaqa suni gula baatani laft hameennani baddi.

³⁰ Guyya Sabato jabeesa, fulla iti na yaamatanile ulfeesa. Anini AABBO Waaqa.

³¹ Nama ekhera wogaafatu, gorsa iraa infud'atina, yo isani akasi taatani ya t'urooftani. Anini AABBO Waaqa keesani.

³² Jaarole saalfad'a, duraa kaa. Nale sodaad'a, anini AABBO Waaqa.

³³ Nama gosa d'ibi, ka isani keesa godaanu, waan hamtu intolchina.

³⁴ Akuma nama keesani ka Israeli jaalattani worrale jaalad'a. Qaabad'a, aka isanileeni duri gosa d'ibi keesa lafa Misiri teetani. Anini AABBO Waaqa keesani.

³⁵ Waan woini biimitani keesa, d'eerinna taanaani, ulfinna taanaani, hagale taanaani nama indabsina.

³⁶ Waan woini biimitani miisanafi waan d'ibile taanaani, waan d'ugaatini wobiima, nama indabsina. Anini AABBO, Waaqa keesani, ka lafa Misiri keesaa isani baase.

³⁷ Aadaafi seera kiyya ch'ufa guuta. Anini AABBO Waaqa.