Lawi 18 - KITAABA WAAQA

Aada kobu

¹ AABBO Waaqi waan Musani jed'e,

² Waan atini worra Israelitini jettu: Anini AABBO Waaqa keesani.

³ Waan Worri Misiri ka isani duri lafa wofa worraa keesa teetani tahe intahina, yokhaani waan worri lafa kanaani ta anini amma iti isani geesu tahule intaguuta.

⁴ Aadaafi seera kiyya jabeesa guuta. Anini AABBO Waaqa keesani.

⁵ Aadaafi seera anini isanii kenne gula deema: yo akasi taatani lubbu teesani baaftani. Anini AABBO Waaqa.

⁶ Ammelle AABBO Waaqi waan jed'e: Nama fiit'a teesani ka uwa tokole bira irafina.

⁷ Haad'a tante bira rafte, abbaa kanke inch'eersini. Atini haad'a si d'alte qulla baasu himmalle.

⁸ Nad'eeni d'ibi abbe fuud'ele bira rafte abba kanke inch'eersini.

⁹ Oboleyaani tante ta dubra, ta woliini d'alattani taanaani, yokhaani ta haati d'ibiini d'alte taanaani, ato mana taka keesati d'alatani yokhaani fulla fullati d'alatanilee bira irafini.

¹⁰ Akhaakhu tante bira irafini wonti suni waan ch'eera hamtu.

¹¹ Oboleeti tante ta haati tante d'ibiini d'altele bira irafini; isiileeni sii oboleeti.

^12-14 Adadafi arera tante bira irafini; worri lachu fiit'a teeti.

^15-16 Niiti ilma keeti yokhaani wosila tante bira irafini.

¹⁷ Haad'afi ilme wolti bira irafini, ammalle akowaani isiile bira irafini ijoolleeni suni haad'a suni fiit'a, hujiini akasi huji dabaati.

¹⁸ Oboleeti niiti tanteeti, haga niitiini tante jirtu, bira irafini.

¹⁹ Niiti aada uwa qabdu bira irafini, wonti akanatiifi isiini qulqullooniti.

²⁰ Niiti nama d'ibi bira rafte ufi int'ureesini.

²¹ Ijoolle tante tokole gubde waaqa Moleki jed'ani sorio imbaasini wonti akanatiifi yo akasi taate atini ya maqa AABBO Waaqa ch'eersite.

²² Nami d'iira aka nad'eeniini rafu woli bira irafini: Waaqi huji akasi guddo jibba.

²³ Nami d'iira yokhaani ka uwa bineensati injalatini; hujiini sunini waan karaa male tolchani.

²⁴ Waan akana kana tokole tolchitani ufi int'ureesina; wonti akanatiifi gochiti anini isani duraa baasu, waan akana kana tolchite ufi t'ureesite.

²⁵ Hujiini worraa lafa t'ureesite jennaani anini lafa suni maro t'uri sunitifi balleese, laftileeni nama isi keesa tau ufiraa gussite.

^26-27 Worri suni waan hamtu akana tolche, lafa t'ureese, ammo isani akasi tolchu himmalle. Isani ch'ufti Israeli taanaani nama gosa d'ibi ka isani keesa godaanu taanaani, aadaafi seera kiyya guutu maltani.

²⁸ Duuba yo isani akasi taatani lafti ufiraa isani ingussitu, aka isiini worra duri isani dura lafa suni keesa tae tolchite.

²⁹ Isani imbeetani, aka nama waan hamtu akana tolche ch'ufa gumi Waaqati anini inherenne.

³⁰ Ammalle AABBO Waaqi waan jrd'e, Dubbi tiyya ch'aqasa, waan hamtu worri duri lafa tana keesa tau tolche gula indeemina. Ammalle waan akasi suni tokole tolchitani ufi int'ureesina. Anini AABBO Waaqa keesani.