Lawi 11 - KITAABA WAAQA

Bineensa nyaatanifi ka inyaanne

¹ AABBO Waaqi waan Musafi Harunini jed'e,

² Waan isani worra Israelitini jettani, bineensi lafa keesa jiru ka isani nyaachu maltani kana.

³ Bineensa qeench'e kaarru qabu ka alala deefatu.

^4-6 Ammo gaalafi, hillens afi bineensa d'ibi aka isaale inyaatina; bineensa akasi suni aka waan qulqullo intahiniti herega. Wonti akanatiifi bineensi kunini alala deefata, ammo qeench'i isani kaarru inqabu.

⁷ Booyye inyaatina, isiile aka waan qulqullo intahiniti herega; wonti akanatiifi qeench'i isii kaarru, ammo alala indeefatu.

⁸ Bineensa akana kana tokole inyaatina, yokhaani reefa isanile intuqina; wonti akanatiifi inni qulqullooniti.

⁹ Qurt'umi gosa ch'ufa ta bisaani keesati galtu nyaad'a,

¹⁰ ammo waan bisaani keesati gala, ka qurt'umi intahini, inyaatina.

¹¹ Bineensa akana kana aka waan qulqullo intahiniti herega, inyaatina, yokhaani reefa isaanile intuqina.

¹² Waan bisaani keesati gala ka qurt'umi intahini inyaatina.

^13-19 Wonti khoola qaba, ka isani inyaanne tana: risafa, urungufa, qorefa, ruumichafa, akko abeerafa, haranqeesafa, rand'ufa, guchifa, simpirre bisaani ch'ufa, baabo alloonafa, ammalle raarefa inyaatina.

²⁰ Bineensi didiqani khoola qabu ch'ufti qulqullooniti,

²¹ ka kurupatu male.

²² Awaanisa, qorra, yokhaani koropu nyaad'a.

²³ Ammo bineensa didiqa ch'ufa, ka khoola qabuufi ka miila afuri qabu, waan qulqullo intahiniti herega.

^24-28 Nami reefa bineensa kana tuqu ch'uft haga aduuni d'iituti qulqulooniti: bineensa queench'a qabu ch'ufa yo qeench'i worraa kaarru qabaate worri alala deeate male, ammalle, bineensa kotte ch'ufale. Nami reefa worra baate ch'ufti woya miich'achu male ammo ato miich'atele haga aduuni d'iituni inni qulqullooniti.

^29-30 Tuqa, hantuta, halakhe, wokalla, qarch'o quuyu, gaarara, bineensa akana kana ch'ufa waan qulqullo intahiniti heregu malani.

³¹ Nami bineensa suni jirafi reefa isaale tuqe haga aduuni d'iituti qulqullooniti.

³² Ammalle yo reefi bineensa suni woi gubba buele, wonti suni qulqullooniti. Seeri sunini waan mukhaafi, woya, gosafi waan aka baasileeni mid'aasani sunuma, ato huji taateni hojatanile. Waan suni ha bisaani keesa buusani ammo haga aduuni d'iituti qulqullooniti.

³³ Ammalle yo reefi suni okote faara keesa bue, wonti keesa jira qulqullooma d'abdi. Ammalle okote faara suni ha ch'absani.

³⁴ Sagale sila nyaatani, ta bisaani okote suni iti ch'obani qulqullooma d'abdi, ammalle wonti sila okote suni keesaa d'uganileeni qulqullooma inqabdu.

³⁵ Wonti reefil suni ira buu tokoleeni qulqullooniti; okote faaratifi waan woiti d'aabani d'ibile ch'ufa ch'ach'absu malani.

³⁶ Ammo maddofi qabaani bisaani qulqullooma ind'abdu, ato wonti d'ibiini reefi suni tuqe qulqullooma d'abdele.

³⁷ Yo reefi suni toko sanyi fach'aasu fed'ani ira bue, sanyini suni qulqullooma ind'abdu.

³⁸ Ammo yo sanyi suni bisaani iti naqani, reefi suni ira bue, sanyini suni qulqullooniti.

³⁹ Yo bineensi nami sila nyaatu due, nami reefa suni tuqe haga aduuni d'iituti qulqullooniti.

⁴⁰ Ammalle yo nami tokoleeni fooni bineensa suni nyaate, inni ha woya ufi miich'atu, ammo haga aduuni d'iituti inni ammalle qulqullooniti.

^41-42 Bineensa didiqa ka lafa ira deemu, ato garaani lafa ira lohele yokhaani miila afraanini deemele tokole inyaatina.

⁴³ Waan kana nyaattani ufi int'ureesina.

⁴⁴ Anini, AABBO Waaqi keesani Waaqa qulqullo, Tanaafi ufi qulqulleesa, qulqullo taha.

⁴⁵ Anini Waaqa keesani, ka lafa Misiri keesaa isani baase, aka Waaqa keesani tahu. Tanaafi akuma anini qulqullo isanileeni qulqullo tahu maltani.

⁴⁶ Kunini duuba seera bineensafi simpirreefi waan bisaani keesati galatifi waan lafa ira deema ch'ufa.

⁴⁷ Isani qorqorachu maltani, aka waan qulqulloofi waan qulqullo intahini yokhaani bineensa nami nyaatufi ka nami inyaannel gargari hubattani.