Kolosai 4 - KITAABA WAAQA

¹ Abbooti, tissele teesani waan dansa tolcha. Aka isanileeni Abba gubba qabdani qaabad'a.

Waan kad'achaafi hasaa

² Hojja ch'ufa kad'ad'a, indad'abiina, ilaafiina, Waaqaa galata deebisa.

³ Nule Waaqa kad'ad'a, aka inni balbala nu bane nu dubbi isaa odeesine waan d'ossa Kristo himnu. Maro waan sunitiifi anini hid'aansa keesa jira.

⁴ Waaqa kad'ad'a, aka anini kara qajeelaani odeese nami hubatu.

⁵ Qalbefad'a, worra d'ugefacha inqamne dura adabaani yaa, qoomni argattani ch'ufa imballeesina, woiini tolcha.

⁶ Yo hasooftani dubbi dansa miooftu hasaa. Ammalle nama woi isani gaafate qajeelcha deebisaafi.

D'aamsa nagaya

⁷ Oboleesi keenna Tikikoni, ka aka dansa ufi baase huji Aabbo na woliini hojate odu tiyya ch'ufa isaniti odeesa.

⁸ Maro waan kanatifi anini isa gara keesani erga, aka inni waan nu keesa jirru isaniti hime isani gammachiisu.

⁹ Onesimoni, oboleesa keenna ka d'uga ka gumi teesani keesa jiru, wahela isaati. Waan nu keesa jirru ch'ufa worrati isaniti odeesa.

¹⁰ Aristarkoni, ka hid'aansa keesa na woliini jiruufi Marikoni, dubriini Barnaba, nagaya isanii d'aamani. Isani ya qara d'aamsa waan isaa d'ageetani, aka yo inni d'ufu isa bulchitani.

¹¹ Yesoni ka Yusto jed'anileeni nagaya d'aama. Worri Yahudi ka d'ugefate, ka Finna Waaqati jed'e nu woliini hojatu jara kana ch'alla; worri guddo na qarqaare.

¹² Epafraleeni ka gumi teesani, ka hojattu Kristo Yeso, nagaya d'aama. Inni hojja ch'ufa guddo Waaqa isanii kad'ata, aka isani jabaattani guddattani aka dansa d'ugefattani fed'i Waaqa ch'aqaftani.

¹³ Anini waan huji inni isanii hojate isaniti himu indandaa, ta gumi Laodikiafi Hierapolile.

¹⁴ Luka ch'ireesa keennatiifi Demani nagaya isani d'aamani.

¹⁵ Oboleyaani Laodikia keesa jirtu nagaya nu fuud'a, ammalle Nimfafi gumi mana isii keesati wolwoldeetule.

¹⁶ Eegi tatabe tana soomtani, qorqorad'a aka gumi Laodikialeti soomani. Tatabe gumiini Laodikia isanii t'aaftule sooma.

¹⁷ Arkiponi, Huji Aabbo ta harka keetiti kennani hojad'u guuti jed'iini.

¹⁸ Anini waan kana harka kiyyaani t'aafa: Pauloni nagaya isani fuud'a. Haada naani hid'ani inded'ina. Eebiti Waaqa isani woliini jiraatiinna.