Jaallaboota 5 - KITAABA WAAQA

¹ Guyya suni Deborafi Barakani, ilmi Abinoamu, faaru tana d'ahatani:

² AABBO Waaqa faarsa! Worri Israeli garaa jabaate had'e; biyyiti garaa tokooni ufi gabaafte.

³ Ee hayyoota, ch'aqasa! Ee jaallaboota, d'agaya! Anini sirbe, AABBO Waaqa Israeli faarsa.

⁴ AABBO Waaqa, gaafa atini gaareeni Seiriti kaate, gaafa lafa Edomu keesaa d'ufte, lafti chochoote, bokai gubbaa baafate. Ee, bisaani dumansa keesaa bafatani.

⁵ Gareeni AABBO Waaqa Sinai durati chochoote, AABBO Waaqa Israeli durati:

⁶ Gaafa Shamgari, ilma Anathi, gaafa Yaeli, godaanti ch'ite, nami imaltu deemuleeni kara d'aatu yae.

⁷ Diri Israeli ona tahe, Ee Debora; haga atini d'ufte, aka haad'a Israeliti d'ufte, diri nama d'abe.

⁸ Gaafasi Israeliini waaqoota d'ibi gula yaate, had'iisi lafati bue. Askarti Israeli ta kuma afurtama keesa nami woraanafi wonte qabu injira?

⁹ Garaani kiyya worra gugurda askarti Israeli bira jira, worra garaa tokooni ufi gabaase. AABBO Waaqa faarsa!

¹⁰ Isani worri harre adadi yaabatu, ka koora ira tau, ammalle isani worri miilaani yau, dubbi tana odeesa.

¹¹ Me ch'aqasa! Gumi eelati baafattu, ta yaamu yaamsitu, dabsacha AABBO Waaqa odeesite, dabsacha worra Israeli himtu! Duuba gumiini AABBO fullo worrati yaate.

¹² Kai, Debora kai! Kai, faaru daad'i! Garaa jabaad'i, Baraka, ilma Abinoamu, nami atini boojite dura deemi!

¹³ Jennaani askartini jajabduni worra gugurda ufiiti d'ufte; gumiini AABBO Waaqa duulaa kurfefatte iti d'ufte.

¹⁴ Worri Efraimu d'ufe bale duude, worra gula nami gosa Benjaminitifi ch'ufti d'ufe. Worri gugurdaani askarti Makira gad'ufe, jaallabooti Zabuloni ira gad'ufte.

¹⁵ Worri gugurdaani Isakari Debora woliini d'ufe; ee, Isakarini d'ufe, Barakileeni d'ufe bale keesa isa gula yaani. Ammo gochiti Reubeni gargari qoodamte; garaani worraa lama tahe.

¹⁶ Worri maanifi moona hoola ree keesati hafe? Tissitu maqa hooliye yaamatu d'agayu fed'a? Ee, gochiti Reubeni gargari qoodamte garaani worraa lama tahe.

¹⁷ Gochiti Gadi Yordani ilaboruti hafte, gochiti Danileeni hobolo birati hafte. Gochiti Asheri afaani galaanati hafte, d'aatu bisaaniti.

¹⁸ Ammo gochiti Zabulonitifi ta Naftali had'iisa keesati lubbu ufi jibbaate.

¹⁹ Tanaaki, fulla maddo Megidoti, hayyoota d'ufte nama haate; hayyooti Kanaani nama haate, ammo qarsi imboojine.

²⁰ Urjini gubba nama haate; ato gubba martu Sisera haate.

²¹ Bisaani guddooni worra fud'atani bisaani galaana Kishoni, anini irre tiyyaani dura deema, nami na ind'owu!

²² Jennaani fardooleeni gugulufte, lafa miila ufiitini d'id'ite.

²³ Malaikaani AABBO Waaqa waan jettu, Merozi abaara, nama achi taule abaara. Worri AABBO Waaqa qarqaaru dide, aka askarti isaa ind'umne.

²⁴ Niitiini nad'eeni ch'ufa ira eeba qabdu Yaeli, niiti Heberi ka gosa Keni, nad'eeni waaroti galtu ch'ufa ira eeba qabdi.

²⁵ Siserani bisaani kad'annaani, isiini aanani kenniteefi; isiini ititu gorfa mid'aagaani d'ufteenifi.

²⁶ Isiini d'iisa waaro harka tokoti qabate harka kaanini burisa tumtuu qabate; duuba Sisera d'oofte mata borosite, mata woraante urte,

²⁷ Inni jilba irati jige, miila isii durati lafa d'ae, inni miila isiiti jige lafa d'ae due.

²⁸ Haati Sisera qaa manatini laalte, mana keesani millatte. Gaarini isaa maanifi akana tura? Fardooleeni isaa maanifi akana laana d'ufti? jette gaafate.

²⁹ Nad'eeni isii qaqaroleni wo jetteeni, isiileeni maro heddu waan ufiini jette,

³⁰ worri waan boojiani qoodachu jiraniti? Dubra tokofi lama ta d'iira ch'ufa, woya dansa ta d'iira ch'ufa, woya dansa ta Sisera, woya ch'okhani ta hayyitiini mormati keeyattu.

³¹ Ee AABBO Waaqa, nyaapi kanke ha akasuma hobauti, ammo jallaani tante ha akuma biiftu baatu ibsituti! Duuba haga ganna afurtama lafti nagaya argatte.