Jaallaboota 19 - KITAABA WAAQA

¹ Bara suni ka worri Israeli hayyu inqamne, namichi Lawi toko lafa moga, ta gaareeni Efraimu, keesati gala. Inni intala toko ta dira Bethlehemu lafa Yuda keesaa gaarayu tolfate manati galfate.

² Ammo isiini isati, dallante, kaate mana abba ka Bethlehemu jirtu baate, haga jia afuri achi teete.

³ Jennaani namichi kaani hojattu isaatifi harre lama fud'atte faana isii deeme, sosobate galfachu d'aqe. Namichi Lawi d'ufe, jennaani intalti olseeni jetteeni, abbaaleni isa arginaani gammade,

⁴ Tai jed'e haga guyya sadi bulche, worri nyaate d'uge achuma bule.

⁵ Guyya afreeso ganama lafaa kaani ilmaltu kurfefatani, ammo abbaani intalaa waan namicha Lawitini jed'e, Qara bud'o bafad'a aka jajabaatani, duuba kaa, yaa.

⁶ Duuba jari lachu woliini nyaate d'unnaani, abbaani intalaa waan jed'eeni, Aabba halkani kanale sagale quufte nagayumani ufira bulte ho?

⁷ Namichi Lawi deemaa kaanaani, soddaani isaa sobate buli jed'eeni, jennaani ufi iraa bule.

⁸ Guyya shaneeso ganamaani lafaa kae, deemaa kurfefate, ammo abbaani intalaa waan jed'eeni, Bud'o baafad'i, aka jajabaatu, gulantana deemta. Duuba tatani woliini gololfatani.

⁹ Namichafi gaarayu isaatifi hojattuuni isaa deemaa kaani jennaani abbaani intalaa waan jed'eeni, Lafa, aduuni ladite, yo ufi ira bultani woya, lafti amuma tana la dukanofte, worri keesanuma, ufi ira bulaa, bori ganama kaatani yaatani galtani.

^10-11 Ammo namichi bulu infeene, tanaafi isaafi gaarayu isaatifi hojattufi harre worraa lamaani ta koora qabdu fuud'ani woliini yaani. Galgale d'aatu Yebusi (ka Yerusalemu jed'ani) d'umnaani, namichi hojattu isaa waan jed'eeni, Armati gorre, dira Yebusi kana keesa bule ho?

^12-13 Ammo namichi dide waan jed'eeni, Nu dira nyaapa kana, ka worri Israeli keesa injirre, keesa imbullu. Diqo duruma yaane Gibea yokhaani Ramafa bulla

¹⁴ jennaani worri Yebusi biraa dabre yauma yae, d'iaadutini Gibea ta lafa gosa Benjaminitini bahe.

¹⁵ Kara ira gorani aka achi bulani. Dira d'umnaani wod'aka dira keesa, fulla nami iti wolwoldau, tatani, ammo nama worra bulchu d'abani.

¹⁶ Ato worri achi ch'iisu, jaarsi toko ka oobru oole keesaa galu d'ufe. Inni nama lafa gaareeni ta Efraimuti, ammo amma Gibea taa (worri d'ibiini ka dira suni worra gosa Benjamini).

¹⁷ Jaarsi kaani namicha keessuma ka achi tau arge jennaani, Atini eesaa d'ufte? Amma eesati deemta? jed'e gaafate.

¹⁸ Namichi Lawi kaani waan jed'eeni, Nu Bethlehemu ta Yuda keesa jirtu d'umne amma lafa teenna ta gaareeni Efraimu ta mogati yaana. Nami tokoleeni ka nu bulchu injiru, ammo.

¹⁹ Okhayafi buyo harreni teenna nyaatufi qit'afi daad'i, ta anaafi gaarayu tiyyafi, hojattuuni tiyya soorannu inqamna, nu waan inqamne inqamnu.

²⁰ Jaarsi waan jed'eeni, Yoosi koota, worra kiyya nagayaani bulla, anati isani qorqorata, waan diida kana bultanifi inqabdani.

²¹ Duuba inni worra mana ufiti galche, harre worraa nyaachise, bisaani worri miila diqatule kenneefi, sagalele woliini sooratani.

²² Jennaani ato worri gammadani nyaate d'uge woliini tabatu, worri algali hamani toko, ka dira suni, mana marse, balbala worrati d'aane waan jaarsani jed'e, Namicha keessuma ka mana kanke keesa jiru suni gabaasi imidisomsina!

²³ Ammo jaarsi abba mana iti gabahe, waan jed'eeni, Akananiti, oboleyaani tiyya, waan hamtu akana keessumicha kiyya intolchina.

²⁴ Kuno laala gaarayu isaatifi intalti tiyya ta taka nami infuud'inu kunooti isanii gayaasa, fud'ad'a, waan mataani keesani maddu tolfad'a. Ammo waan hamtu akana namicha kanati intolchina!

²⁵ Ammo worri algali kaani isa ch'aqasu dinnaani, namichi Lawi kaani gaarayu isaa worraa alati baase. Jennaani worri isii buufate, halkani suni ch'ufa haga lafti bariituti bira rafe.

²⁶ Lafti bariite jennaani niitiini taani d'ufte, balbala mana jaarsa fulla d'iirsi jiruti jidde, haga lafti guyyatuti achuma ch'iifte.

²⁷ Diirama d'iirsi isi deemaa lafaa kae jennaani gaarayu isaa ta mana dura harka balbalati d'eerefate ch'iiftu arge.

²⁸ Inni waan jed'eeni, Kai, nu yaasi, ammo isiini ch'allifte aka reefa ufumaa ch'iifte. Jennaani inni reefa isii fuud'e, harre gubbaa kaye galisaa deeme.

²⁹ Worra ufiti galaani mana olseene, bilaa fud'ate, reefa gaarayu isaa fulla kud'ani lamati gargari ch'ire, gosa kud'ani lama ta Israeli toko tokooni iti erge.

³⁰ Nami ch'ufti ka waan kana arge maadefate waan jed'e, Nu haguma d'alanne taka waan akana ind'ageenne! Eegi worri Israeli lafa Misiri keesaa bahe, wonti akana taka ya taate d'iiro! Wonti kunini waan wolgaafatani wotolchu malani, me dubbad'a!