Jaallaboota 17 - KITAABA WAAQA

¹ Duri namicha tokoti jira, ka Mika jed'ani, ka lafa gareeni ta Efraimu keesa tau.

² Inni waan haad'aani jed'e, Gaafa nami qarsi kuma tokofi d'ibba toko si duraa hate, atini hattu suni abaarte. Anini sii abaartu d'agaye, laali, beese suni nami hateleni anuma. Haati waan jetteeni, AABBO Waaqi si eebisina!

³ Duuba inni beese suni haad'a deebise jennaani isiini waan jette, Aka abaarsi kunini gurba kiyya inqabanne, anumati qarsi tana fuud'e garaa tokooni AABBO Waaqaa keenna. Duuba qarsi suni ha fuud'ani, mukha boch'ani aka waaqa kad'ataniini mat'ansani.

⁴ Duuba amma qarsi suni haad'aa deebise, isiini qarsi d'ibba lama keesaa fuute, tumtuti geesite, jennaani tumtichi mukha fuud'e boch'e, qarsi suni iti mat'anse, akheekha woi waaqa jed'e mid'aase, duuba mana Mika keesa kayani.

⁵ Namichi kunini ka Mika jed'ani fulla itikad'atu qaba. Inni akheekha woi heddufi waan efodi jed'ani toko Waaqa jed'e mid'aase, ilma isaa tokole qaallu tolfate.

⁶ Bara suni hayyuuni lafa Israeli keesa injiru, tanaafi nami ch'ufti waan fed'u tahe.

⁷ Ammalle gaafasi gurba toko, ka gosa Lawi, ka dira Bethlehemu lafa Yuda keesa tau, jira.

⁸ Inni fulla iti qubatu barbaada Bethlehemu kae, ato deemu mana Mika ka lafa gareeni Efraimu keesa jiruni bahe.

⁹ Mikaani isa gaafate waan jed'e, Eesaa d'ufte? Inni waan jed'eeni, Anini nama gosa Lawi, ka Bethlehemu lafa Yuda. Anini fulla qutuma barbaadu jiru.

¹⁰ Mikaani waan jed'eeni, Na woliini tai, qaallufi abba mala naa tahi, anileeni qarsi kud'ani gannati sii kenne, woyaafi sagalele sii keenna.

¹¹ Namichi Lawi sunini ee jed'e, Mika woliini tae, aka ilma taheefi.

¹² Mikaani isa qaallu tolfate, innileeni mana Mikati gale.

¹³ Jennaani Mikaani waan jed'e, Amma anini ya nama gosa Lawi qaallu tolfad'e, armaa achi AABBO Waaqi na eebise na horsiisa.