Jaallaboota 15 - KITAABA WAAQA

¹ Eegi suni, gaafa dargaye haamatani, Samsonini kaarata laleesa fuud'e, gara niiti isaa d'aqe. Inni abba isiitiini waan jed'e, Anini d'iibu niiti tiyya d'aqu fed'a ammo inni dide,

² waan Samsonini jed'e, Anini waan atini isi jibbite sehe jaala kanketi kenne. Ammo oboleeti isiiti ta maand'a ta isi ira mid'aadu, jira, suni fud'ad'u.

³ Samsonini waan worrani jed'e, Amma waan anini worra Filisti tolchu inagartani, nami na ingaafatini!

⁴ Jennaani kae geedala d'ibba sadi qabe, lama lamaani eege wolti hid'e, buyo iti mare ibida gudunfa taani keesa kaye.

⁵ Jennaani buyo suni ibidaani qabsise geedala taani oobru Filisti ta mid'aani qabdu keesati gadi d'iise. Kara kanani inni mid'aani murani tuulani ch'alla ingubne, ammo ka ejaanifi oobru ejersa ch'ufale gube.

⁶ Jennaani worri Filisti waan jed'e, Eentu waan kana tolche? Duuba waan jed'aniini, Samsoni, soda namicha Timnati, akana tolche, waan sodaani isaa niiti Samsoni jalaa fud'ate jaala isaati kenneefi. Jennaani worri Filisti d'ufe, niiti sunifi mana abba isi woliini gube.

⁷ Samsonini waan worra sunini jed'e, Yoyu woni isani tolchitani tana tate, anini inkakhad'a aka haga haalo, bafad'u male inteenne!

⁸ Inni aka hama worra had'e nama heddu fit'e. Eegi suni d'aqe goda d'akha ka Etamu keesa tae.

Aka Samsonini worra Filisti dabsate

⁹ Worri Filisti d'ufe Yuda keesa qubate, dira Lehi had'e.

¹⁰ Worri Yuda worra Filisti gaafate waan jed'e, Isaani maafi nu haatani? Worri waan jed'eeni, Nu Samsoni qabu d'umne, aka waan inni nu tolche isa tolchinu.

¹¹ Jennaani worri Yuda ka kuma sadi gara goda d'akha ka Etamu kaani d'aqe waan Samsonini jed'e, Atini imbeetu, aka worri Filisti nu mohatu? Atini maani nu tolchite? Inni waan jed'eeni, Anini woma worri na tolche worra tolche.

¹² Worri waan jed'eeni, Nu aka hiine worrati sigeesinufi d'umne. Samsonini waan jed'eeni, Kakhad'a, aka ufi isani harka keesanini na inijeemne.

¹³ Haye, hataatu nu harka keennani si inijeemnu ammo haaduma ch'allaani si hiine worrati sigeesina jed'aniini jennaani worri haada hareesa lamaani isa hid'e goda keesaa isa fuud'e.

¹⁴ Inni Lehiini bahe jennaani, worri Filisti isati iyye iti orie. Jennaani Yoma suni irreeni AABBO Waaqa isa jabeesite, inni haada harka isaatini hid'ani kaani ch'ire, akuma liilana qaqalla ch'irani.

¹⁵ Jennaani boqo harre d'io doote arge, gajed'e fuud'e, nama kuma tokotini gate.

¹⁶ Jennaani Samsonini sirbe waan jed'e, Boqo harretini nama kuma toko gate; boqo harretini wolti tuule.

¹⁷ Eegi suni lafe boqo harre taani gadigate. Fulla had'iisi kunini iti tahe Ramath-Lehi, yokhaani kubi boqo jed'aniini.

¹⁸ Jennaani inni guddo d'eebote, AABBO Waaqa yaamate waan jed'eeni, Siumati worra kana na dabsachiise; anini ara d'eebuuni due nyaapa Filisti kunini ka aada inqamne na qaba?

¹⁹ Jennaani Waaqi lafa Lehi fulla toko borrose, bisaani burqa keesaa bafatani. Samsonini d'uge, lubbuuni iti deebite. Duuba maddo suni Enhakore jed'aniini, haga arrale Lehi jirti.

²⁰ Samsonini haga ganna diddama, ka worra Filisti lafa mohate jaallaba worra Israeliti tahe.