Jaallaboota 10 - KITAABA WAAQA

¹ Eegi Abimelekini due, Tolaani, ilmi Pua, akhaakhu Dodo worra Israeli baasu d'ufe. Inni nama gosa Isakari ka Shamiri lafa gareeni Efraimu keesa tau.

² Inni haga ganna diddami sadi jaallaba Israeli tahe. Inni donaani Shamiriti awaalani.

Yairi

³ Eegi Tolaani due, Yairini ka worra Gileadi, d'ufe ganna diddami lama jaallaba worra Israeliti tahe.

⁴ Inni ilmaani sodoma ta harre sodoma yaabattu d'ale. Ijoolleeni suni dira sodoma lafa Gileadi keesaa qabdi, ka arrale ollowaani Yairi jed'ani

⁵ Yairini donaani Kamoniti awaalani.

Yeftha

⁶ Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani.

⁷ Duuba AABBO Waaqi worra Israeliti dallane, harka worra Filistitifi ka, Amoniti lakise.

⁸ Haga ganna kud'ani saddeeti worri suni worra Israeli, ka lafa worra Amori keesa tau, ka galaana Yordani ilaborutiini jiru, lafa Gileadi keesati dabse gaargalche.

⁹ Worri gosa Amoni, galaana Yordanile taake, gosa Yudatifi ta Benjaminitifi ta Efraimule had'ani. Kara kanaani worri Israeli guddo gargala argate.

¹⁰ Jennaani worri Israeli AABBO Waaqati bohe waan jed'eeni, Nu yayu ch'ubbu si durati hojanne, waan nu sii Waaqa keenna, lakimne waaqoota Baali jed'ani kad'anneefi.

¹¹ AABBO Waaqi waan worraani jed'e worra Misiritiifi ka Amoritifi ka Amonitifi ka Filistitifi.

¹² Ka Sidonitifi ka Amalekitifi ka Maonileeni ch'ufti duri isani dabse jennaani naati bootani. Anini gaafasi worra suni jalaa isani imbaamne?

¹³ Taatule na lakiftani waaqoota d'ibi kad'atani, tanaafi anini deebie isani imbaasu.

¹⁴ Beena, waaqoota isani fohataniti boha; yo isani d'iba argattani ha worri isani baasuti.

¹⁵ Ammo worri Israeli waan AABBO Waaqaani jed'e, Nu ya ch'ubbamne, waan feetu ch'ufa nu tolchi, ammo arra nu baasi.

¹⁶ Duuba worri waaqoota worra gosa d'ibi kaani gadi gate, AABBO Waaqa ch'alla kad'atani. Inni duuba gaargala worra Israeli arginaani obsu dad'abe.

¹⁷ Jennaani duuli worra Amoni had'iisaa kurfae Gileaditi naanae. Worri Israelileeni wolti d'ufe Mispa ta Gileadi keesati naanae.

¹⁸ Achiti biyyafi worri gugurdaani ka gosa Israeli walgaafatani waan jed'ani yo nu worra Amoni haanu eenuti abba duula nu taha? Ka had'iisa kana keesaa abba duula tahu, gudda nama Gileadi keesa jiru ch'ufa taha.