Isaya 9 - KITAABA WAAQA

¹ Lafa gosa Zabulonitifi ta Naftali duri ya ch'eersani, ammo takaa tana lafti suni saadu argatti, haga galaana Gudda ilaboruuti fuud'ani galaana Yordani gama kaaniti d'aabani ammalle haga Galilayale, fulla gochiti d'ibiini teetu.

² Worri duri dukana keesa yau, amma yayu ifsa gudda arge, worri duri lafa gaandiddooftu keesa taa, ammo amma tana ifsaani ya worrati ifse.

³ Ammo atini ya gammada gudda worra kennite, worra gammachiifte, AABBO Waaqa; worri si durati gammade, akuma nami hojja mid'aani muratuufi hojja waan boojiani qoodatu gammadu, gammada.

⁴ Atini qaampara worrati ulfaatefi ule gurmu worraa d'aante ch'absite. Atini gosa gosa teesani dabsite balleesite dabsate, akuma duri atini duula Midiani dabsate.

⁵ Kobele worra duulaatiifi woya isaani, ta d'iigi balleese, ibidaani gubani.

⁶ Daimi ya nuu d'alate! Ilma ya nuu kennani! Isati hayyu keenna taha. Maqaani isaani yaamani: Abba mala dansaa, Waaqa Guddaya, Abba jiru jireenna, Hayyu Nagaya.

⁷ Jabeenni inni namaani fidu inhobau, lafti inni fidu yo ch'ufa nagaya qabdi. Inni barch'uma Daudi, ka hayyuma, ira tae nama fida; inni d'ugaafi qajeelumaani nama fida, haga ammatiifi haga hegerile. AABBO Waaqi guddaani waan suni guutu male illakisu.

Aka AABBO Waaqi Israeliti dallanu

⁸ Aabbo Waaqi yayu worra Yakobo wollaala iti mure, wollaali sunini Israeli qabate.

⁹ Nama Israeli keesa jiru ch'ufafi nami Samaria keesa tauleeni aka inni waan suni tolche imbeekha. Worri ufi saade kiyyibe waan jed'u,

¹⁰ Mani d'oqe faaratini jaarani ya jige, ammo nu fulla isaa mana d'akhaa jaaranna. Dareraani oda yayu ch'ach'absani, ammo nu hind'eesa dadansa fulla suni keenna.

¹¹ AABBO Waaqi yayu nyaapa worraa worrati kaase.

¹² Worri Ashuru ka ilaborutiifi worri Filisti ka ila aduuleeni yayu afaani worra Israeliti baane worra liqimse. Ammo ato akasile taate dallansuuni AABBO Waaqaa isa ira ingaltu, inni harka d'eerefate ammalle worra d'aanu fed'a.

¹³ Gumiini Israelii ch'ubbu iraa indeebine; ato AABBO Waaqi guddaani worra gaargalchele worri isaati indeebine.

¹⁴ Guyya tokooni AABBO Waaqi worra gugurda Israelitiifi gumile ch'ufa inhobaasa; inni matafi eegele ch'ufa iraa kuta.

¹⁵ Mataani jaaroleefi worra gurra qabu — eegeeni raagoota dubbi d'ara barsiiftu!

¹⁶ Nami gumi tanaani deemu yayu worra kara iraa gorse, wowollaalchise balleese.

¹⁷ Tanaafi AABBO Waaqi kaima tokole fiigu d'owu dide, nad'eeni hiyyeeyifi ilmaani hiyyeeyile nahu dida; wonti akanatiifi gumiini tokoleeni Waaqa imbeetu, waan hamtu tolchite hameenna ch'alla dubbatti. Ato akasile taate, dallansuuni AABBO Waaqaa isa ira ingaltu, inni harka d'eerefate ammalle worra d'aanuu fed'a.

¹⁸ Ch'ubbuuni gumi aka ibida bobeete, mukha qoraatitiifi mogorele gubde, akuma ibida badda gubu, ka aari guddaani keesaa olbahu taati.

¹⁹ Waan AABBO Waaqi guddaani guddo dallaneefi lafti ch'ufti gubate, ibidi gumi balleese, nami tokoleeni ka arma bahi woliini jed'u injiru.

²⁰ Mirgaafi bitaleti nami sagale saame nyaata, ammo beela imbahu, waan d'ibi lakisi, worri ilme d'alelle inyaata!

²¹ Worri gosa Manasetifi ka Efraimuleemi woli had'e, ammalle eege wold'aqani Yuda had'ani. Ato akasile taate, dallansuuni AABBO Waaqaa isa ira ingaltu, inni harka ufii d'eerefate, ammalle worra d'aanu fed'a.